…នៅប្រទេសថៃរឿងរ៉ាវរំលោភហើយសម្លាប់តែជាប់សំណាញ់របស់ប៉ូលិសហើយឃាតករមានតែផ្លូវសូន្យសង្ខាប៉ុណ្ណោះ…ខុសពីប្រទេសខ្លះទៀតមានដូចជាកម្ពុជាយើងផងដែរ…ឃាតករបានត្រឹមតែជាប់គុកអស់មួយជីវិតប៉ុណ្ណោះ។តុលាការកំពូលរបស់ថៃនៅថ្ងៃអង្គារនេះបានបើកសវនាការកាត់ទោសប្រហារជីវិតដែលបានអនុម័តដោយតុលាការថ្នាក់ក្រោមលើអតីតមេភូមិម្នាក់ពីបទឃាតកម្មលើកញ្ញាវ័យក្មេង ម្នាក់កាលពីឆ្នាំ ២០១៥ ។
បើតាមការចុះផ្សាយដោយកាសែតបាងកកប៉ុស្តិ៍ កាលពីថ្ងៃទី ២៣ ខែធ្នូឆ្នាំ ២០១៥ កញ្ញា រ៉ោឌីវ៉ាន ប៉ុលប្រាស៊ីត អាយុ ១៨ ឆ្នាំត្រូវបានបុរសម្នាក់ដែលជាមេភូមិ ចាប់រំលោភ និងសម្លាប់ នៅពេលនាងជិះម៉ូតូម្នាក់ឯង។ជនល្មើស ឈ្មោះ គ្រីធីឌិច រ៉ាវេងវ៉ាន (Krittidech Rawengwan) ជាអតីតមេភូមិ Ban Si Than នៅស្រុក Kamalasai ប្រទេសថៃ។ ជនល្មើសត្រូវបានចាប់ខ្លួននៅថ្ងៃទី ៤ ខែមេសាឆ្នាំ ២០១៦ក្នុងរឿងឃាតកម្មនេះ។ រហូតដល់ថ្ងៃទី ៣០ ខែមីនាឆ្នាំ ២០១៧ សាលាដំបូងខេត្តបាន កាត់ទោសប្រហារជីវិត។ ប៉ុន្តែក្រោយមកជនល្មើសរូបនេះបានស្នើសុំបន្ធូរបន្ថយទោស ដោយសងសំណងទៅគ្រួសារជនរងគ្រោះចំនួន ២,៣៩ លានបាត។នៅសាលាឧទ្ធរណ៍ថ្ងៃទី ១៧ ខែកក្កដាឆ្នាំ ២០១៨ បានតម្កល់សេចក្តីសម្រេចរបស់តុលាការជាន់ទាប ប៉ុន្តែចុងចោទបានប្តឹងរឿងក្តីនេះទៅតុលាការកំពូល។
រហូតមកដល់នៅថ្ងៃអង្គារនេះ តុលាការកំពូលថៃ បានសម្រេចសាលក្រមកាត់ទោសប្រហារជីវិតលោក គ្រីឌិច ពីបទរំលោភ និងឃាតកម្មជាស្ថាពរ៕
