...កំពុងតែរត់ហាត់ប្រាណនាពេលព្រឹកព្រលឹមហើយស្រាប់តែមានជនចម្លែកអត់ស្គាល់គ្នាសោះ ស្ទុះមកច្របាច់កពិតជាមានអារម្មណ៍ភ័យតក់ស្លុតខ្លាំងណាស់ ស្រែកខ្លាំងៗឲ្យគេឯងជួយហើយ។ បុរសម្នាក់មានឋានៈជារដ្ឋលេខាធិការក្រសួងសង្គមកិច្ច ខណៈដែលកំពុងរត់ហាត់ប្រាណ តាមបណ្ដោយសួនច្បារខាងកើត វិមានឯករាជ្យផ្លូវសុរាម្រិត សង្កាត់ចតុមុខ ខណ្ឌដូនពេញ ស្រាប់តែមានជនញៀនថ្នាំម្នាក់ ស្ទុះមកចាប់ច្របាច់ក បង្កការភ្ញាក់ផ្អើលដល់កម្លាំងសមត្ថកិច្ចជួយអន្តរាគមន៍ ។
លោករដ្ឋលេខាធិការ ឃួន រ៉ានីន វ័យ៥២ឆ្នាំ ចំណែក ជនសង្ស័យឈ្មោះ មាស គន្ធា អាយុ៣៤ឆ្នាំ មុខរបរ និងទីលំនៅមិនពិតប្រាកដ។ជនរងគ្រោះបានប្រាប់សមត្ថកិច្ចថា មុនពេលកើតហេតុ គាត់បានរត់ហាត់ប្រាណតាមសួនច្បារ មិនចាប់អារម្មណ៍ ស្រាប់តែជនសង្ស័យ បានដើរមកពីក្រោយចាប់ច្របាច់កគាត់តែម្តង ហើយពេលនោះ គាត់បានខំប្រឹងស្រែកឲ្យគេជួយ ខណៈកម្លាំងល្បាតរបស់ប៉ុស្តិ៍នគរបាលរដ្ឋបាលចតុមុខ នៃអធិការដ្ឋាននគរបាលខណ្ឌដូនពេញ ឃើញក៏ធ្វើការអន្តរាគមន៍តែម្តង។
សមត្ថកិច្ច បញ្ជាក់ថា ជនសង្ស័យត្រូវកម្លាំងប៉ុស្តិ៍ចតុមុខ ធ្វើការឃាត់ខ្លួន នាំមកធ្វើតេស្តទឹកនោមស្វែងរកសារធាតុញៀន ឃើញថា មានសារធាតុញៀននៅក្នុងទឹកនោម។ ជនសង្ស័យត្រូវកម្លាំងជំនាញកសាងសំណុំរឿង ដើម្បីចាត់ការតាមច្បាប់ ៕
Home ព្រឹត្តិការណ៍ថ្មីៗ បុកពោះទាំងព្រឹកតែម្តងហើយ…លោករដ្ឋលេខាធិការ ត្រូវជនថ្នាំញៀនស្ទុះច្របាច់ក