[wai id="6"]
យោងតាមការសិក្សាថ្មីមួយរបស់ក្រុមអ្នកវិទ្យាសាស្ត្រចិនបានឱ្យដឹងថាជំងឺកូរ៉ូណា ដែលបានឆក់យកអាយុជីវិតមនុស្សជាង ២,៤០០ នាក់ នោះ ពុំមែនមានដើមកំណើតនៅផ្សារលក់អាហារសមុទ្រមួយនៅទីក្រុង វូហានភាគកណ្តាលប្រទេសចិនដូចដែលគេបានគិតពីមុននោះទេ។ ក្រុមអ្នកស្រាវជ្រាវមកពីវិទ្យាស្ថាន Xishuangbanna Tropical Botanical Gardenនៃ បណ្ឌិតសភាវិទ្យាសាស្ត្រនិងវិទ្យាស្ថានស្រាវជ្រាវផ្នែកខួរក្បាល របស់ប្រទេសចិន បាននិយាយថារោគសញ្ញានៃជំងឺរលាកផ្លូវដង្ហើម ធ្ងន់ធ្ងរ (Coronavirus 2) ឬ (SARS-CoV-2) ត្រូវបាននាំចូលពីកន្លែងផ្សេង។
ក្រុមការងារដែល ដឹកនាំដោយលោក វេជ្ជបណ្ឌិត Yu Wenbin បានប្រមូលទិន្នន័យហ្សែនពីសំណាកចំនួន៩៣ នៃជំងឺ SARS-CoV-2 ផ្តល់ដោយ១២ ប្រទេស ក្នុងគោលបំណងតាមដានប្រភពនៃការឆ្លងនិងស្វែងយល់ថាតើជំងឺនេះរាលដាលរបៀបណា។ខណៈនោះដែរ គណៈកម្មការសុខាភិបាលក្នុងតំបន់បាននិយាយថាខេត្តចំនួន៤របស់ប្រទេសចិនគឺខេត្តយុនណាន ខេត្តក្វាងទុង ខេត្តសានស៊ី និងហ្គួយចូវ នៅថ្ងៃច័ន្ទ ទី២៤ កុម្ភៈនេះ បានបន្ថយវិធានការណ៍ឆ្លើយតបបន្ទាន់ចំពោះជំងឺឆ្លងកូរ៉ូណា នេះ។ខេត្ត យុនណាន និងហ្គួយចូវ បានកាត់បន្ថយវិធានការឆ្លើយតបបន្ទាន់របស់ខ្លួនពីកម្រិតទី ១ ដល់កម្រិតទី ៣ ខណៈពេលដែលខេត្តក្វាងទុង និងសានស៊ី បានបន្ថយវិធានការបស់ខ្លួនដល់កម្រិតទី ២ ។ប្រទេសចិនមានប្រព័ន្ធឆ្លើយតប៤កម្រិត សម្រាប់ភាពអាសន្នផ្នែកសុខភាពសាធារណៈដែលកំណត់ថាតើវិធានការអ្វីដែលនឹងអនុវត្ត ដោយកម្រិតទី ១ គឺជាកម្រិតធ្ងន់ធ្ងរបំផុត។ ខេត្ត កាងស៊ូគឺជាតំបន់ទីមួយដែលបានបន្ថយវិធានការរបស់ខ្លួនកាលពីថ្ងៃសុក្របន្ទាប់មកគឺខេត្ត លាវនីង កាលពីថ្ងៃសៅរ៍។កាលពីថ្ងៃអាទិត្យ ប្រធានាធិបតីចិនលោកស៊ីជិនពីង បាននិយាយថាការរីករាលដាលនៃជំងឺថ្មីកូរ៉ូណា នេះគឺជា ភាពអាសន្នធំបំផុតសម្រាប់សុខភាពសាធារណៈ ចាប់តាំងពីការបង្កើតសាធារណរដ្ឋប្រជាមានិតនៅឆ្នាំ ១៩៤៩ ប្រទេសកូរ៉េខាងត្បូងបានបង្កើនការប្រុងប្រយ័ត្នរបស់ខ្លួនចំពោះជំងឺCOVID-19 ដល់កម្រិតខ្ពស់បំផុតកាលពីថ្ងៃអាទិត្យ (ថ្ងៃទី ២៣ ខែកុម្ភៈ) បន្ទាប់ពីបានរាយការណ៍ថាមានអ្នកបាត់បង់ជីវិតចំនួន ៣ នាក់និងអ្នកឆ្លងថ្មីចំនួន ១៦៩ នាក់ ។ ដោយឡែក ប្រទេសកូរ៉េខាងត្បូងបានរាយការណ៍ថាមានការឆ្លងចំនួន១៦១ករណីបន្ថែមទៀតនៅថ្ងៃច័ន្ទនេះដែលនាំឲ្យចំនួនសរុបទូទាំងប្រទេសឡើងដល់៧៦៣ នាក់ និងធ្វើឲ្យមានករណីឆ្លងច្រើនបំផុតលើពិភពលោក ក្រៅពីប្រទេសចិន។ មនុស្ស២នាក់ទៀតក៏បានបាត់បង់ជីវិតផងដែរពីជំងឺCOVID-19,ដែលធ្វើឲ្យចំនួនបាត់បង់ជីវិតទូទាំងប្រទេសឡើងដល់៧នាក់ ។
ពាណិជ្ជកម្ម
ប្រធានាធិបតីមូន ចេអ៊ីន បាននិយាយបន្ទាប់ពីកិច្ចប្រជុំរដ្ឋាភិបាលស្តីពីជំងឺនេះថា ឧបទ្ទវហេតុCOVID-19ប្រឈមនឹងចំណុចប្រែប្រួលដ៏ធ្ងន់ធ្ងរ។ពីរបីថ្ងៃខាងមុខនឹងកាន់តែធ្ងន់ធ្ងរជាងនេះទៀត ។លោកមូនបាននិយាយថាយោងទៅតាមអនុសាសន៍របស់អ្នកជំនាញ និងពង្រឹងប្រព័ន្ធឆ្លើយតបរបស់យើងឲ្យបានរឹងមាំ រដ្ឋាភិបាលនឹងបង្កើនការប្រកាសអាសន្នដល់កម្រិតខ្ពស់បំផុត ។ពេលនេះប្រទេសនេះមានអ្នកឆ្លងជំងឺCOVID-19 ឡើងដល់៧៦៣ករណី ដែលជាចំនួនខ្ពស់បំផុតនៅខាងក្រៅប្រទេសចិន ក្រៅពីនាវាទេសចរណ៍ Diamond Princess នៅក្នុងប្រទេសជប៉ុន។យោងតាមសារព័ត៌មាន NHK មនុស្សសរុបចំនួន ១.១៧៨ នាក់ ត្រូវបានបញ្ជាក់ថាបានឆ្លងជំងឺថ្មីCOVID-19 នៅខាងក្រៅដីគោកចិននិងជប៉ុន។ អ្នកដែលឆ្លងជំងឺនេះមាននៅ ២៩ ប្រទេសនិងដែនដីនានា៕