…គ្រូយកលុយពីសិស្សក្នុងម៉ោងបង្រៀន…ពាក្យទាំងអស់នេះបានលេចឮឡើងរាប់ឆ្នាំមកហើយ ហើយការអំពាវនាវរបស់ថ្នាក់ដឹកនាំក្រសួងអប់រំឲ្យលុបបំបាត់ចោលនូវពាក្យទាំងនេះក៏បានកើតឡើងស្ទើរតែរាប់ភ្លេចទៅហើយ ដែរប៉ុន្តែដូចជាអត់លុបបំបាត់បានទាំងស្រុងនោះទេ។
ជាថ្មីម្តងទៀត ក្រសួងអប់រំ យុវជន និង កីឡា បានប្រកាសឱ្យសាធារណជនទាំងអស់ផ្តល់ព័ត៌មានមកកាន់ក្រសួងជាបន្ទាន់ បើរកឃើញថា មានករណីគ្រូបង្រៀនយកលុយពីកូនសិស្សនៅសាលាណាមួយ ក្រសួងអប់រំ នឹងចាត់វិធានការតាមផ្លូវច្បាប់។ នេះជាការបញ្ជាក់របស់លោក ឌី ខាំបូលី អ្នកនាំពាក្យក្រសួងអប់រំ យុវជន និងកីឡា។នៅក្នុងសន្និសិទសារព័ត៌មានស្តីពី វឌ្ឍនភាពលើវិស័យអប់រំនៅព្រឹកថ្ងៃចន្ទ ទី១០ កុម្ភៈនេះ លោក ឌី ខាំប៉ូលី អ្នកនាំពាក្យក្រសួងអប់រំ បានគូសបញ្ជាក់ថា ក្រសួងនឹងចាត់វិធានការជាបន្ទាន់ទៅលើគ្រូបង្រៀនដែលយកលុយពីសិស្សទាំងនោះ ព្រោះទង្វើនេះខុសពីគោលការណ៍របស់ក្រសួងអប់រំ។
អ្នកនាំពាក្យរូបនេះ បានសង្កត់ធ្ងន់ដូច្នេះថា៖«ក្នុងករណីមួយចំនួន យើងលេចឮនូវព័ត៌មាន១ ឬក៏២ នៅសាលានេះ ឬនៅសាលានោះ បើសិនមានព័ត៌មានបែបហ្នឹង គឺសុំសហការ ជួយផ្ដល់ព័ត៌មានតាមរយៈខ្ញុំផ្ទាល់ក៏បាន តាមរយៈក្រុមអ្នកនាំពាក្យក្រសួងអប់រំក៏បាន» ៕
Home ព្រឹត្តិការណ៍ថ្មីៗ លើកនេះសូមទទួលបានជោគជ័យទាំងស្រុងលុបបំបាត់បាននូវពាក្យ គ្រូយកលុយពីសិស្ស