[wai id="5"]
…ក្រោយពីបានឡើងមកកាន់តំណែងជាចៅហ្វាយស្រុកបន្ទាយស្រី លោក ឃឹម ហ្វីណង់ បានប្រឹងប្រែងធ្វើសកម្មភាពដែលផ្តល់ជាផលប្រយោជន៍ដល់ពលរដ្ឋក្នុងមូលដ្ឋាន។ លោកបានបង្កើតឡើងនូវភូមិគំរូដែលមានអំពូលភ្លើងឆេះភ្លឺចិញ្ចាចនៅចំពីមុខផ្ទះនាពេលរាត្រី ព្រមទាំងសកម្មភាពផ្សេងទៀតដែលពលរដ្ឋពេញចិត្ត ពេញថ្លើមក្រៃលែង។ដោយឡែក ចាប់ពីថ្ងៃទី១ ខែមិនា ឆ្នាំខាងមុខនេះតទៅ រដ្ឋបាលស្រុកបន្ទាយស្រីនឹងដាក់អោយដំណើរការសាកល្បងលេខទូរស័ព្ទទំនាក់ទំនងពិសេសមួយខ្សែលេខ 018 5555 999 ក្នុងគោលបំណង៖
- បង្កើនប្រសិទ្ធភាពនៃការបម្រើសេវាសាធារណៈជូនប្រជាពលរដ្ឋ តាមរយៈការផ្តល់មធ្យោបាយងាយស្រួល ឆាប់រហ័ស និងសាមញ្ញ ក្នុងការសាកសួរព័ត៌មាន ផ្តល់យោបល់ត្រលប់ និងទទួលយកព័ត៌មានដោយផ្ទាល់ពីរដ្ឋបាលស្រុក
- ជម្រុញការគោរពច្បាប់របស់ប្រជាពលរដ្ឋ ក៏ដូចជាពង្រឹងការអនុវត្តច្បាប់និងការបំពេញតួនាទីភារកិច្ចរបស់អាជ្ញាធរមូលដ្ឋាន តាមរយៈការជម្រុញនិងលើកទឹកចិត្តអោយសាធារណៈជនចូលរួម និងរាយការណ៍ពីរាល់បញ្ហាអសកម្មនិងសកម្មភាពល្មើសច្បាប់នានានៅក្នុងមូលដ្ឋានរបស់ខ្លួន
លេខ 018 5555 999 នេះអាចទទួលការហៅចូលបានពីគ្រប់ប្រព័ន្ធទូរស័ព្ទទាំងអស់«ដោយឥតគិតថ្លៃ»និងបម្រើជូននៅរៀងរាល់ម៉ោងធ្វើការផ្លូវការរបស់រដ្ឋបាលស្រុក។ រាល់ទំនាក់ទំនងក្រៅម៉ោងធ្វើការឬប្រសិនបើមិនអាចទំនាក់ទំនងបានដោយប្រការណាមួយ សាធារណៈជនអាចផ្តល់សារជាអក្សរឬសារសំឡេងមកកាន់ Whatapp និង Telegram នៃលេខនេះ។ ដើម្បីជាប្រយោជន៍ដល់ជនបរទេសនិងភ្ញៀវទេសចរណ៍អន្តរជាតិ លេខនេះក៏នឹងមានផ្តល់ការគាំទ្រជាភាសាអង់គ្លេសផងដែរ។
ពាណិជ្ជកម្ម
សូមបញ្ជាក់ថា គម្រោងនេះស្ថិតនៅក្នុងដំណើរការសាកល្បងនៅឡើយ។ រដ្ឋបាលស្រុកសូមអធ្យាស្រ័យទុកជាមុនប្រសិនបើមានការរអាក់រអួលដោយអចេតនាក្នុងដំណាក់កាលនេះ។ ដំណើរការសាកល្បងនឹងមានរយៈពេល១ខែ ក្នុងគោលបំណងសិក្សាស្វែងយល់លម្អិតពីបញ្ហាប្រឈម នីតិវិធី និងកត្តាបច្ចេកទេសមួយចំនួន មុននឹងធ្វើការកែលម្អនិងធានាអោយបាននូវប្រសិទ្ធភាពនៃការបម្រើសេវានេះដោយពេញលេញនិងដោយរលូននាពេលខាងមុខ។ សម្រាប់ចម្ងល់ឬព័ត៌មានបន្ថែមផ្សេងៗពាក់ព័ន្ធនឹងដំណើរការលេខពិសេសនេះ អាចទំនាក់ទំនងមកលេខទូរស័ព្ទដែលផ្តល់ជូនខាងលើចាប់ពីថ្ងៃនេះតទៅបាន៕
