មានសំនួរជាច្រើន តែងតែសួរថា តើធ្វើយ៉ាងណាដើម្បីឲ្យរស់នៅបានយូរ? ព្រោះតែមិនចង់ឃ្លាតចាកពិភពលោកទៅរហ័សពេកទេចង់នៅមើលថែទាំកូនចៅចង់នៅជាម្លប់សម្រាប់ពួកគេនិងធ្វើឲ្យបំណងប្រាថ្នាដែលធ្លាប់បានគិតឲ្យបានសម្រេចរួចរាល់សិន។យ៉ាងណាមិញក្នុងវ័យ ១៣២ឆ្នាំ លោកយាយ Abhidharma រស់នៅនាខេត្តស៊ីជាំង ប្រទេសចិន បានក្លាយជាអ្នកមានអាយុវែងបំផុតនៅប្រទេសនេះ ។គន្លឹះទាំង៤ដែលយាយបានចែករំលែកនោះមានដូចជា៖
1-មានគំនិតវិជ្ជមាន ហើយសុទិដ្ឋិនិយមជានិច្ច ៖
លោកយាយកំណត់ច្បាស់ពីពាក្យស្លោកសម្រាប់ជីវិតគឺ ៖ “រស់នៅកុំខឹង កុំច្រណែន កុំតូចចិត្ត” ។ គប្បីរក្សាផ្លូវចិត្តឲ្យរីករាយ កុំចង្អៀតចង្អល់ ។មានរឿងមិនសប្បាយកុំសន្សំទុក គួរចែករំលែកនឹងបងប្អូនរឺមិត្តភក្តិជាដើម ។ កុំសំឡឹងមើលហេតុការណ៍ក្នុងអារម្មណ៍អវិជ្ជមាន… ។
2-បរិស្ថានរស់នៅល្អ ៖
បរិស្ថានល្អពុំមែនជាផ្ទះធំទ្រនំខ្ពស់ទេ ។ លោកយាយចូលចិត្តរស់នៅក្នុងបរិស្ថានដែលមានរុក្ខជាតិបៃតងច្រើន ។ រស់នៅនឹងធម្មជាតិជួយឲ្យអារម្មណ៍គ្មានភាពហ្មងសៅ ។
3-របៀបរបបរស់នៅត្រូវស្ថិរភាព ៖
គប្បីសាងទម្លាប់ល្អៗដូចជា គួរភ្ញាក់ពីដំណេកពេលព្រលឹម ហាត់ប្រាណ ។ បរិភោគ និងដេកឲ្យទៀងទាត់ពេល ហើយបើទំនេរគួរដើរលេងៗជុំវិញកន្លែងរស់នៅ ។ កុំស្ងៀមមួយកន្លែង ព្រោះធ្វើឲ្យរាងកាយគ្មានភាពស្វាហាប់។
4-បរិភោគសាមញ្ញ សាច់តិច បន្លែច្រើន ៖
លោកយាយប្រាប់ថា ៖ គាត់ផឹកទឹកអណ្តូងដែលជីកមកពីដី បរិភោគបន្លែផ្លែឈើ តាមរដូវកាលរបស់វា ពិសេសគឺបរិភោគរបស់ធម្មជាតិសាមញ្ញ ។ ជាទូទៅត្រូវបរិភោគសាច់តិច ឬបរិភោគអាហារបួស ។
គន្លឹះទាំង៤យ៉ាងបាននាំឲ្យគាត់មានវ័យ ១៣២ឆ្នាំហើយ ហើយនៅមាំទាំល្អ ។