[wai id="5"]
[wai id="7"]
វីរុសកូរ៉ូណាថ្មីបានសម្លាប់មនុស្សជាង២៧០០នាក់ ដែលភាគច្រើនគឺជាប្រជាជនចិន។ មេរោគនេះបានឆ្លងរាលដាលដល់ប្រមាណជិត៤០ប្រទេស។ នៅប្រទេសជិតខាងកម្ពុជា ដែលមានដូចជាប្រទេសថៃ មានអ្នកឆ្លងវីរុសកូរ៉ូណាថ្មីនេះចំនួន៤០ករណី ហើយនៅប្រទេសវៀតណាម មានចំនួន១៦ករណី។ ប្រទេសកូរ៉េខាងត្បូងនិងអ៊ីតាលី មានករណីឆ្លងច្រើនជាងគេបន្ទាប់ពីប្រទេសចិន។
ពាណិជ្ជកម្ម
យ៉ាងណាមិញដើម្បីបង្ការមេរោគនេះ នាយកដ្ឋានប្រយុទ្ធនឹងជំងឺឆ្លង (CDC) បានឱ្យដឹងថា មេរោគកូរ៉ូណាប្រភេទថ្មី ឆ្លងតាមរយ:តំណក់ទឹកតូចៗ ដែលខ្ទាតចេញមកក្រៅតាមរយ:ក្អកឬកណ្តាស។ តំណក់ទឹកតូចៗរបស់អ្នកជំងឺដល់ទីណា មេរោគនឹងទៅដល់ទីនោះ។
បើតាមប្រភពដដែល អ្នកវិទ្យាសាស្ត្ររកឃើញថា ចម្ងាយខ្ទាតចេញពីមុខមនុស្សយើងចម្ងាយបាន ៣ហ្វីត បើគិតពីរង្វាស់ម៉ែត្រ គឺ ៩០សង់ទីម៉ែត្រ។ «ដូច្នេះបើយើងនៅឆ្ងាយពីអ្នកជំងឺលើសពី ១ម៉ែត្រ យើងនឹងគេចផុតពីតំណក់ទឹកតូចៗទាំងនោះ។ ពេលអ្នកជំងឺក្អកឬកណ្តាសម្តងៗ បណ្តាលឱ្យខ្ទាតទៅលើផ្ទៃផ្សេងៗ ដូចជាលើតុ លើជញ្ជាំង លើបង្កាន់ដៃ។ល។ និងដៃរបស់គាត់ ក្រោយញីច្រមុះប្រលាក់សំបោរ ប៉ះដៃទ្វារប៉ះជញ្ជាំងប៉ះបង្កាន់ដៃ ដែលអ្នកជាប៉ះផ្ទៃទាំងនោះបណ្តាលឱ្យឆ្លងពេលយើងប៉ះមុខនិងច្រមុះ»។
អ្នកវិទ្យាសាស្ត្ររកឃើញថា ក្នុងមួយថ្ងៃមនុស្សយើងប៉ះមុខជាមធ្យម ៦០ដង ។ ហេតុដូច្នេះ តម្រូវឱ្យអ្នកជំងឺត្រូវពាក់ម៉ាស់ដើម្បីកុំឱ្យខ្ទាតចេញមកក្រៅ និងទាំងអ្នកឈឺនិងអ្នកជា ត្រូវតែឧស្សាហ៍លាងដៃជាមួយសាប៊ូ អាល់កុល ជេល ជាដើម៕
[wai id="6"]
