បច្ចប្បន្ននេះ យើងសង្កេតឃើញថាការប្រើប្រាស់ខោទឹកនោម សម្រាប់ក្មេងៗ និងមនុស្សចាស់ពិតជាពេញនិយមណាស់ព្រោះវាមានភាពងាយស្រួល និងជួយសម្រួលទុក្ខលំបាកបានច្រើនចំពោះអ្នកមើលថែពួកគាត់។ ដោយឡែកងាកទៅមើលនៅសហរដ្ឋអាមេរិកវិញស្ត្រីម្នាក់បានផលិតកន្ទប ប៉ុន្តែមិនមែនសម្រាប់មនុស្សទេគឺសម្រាប់សត្វមាន់ហើយគាត់រកបានប្រាក់យ៉ាងច្រើនសន្ធឹកសន្ធាប់ពីការផលិតនេះ។ ស្ត្រីម្នាក់មានឈ្មោះថា Julie Baker អាចរកចំណូល បានប្រមាណ ៥០.០០០ ដុល្លារ ក្នុង១ឆ្នាំ ។
គួរឲ្យដឹងថា កាលពី មុន Julie និងកូនស្រី បានចិញ្ចឹមមាន់មួយហ្វូង នៅកសិដ្ឋានតូចមួយរបស់ពួកគេ ។ បន្ទាប់មក , Julie ក៏បែកគំនិតធ្វើកន្ទបសម្រាប់មាន់ គ្រាដែលកូនស្រីតូចរបស់គាត់ចង់យកមាន់ឲ្យមកនៅក្នុងផ្ទះ ។ធ្វើបានមួយរយៈ អ្នកដទៃឃើញក៏ទាក់ទងសុំទិញពីគាត់ ។ ពី១ថ្ងៃទៅមួយថ្ងៃ “អតិថិជន” កើនឡើងជាហូរហែរ។ លុះក្រោយមកJulie បានបង្កើតហាង Online មួយ ដោយ ក្នុងមួយខែៗ គាត់ផលិត “កន្ទបមាន់” ប្រហែលពី ៥០០-១០០០ លក់ក្នុងតម្លៃ ១៨ USD/មួយសម្រាប់ ។ ក្រោយមកក៏បែកគំនិតធ្វើផលិតផលការពាររោម ឬកន្ទបមានសណ្ឋានដូចជា… រ៉ូបជាដើម។
នេះគឺពិតជាគំនិតច្នៃប្រឌិតមួយបែបដែលអាចទាញប្រាក់ចំណូលយ៉ាងច្រើនដោយនឹកស្មានមិនដល់៕
