…ប៉ុន្មានយប់ដំបូងចេះតែឮសម្លេងខ្វោក…ខ្វាកៗនៅលើពិដានផ្ទះប្តី-ប្រពន្ធមួយគូនេះគិតថាគ្រាន់តែជាសត្វកណ្តុរហើយបានទៅទិញអង្គប់យកមកដាក់កុំឲ្យចេះតែរំខានពេក។ លុះទិញអង្គប់បានហើយក៏គាស់ពិដានបង្ហើយប្រឡោះបន្តិចដើម្បីដាក់អង្គប់។ ប៉ុន្តែម្ចាស់ថ្លៃបុរសជាប្តី វិះរបូតជើងធ្លាក់ពីលើកាំជណ្តើរពីព្រោះតាមរយៈពន្លឺភ្លើងពិល...គាត់បានភ្លាត់សម្លេងស្រែកប្រាប់ប្រពន្ធដែលកំពុងឈរទប់ជណ្តើរថា...ម៉ែវា មានពស់ឆ្វាយរង្វេលធំណាស់!។តាមការចុះផ្សាយរបស់ Daly Mail លោក Bob និងអ្នកប្រើ Linda Van der Herchen ជាភរិយាព្រមទាំងកូនប្រុសបានរស់នៅក្នុងផ្ទះនេះ ហើយ ពួកគេចេះតែបានឮសម្រិបស្នូរក្រោកក្រាកលើពិដានផ្ទះ តែពុំរវីរវល់ព្រោះសន្និដ្ឋានថា ជា…កណ្តុរតែប៉ុណ្ណោះ។
លុះនៅពេលចុងក្រោយកាលពីពេលថ្មីៗកន្លងទៅនេះដោយកូនប្រុសមានអារម្មណ៍ពិបាកទ្រាំ នឹងស្នូរចម្លែកទើបលោក Bob សម្រេចចិត្តចោះពិដាន១ប្រឡោះ ដើម្បីនាក់អង្គប់ពិនិត្យមើល មូលហេតុ ថាមកពីអ្វីឱ្យប្រាកដទៅ។ នៅពេលដែលចោះរួចពិនិត្យមើល លោកពិតជាព្រឺរោម ឡើងឡើងរឹងដៃជើង ស្រឡាំងកាំងស្មារតី គ្រាឃើញសត្វដែលពុំមែនជាកណ្តុរដូចការដែលលោកនឹកស្មាននោះឡើយ តែវាគឺជាពស់ធំ១ក្បាលទៅវិញ។ភ្លាមនោះពួកគេបានទូរស័ព្ទហៅអ្នកឯកទេសចាប់ពស់ វាគឺជាពស់ថ្លាន់កន្ទុយក្រហម ដែលនេះជាពូជពស់ថ្លាន់អាមេរិកខាងត្បូង ដែលវាមានប្រវែងរហូតដល់ទៅ២ម៉ែត្រឯណោះ។
លោក Bob ពោលយ៉ាងរន្ធត់ថា “ខ្ញុំត្រូវពង្រឹងស្មារតី ប៉ុន្មាននាទីទើបជឿលើអ្វីៗនៅពីមុខខ្ញុំ ព្រះអើយស្មានពុំដល់ថា ប៉ុន្មានឆ្នាំមកនេះពួកខ្ញុំបានរួមរស់ជាមួយសត្វដ៏គ្រោះថ្នាក់ ដោយពុំដឹងអ្វីទាំងអស់សោះ!”។វាថែមទាំងធ្វើសំបុក១យ៉ាងរឹងមាំលើនោះទៀតផង ពិតជាធ្វើឱ្យព្រឺក្បាលមែនទែន។
