ក្រុមអ្នកវិទ្យាសាស្ត្រ បានរកឃើញឱម៉ាស់ពិឃាតខ្នាតយក្សប្រភេទថ្មី នៅភាគខាងត្បូងប្រទេសចិន ហើយពួកគេ បានគិតថា វាគឺជាឱម៉ាល់យក្សធំជាងបំផុតនៅលើពិភពលោក។
ដោយគេដាក់ឈ្មោះឲ្យថា Godzillaនោះ ឱម៉ាល់យក្សនេះ ត្រូវបានគេរកឃើញនៅជិតទីក្រុងពូអើ ស្ថិតក្នុងខេត្តយុនណាន ហើយត្រូវបានគេគិតថា វាជាសត្វឱម៉ាល់អាចសម្លាប់មនុស្សបានយ៉ាងងាយស្រួលបំផុត។
ឱម៉ាល់យក្សនេះ មានបណ្តោយដងខ្លួនជាង៦សង់ទីម៉ែត្រ ហើយស្លាបម្ខាងរបស់វាមានប្រវែង១០សង់ទីម៉ែត្រ ដែលទំហំនេះ ត្រូវបានគេចាត់ទុកថាជាឱកាសធំបំផុតមិនធ្លាប់ដែលប្រទះឃើញកាលពីមុនមក។
វាជាប្រភេទឱម៉ាល់ដែលមានដងខ្លួនធំជាងឱម៉ាល់អាស៊ី ឬឱម៉ាល់ជប៉ុន ដែលមានដងខ្លួនប្រវែង៤.៥សង់ទីម៉ែត្រ និង៤សង់ទីម៉ែត្រប៉ុណ្ណោះ។
ទោះបីជាយ៉ាងណាក៏ដោយ យើងកុំទាន់អាល់ភ័យចំពោះគ្រោះថ្នាក់បង្កឡើងដោយសារតែឱម៉ាល់ប្រភេទនេះដោយសារតែឱម៉ាល់យក្ស Godzilla ត្រូវតែគេរកឃើញនៅតែអនុតំបន់ត្រូពិកនៅភាគខាងកើត និងភាគខាងត្បូងអាស៊ី ប៉ុណ្ណោះ។
ក្រោយធ្វើការវិភាគលើឱម៉ាល់យក្សនេះរាប់រយក្បាលរួចមក លោក Zhao Li គឺជាអ្នកវិទ្យាសាស្ត្រ និងអ្នកជំនាញមកពីសារមន្ទីរសត្វល្អិត ហួស៊ី ស្ថិតនៅក្នុងទីករុងចេងទូ បាននិយាយថា វាប្រហាជាពពួកសត្វទើបរកឃើញថ្មីនៃពពួកឱម៉ាល់ពិឃាត។
ប៉ុន្តែក្រុមអ្នកសិក្សាស្រាវជ្រាវលើសត្វល្អិតបែបវិទ្យាសាស្ត្រ កំពុងតែធ្វើតេស្តបន្ថែមទៀត ដើម្បីកំណត់ថាតើ វាគឺជាប្រភេទសត្វល្អិតថ្មីឬយ៉ាងណា ខណៈពេលដែលពួកគេទើបតែរកឃើញសត្វឃ្មុំធំបំផុតនៅលើពិភពលោកដែរនោះ។
គួរឲ្យដឹងថា សត្វឃ្មុំយក្ស Wallace ត្រូវបានរកឃើញនៅលើកោះ North Moluccas ប្រទេសឥណ្ឌូនេស៊ី ហើយទំហំរបស់វាប៉ុននឹងមេដាយមនុស្សចាស់។ សត្វឃ្មុំប្រភេទនេះ ត្រូវបានរកឃើញដំបូងគេតាំងពីឆ្នាំ១៨៥៨មកម្ល៉េះ ប៉ុន្តែពួកវាបានបាត់ខ្លួនទៅវិញ ចាប់តាំងពីឆ្នាំ១៩៨១រហូតមក ពេលដែលប្រភេទឃ្មុំផ្សេងៗទៀត ត្រូវបានគេរកឃើញ៕