បើតាមការទម្លាយព័ត៌មានពីប្រភពអាចយកជាការបានបញ្ជាក់ថា នី រតនា និងភរិយា បានចំណាយលើសម្អាងការសម្រាប់ពិធីរៀបអាពាហ៍ពិពាហ៍របស់ពួកគេអស់ជាង 8ពាន់ដុល្លារ ហើយតម្លៃនេះ ជាតម្លៃដែលម្ចាស់សម្អាងការបានបន្ធូរបន្ថយ។
នេះបានបើយោងតាមការរៀបរាប់ពីម្ចាស់សម្អាងការស្ទីលថ្មីស្រីតុប ប្រាប់ថា សម្អាងការរបស់អ្នកនាងបានរៀបចំ 12 ឈុត សម្រាប់អាពាហ៍ពិពាហ៍របស់លោក នី រតនា និង កញ្ញា ហេង សុវណ្ណភក្ដិណា សុទ្ធតែជាឈុតស្អាតៗ ថ្មីៗសន្លាង នឹងមានលក្ខណបែបបុរាណប្រពៃណីតែម្ដង។
អ្នកនាងស្រី ម៉ុច បន្ដថា ល្ងាចម្សិលមិញ បានប្រើប្រាស់ 5 ឈុត សម្រាប់ពិធីសូត្រមុន រីឯពេលព្រឹកនេះមាន4ឈុត និង ពេលល្ងាច មាន3 ឈុត និងរ៉ូបកាត់នំ ។
ពិធីរៀបអាពាហ៍ពិពាហ៍របស់តារាចម្រៀង ប្រចាំផលិតកម្មហង្សមាស និងកូនស្រីអ្នកជំនួញធំរូបនេះ ទាំងផ្កាភ្ញីរៀបចំនៅមុខរោង និងគ្រឿងរណ្ដាប់ផ្សេងៗ សុទ្ធតែប្រណិតៗ ដោយចំណាយប្រាក់អស់ច្រើនម៉ឺនដុល្លារ។ ចំពោះ ពិធីទទួលភ្ញៀវកិត្តិយសនាពេលល្ងាចធ្វើឡើងនៅ ដឺព្រេមៀសេនធ័រ សែនសុខ (អាគារ D,E) ។
ជុំវិញការរៀបចំពិធីមង្គលដ៏ធំនេះត្រូវបានមហាជន ក៏ដូចជាអ្នកដែលនិយមស្ដាប់សម្លេងតារាចម្រៀងរូបនេះបានលើកឡើងថា ការរៀបចំពិធីដែលចំណាយលុយយ៉ាងសន្ធឹកសន្ធាប់បែបនេះពិតជាសក្ក័សមទៅនឹងកិត្ដយសតារាចម្រៀងនី រតនា ដែលកំពុងតែទទួលបានការគាំទ្រ និងមានភាពល្បីល្បាញ។ពិសេសក៏មានការលើកសរសើរថា កូនក្រមុំ និងកូនកំលោះមួយគូនេះពិតជាស្រស់សង្ហាសមគ្នាខ្លាំងណាស់៕