[wai id="5"]
[wai id="7"]
…រឿងរ៉ាវមួយនេះប្រិយមិត្តប្រាកដជាទប់សំណើចអត់បានទេច្បាស់ជាឃឹក…ឃឹកចេញមកខ្លះហើយព្រោះតែស្ត្រីជាប្រពន្ធកើតមានក្តីសង្ស័យបានលូនក្រាបពួនក្រោមឡានចាំតាមដានប្តី មូសខាំអត់ហ៊ានទះទេស៊ូខាំមាត់ទ្រាំ លុះចូលក្នុងបន្ទប់វ៉ៃទះតប់…ក៏ត្រូវស្ត្រីដែលជាមុខសញ្ញាសង្ស័យរបស់ស្ត្រីជាប្រពន្ធឡាំប៉ាថា គ្រាន់តែឈរនិយាយគ្នាក្នុងបន្ទប់សោះ…អត់មានអីៗឯណា ម៉េចក៏ចោទថា មានសាហាយស្មន់ជាមួយគ្នានោះ។មុនបែករឿងផ្អើលអ្នកជិតខាង នាងជាប្រពន្ធ កន្លងមកធ្លាប់តាមទាន់ម្ដងឃើញប្ដីនៅក្នុងបន្ទប់ជាមួយនាងជាសាហាយនិងបានឈ្លោះគ្នាមួយប្រាវចាប់ពីពេលនោះមកនាងជាប្រពន្ធចេះតែសង្ស័យរហូតដល់ថ្ងៃកើតហេតុនាងសុខចិត្តលូនចូលក្រោមឡានតាមដានប្ដីខ្លួនកំពុងផឹកស៊ីក្បែរនោះ ពេលផឹកស៊ីចប់ប្ដីក៏ឃើញដើរទៅចូលបន្ទប់នាងសាហាយ ទើបនាងជាប្រពន្ធស្ទុះទៅអូស ក ដល់ក្នុងបន្ទប់តែម្តង។
ពាណិជ្ជកម្ម
ករណីនេះបានកើតឡើងកាលពីវេលាម៉ោង ៣រំលងអធ្រាត្រឈានចូលថ្ងៃទី២ ខែមីនា ឆ្នាំ២០២០ នៅចំណុចបន្ទប់ជួលក្បែរគ្នាស្ថិតក្នុងភូមិទួលថ្ងាន់ សង្កាត់ទួលសង្កែ២ ខណ្ឌឬស្សីកែវ រាជធានីភ្នំពេញ។បុរសជាប្តីឈ្មោះ យុំ សីហា អាយុ ២៦ឆ្នាំ ជាកម្មករលីសែង ប្រពន្ធឈ្មោះ កុត ដានី អាយុ ២៨ឆ្នាំ ចំណែកនារីជាសាហាយស្មន់ឈ្មោះ នៅ ស្រីអូន អាយុ ៣៤ឆ្នាំ មានប្តីរួចទៅហើយព្រមទាំងមានកូន ២នាក់ តែបានលែងលះប្ដីទើបនឹងបាន៣ថ្ងៃប៉ុណ្ណោះ ។តាមស្ដ្រីជាប្រពន្ធបានប្រាប់ឲ្យដឹងថា មុនពេលកើតហេតុបុរសជាប្ដី បានត្រឡប់មកពីធ្វើការជាកម្មករ លីសែង ហើយក៏នាំបងប្អូនផឹកនៅក្បែរផ្ទះ បន្ទាប់ពីផឹករួចបុរសរូបនោះ លួចចូលទៅក្នុងបន្ទប់របស់ស្រីស្នេហ៍របស់ខ្លួន ដែលមានទំនាក់ទំនងស្នេហា លួចលាក់ជាយូរមកហើយ ខណ:នោះនាងជាប្រពន្ធ ក៏បានទៅទាន់បង្កឲ្យមានការភ្ញាក់ផ្អើល និងមានទំនាស់គ្នាបែកផ្សែងជាមួយគ្នា ។ស្ត្រីជាប្រពន្ធបន្តថា នាងតាមដានប្តីលួចទាក់ទងគ្នាជាមួយស្រីថ្មី ដែលជាអ្នកស្នាក់ក្បែរគ្នា ជាយូរមកហើយ នៅយប់មុនពេលកើតហេតុនាងបានលូនចូលក្រោមរថយន្តចាំមើលប្តី អស់ជាច្រើនម៉ោង ហើយ បន្ទាប់ពីចប់ផឹកស៊ីបានឃើញប្តីចូលទៅក្នុងបន្ទប់ នោះ ក៏បាននាំបងប្អូនទៅចាប់ប្តីកំហួចនោះតែម្តង ។ស្ត្រីជាប្រពន្ធរូបនោះបន្តទៀតថា នាងនឹងប្តីបានរៀបការពេញច្បាប់អស់រយ:ពេលប្រមាណជាង ១០ឆ្នាំ មកហើយ តែមិនបានចុះសំបុត្រអាពាហ៍ពិពាហ៍នោះទេ ។ ចំណងស្នេហ៍បានកូន ២នាក់ កូនស្រីបងអាយុ ៦ឆ្នាំ និងកូនប្រុសប្អូនអាយុ ១ឆ្នាំ ១ខែ។ ប្រមាណ ២ខែមកនេះ ការរស់នៅមិនសូវចុះសម្រុងគ្នាទេ មិននឹកស្មានថា ប្តីលួចមានស្រីថ្មីនៅក្បែរច្រមុះយ៉ាងដូច្នេះទេនិង ធ្លាប់ផឹកស៊ីជាមួយគ្នាទៀតផង ។តាមបុរសជាប្តីប្រាប់ថា ខ្លួនមានទំនាក់ទំនងស្នេហាជាមួយស្ត្រីម្នាក់នេះ រយ:ពេលប្រមាណកន្លះខែមកហើយ ។ រយ:ពេលប្រមាណ ៣ខែមុនស្រីអូនដែលជាសង្សារ ក៏មានទំនាស់គ្នាជាមួយប្តី ហើយប្តីក៏បានលក់ម៉ូតូ ចែកគ្នា នាំកូនទៅស្រុកអស់ ហើយខ្លួនក៏បានចូលទៅក្នុងបន្ទប់ជួបសួរនាំស្រីអូនថា បើលែងលះគ្នា សុខចិត្តរស់នៅជាមួយខ្លួនទេ? ខណៈកំពុងនិយាយគ្នាស្រាប់តែប្រពន្ធទៅទាន់តែម្តង។
បើតាមស្រីស្នេហ៍ថា នាងទើបតែឈ្លោះលែងលះប្តីបាន ៣ថ្ងៃ ហើយនៅយប់នោះឈ្មោះ យុំ សីហា ចូលទៅក្នុងបន្ទប់ សួរនាំ និងសុំរស់នៅជាមួយគ្នា ស្រាប់តែស្ត្រីជាប្រពន្ធចូលទៅរករឿង ចាប់បោចសក់ តែនៅយប់នោះនាងដែលទើបលែងលះជាមួយប្ដី មិនបានដេករួមរ័ក្សជាមួយប្តីរបស់គេទេ។ពេលនេះពួកគេកំពុងប្ដឹងផ្ដល់រកខុសត្រូវនៅអាជ្ញាធរសង្កាត់ តែលទ្ធផលមិនទាន់ដឹងយ៉ាងណាទេ ៕
[wai id="6"]
