កាលពីពេលថ្មីៗនេះ រដ្ឋមន្ត្រីក្រសួងព័ត៌មាន លោក ខៀវ កាញារីទ្ធបានអនុញ្ញាតឲ្យលោកមាជ សុវណ្ណារ៉ា ស្ថាបនិកនៃមជ្ឈមណ្ឌលពត៌មានខ្មែរប៉ុស្តិ៍ ( វិទ្យុខ្មែរប៉ុស្តិ៍ ) និងសហការី ចូលជួបសម្តែងការគួរសម និងពិភាក្សាការងារ ជុំវិញការស្នើសុំច្បាប់បើកការិយាល័យវិទ្យុខ្មែរប៉ុស្តិ៍ឡើងវិញនៅកម្ពុជា នៅទីស្តីការក្រសួងព័ត៌មាន។
ក្រោយពីជំនួបពិភាក្សាគ្នាក្នុងរយ:ពេលមួយម៉ោងមក លោករដ្ឋមន្ត្រី ខៀវ កាញារីទ្ធិ ក្នុងនាមតំណាងអោយរដ្ឋាភិបាលកម្ពុជា បានយល់ព្រមអនុញ្ញាតិច្បាប់អោយវិទ្យុខ្មែរប៉ុស្តិ៍ ដែលមានមូលដ្ឋាននៅសហរដ្ឋអាមេរិក បើកការិយាល័យឡើងវិញនៅកម្ពុជា។
លោក មាស សុភ័ណ្ឌ អ្នកនាំពាក្យក្រសួងព័ត៌មាន បានបញ្ជាក់យ៉ាងដូច្នេះថា៖ «ជួបជាមួយខ្មែរប៉ុស្តិ៍ព្រឹកមិញនេះទីមួយ គឺជាការជួបសម្តែងការគួរសម និងសាកសួរសុខទុក្ខ ឯកឧត្តមរដ្ឋមន្ត្រី ទន្ទឹមនឹងនោះក៏ស្នើសុំនូវការគាំទ្រឲ្យខ្មែរប៉ុស្តិ៍អាចដំណើរការផ្សាយនៅក្នុងព្រះរាជាណាចក្រកម្ពុជា។ ជាការឆ្លើយតប ឯកឧត្តមរដ្ឋមន្ត្រីគាំទ្រសំណើនេះ ក៏ប៉ុន្តែក៏ឲ្យតំណាងខ្មែរប៉ុស្តិ៍ត្រូវតែបំពេញ លិខិតស្នាមតាមផ្លូច្បាប់ ដែលមានជាធរមាន»។
វិទ្យុខ្មែរប៉ុស្តិ៍ បានផ្អាកការផ្សាយរបស់ខ្លួន តាមរលកធាតុអាកាសFM 105 នៃវិទ្យុសំបុកឃ្មុំនៅកម្ពុជា តាមការបញ្ឈប់ផ្អាកការផ្សាយពីក្រសួងពត៌មាន តាំងពីឆ្នាំ២០១២ ក្រៅតែពីធ្វើការផ្សព្វផ្សាយតាមរលកធាតុ អាកាសខ្លីប្រព័ន្ធ Short Wave និងអន្តរបណ្តាញ Online ពីសហរដ្ឋអាមេរិកតែប៉ុណ្ណោះ។ នេះបើតាមការបញ្ជាក់របស់លោកមាជ សុវណ្ណារ៉ា៕
វិទ្យុខ្មែរប៉ុស្តិ៍ ស្នើសុំច្បាប់បើកការិយាល័យវិទ្យុខ្មែរប៉ុស្តិ៍ឡើងវិញនៅកម្ពុជា
កាលពីពេលថ្មីៗនេះ រដ្ឋមន្ត្រីក្រសួងព័ត៌មាន លោក ខៀវ កាញារីទ្ធបានអនុញ្ញាតឲ្យលោកមាជ សុវណ្ណារ៉ា ស្ថាបនិកនៃមជ្ឈមណ្ឌលពត៌មានខ្មែរប៉ុស្តិ៍ ( វិទ្យុខ្មែរប៉ុស្តិ៍ ) និងសហការី ចូលជួបសម្តែងការគួរសម និងពិភាក្សាការងារ ជុំវិញការស្នើសុំច្បាប់បើកការិយាល័យវិទ្យុខ្មែរប៉ុស្តិ៍ឡើងវិញនៅកម្ពុជា នៅទីស្តីការក្រសួងព័ត៌មាន។
ក្រោយពីជំនួបពិភាក្សាគ្នាក្នុងរយ:ពេលមួយម៉ោងមក លោករដ្ឋមន្ត្រី ខៀវ កាញារីទ្ធិ ក្នុងនាមតំណាងអោយរដ្ឋាភិបាលកម្ពុជា បានយល់ព្រមអនុញ្ញាតិច្បាប់អោយវិទ្យុខ្មែរប៉ុស្តិ៍ ដែលមានមូលដ្ឋាននៅសហរដ្ឋអាមេរិក បើកការិយាល័យឡើងវិញនៅកម្ពុជា។
លោក មាស សុភ័ណ្ឌ អ្នកនាំពាក្យក្រសួងព័ត៌មាន បានបញ្ជាក់យ៉ាងដូច្នេះថា៖ «ជួបជាមួយខ្មែរប៉ុស្តិ៍ព្រឹកមិញនេះទីមួយ គឺជាការជួបសម្តែងការគួរសម និងសាកសួរសុខទុក្ខ ឯកឧត្តមរដ្ឋមន្ត្រី ទន្ទឹមនឹងនោះក៏ស្នើសុំនូវការគាំទ្រឲ្យខ្មែរប៉ុស្តិ៍អាចដំណើរការផ្សាយនៅក្នុងព្រះរាជាណាចក្រកម្ពុជា។ ជាការឆ្លើយតប ឯកឧត្តមរដ្ឋមន្ត្រីគាំទ្រសំណើនេះ ក៏ប៉ុន្តែក៏ឲ្យតំណាងខ្មែរប៉ុស្តិ៍ត្រូវតែបំពេញ លិខិតស្នាមតាមផ្លូច្បាប់ ដែលមានជាធរមាន»។
វិទ្យុខ្មែរប៉ុស្តិ៍ បានផ្អាកការផ្សាយរបស់ខ្លួន តាមរលកធាតុអាកាសFM 105 នៃវិទ្យុសំបុកឃ្មុំនៅកម្ពុជា តាមការបញ្ឈប់ផ្អាកការផ្សាយពីក្រសួងពត៌មាន តាំងពីឆ្នាំ២០១២ ក្រៅតែពីធ្វើការផ្សព្វផ្សាយតាមរលកធាតុ អាកាសខ្លីប្រព័ន្ធ Short Wave និងអន្តរបណ្តាញ Online ពីសហរដ្ឋអាមេរិកតែប៉ុណ្ណោះ។ នេះបើតាមការបញ្ជាក់របស់លោកមាជ សុវណ្ណារ៉ា៕
