នៅទីបំផុត តារាសម្តែង និងពិធីករលោក ប៉ែន ចំរុង បានសម្រេចចិត្តកាន់ដៃគូស្នេហ៍រូបស្រស់ ហ៊ុន ម៉ាណេ ចូលរោងការតាមប្រពៃណីខ្មែរហើយ ដែលមានការចូលរួមហែរជំនួនពីសំណាក់មានសិល្បករ-ការិនីល្បីៗជាច្រើនដួងនៅព្រឹកថ្ងៃទី ២៨ ខែវិឆ្ឆិការ ឆ្នាំ ២០១៩ នេះ ។
នៅក្នុងពិធីហែរជំនូនដែលមានទីតាំងស្ថិតនៅវិមានពិភពថ្មីសែនសុខ អគារ B គេសង្កេតឃើញថា ក្រៅពីមានសាចញាតិទាំងសងខាងចូលរួមហើយនោះ មានសិល្បកររួមអាជីពជាច្រើនចូលរួម ម្នាក់ៗតុបតែខ្លួនយ៉ាងស្រស់ស្អាត ពោរពេញដោយស្នាមញញឹម ដើម្បីជាសញ្ញានៃការអបអរសាទរចលោក ប៉ែន ចំរុង ចំពោះការចូលរោងការ។
គួរបញ្ជាក់ដែរថា ក្រោយពីបែកចែកផ្លូវ ជាមួយនឹងអតីតភរិយាអ្នកនាង ភិន សុដាលីស ដោយបន្សល់នូវចំណងដៃកូនស្រីម្នាក់ លោក ប៉ែន ចំរ៉ុង ក៏សម្រេចចិត្តផ្ដើមស្នេហាជាថ្មី និងមិត្តស្រីរូបស្រស់ ដោយរួមរស់ជាមួយគ្នាយ៉ាងផ្អែមល្ហែម។ ក្នុងនោះ ក៏មានអ្នកគាំទ្រជាច្រើន បានសម្ដែងក្ដីត្រេកអរ រំភើបចិត្តជំនួសតារារូបនេះ ព្រោះតែលោក អាចរកឃើញនារីដែលត្រូវចិត្តដើម្បីសាងសុភមង្គលជាថ្មី។
