[wai id="5"]
ជនជាតិជប៉ុនម្នាក់ដែលបានចេញពីកម្ពុជាតាមព្រលានយន្តហោះរបស់ក្រុមហ៊ុនវៀតណាមចាកចេញពីខេត្តសៀមរាប ត្រូវបានពិនិត្យឃើញមានផ្ទុកមេរោគកូរ៉ូណាថ្មី ឬខូវីដ១៩ ពេលទៅដល់ប្រទេសកំណើត។ នេះបើយោងតាមប្រភពពីសារព័ត៌មានក្នុងស្រុករបស់វៀតណាម។
យោងតាមសារព័ត៌មាន Vietnam Express ចេញផ្សាយនៅថ្ងៃម្សិលមិញ បានឱ្យដឹងថា អ្នកដំណើរជាបុរសជនជាតិជប៉ុនរូបនោះ បានជិះយន្តហោះក្រុមហ៊ុនអាកាសចរណ៍វៀតណាម ចេញពីព្រលានយន្តហោះខេត្តសៀមរាប ទៅកាន់ព្រលានយន្តហោះ Tan Son Nhat ក្រុងហូជីមីញ នៅថ្ងៃអង្គារ មុនពេលបន្តដំណើរទៅព្រលានយន្តហោះ Nagoya ប្រទេសជប៉ុន តាមជើងហោះហើរក្រុមហ៊ុនដដែល។
ជុំវិញបញ្ហានេះដែរ លោក អ៊ឹង រចនា ឯកអគ្គរាជទូតកម្ពុជាប្រចាំប្រទេសជប៉ុន បានផ្ញើលិខិតមករដ្ឋមន្ត្រីក្រសួងការបរទេសកម្ពុជា នៅថ្ងៃទី៥ ខែមីនា ឆ្នាំ២០២០នេះ បញ្ជាក់ពីករណីបុរសជនជាតិជប៉ុនម្នាក់ដែលមានផ្ទុកវីរុស COVID-19។លោកបានរៀបរាប់ថា នៅព្រឹកថ្ងៃទី៤ ខែមីនា ឆ្នាំ២០២០ បុរសជនជាតិជប៉ុនម្នាក់មានអាយុជាង ៤០ឆ្នាំ ត្រូវបានរកឃើញថាមានផ្ទុក COVID-19 ពេលមកដល់អាកាសយានដ្ឋាន Chubu នៃទីក្រុង Nagoya ប្រទេសជប៉ុន នៅពេលគាត់ទៅពិភាក្សាជាមួយក្រុមមន្ត្រីចត្តាឡឺស័ក ដោយសារគាត់ពិបាកដកដង្ហើម។
យោងតាមសារព័ត៌មាន Vietnam Express ចេញផ្សាយនៅថ្ងៃម្សិលមិញ បានឱ្យដឹងថា អ្នកដំណើរជាបុរសជនជាតិជប៉ុនរូបនោះ បានជិះយន្តហោះក្រុមហ៊ុនអាកាសចរណ៍វៀតណាម ចេញពីព្រលានយន្តហោះខេត្តសៀមរាប ទៅកាន់ព្រលានយន្តហោះ Tan Son Nhat ក្រុងហូជីមីញ នៅថ្ងៃអង្គារ មុនពេលបន្តដំណើរទៅព្រលានយន្តហោះ Nagoya ប្រទេសជប៉ុន តាមជើងហោះហើរក្រុមហ៊ុនដដែល។
ជុំវិញបញ្ហានេះដែរ លោក អ៊ឹង រចនា ឯកអគ្គរាជទូតកម្ពុជាប្រចាំប្រទេសជប៉ុន បានផ្ញើលិខិតមករដ្ឋមន្ត្រីក្រសួងការបរទេសកម្ពុជា នៅថ្ងៃទី៥ ខែមីនា ឆ្នាំ២០២០នេះ បញ្ជាក់ពីករណីបុរសជនជាតិជប៉ុនម្នាក់ដែលមានផ្ទុកវីរុស COVID-19។លោកបានរៀបរាប់ថា នៅព្រឹកថ្ងៃទី៤ ខែមីនា ឆ្នាំ២០២០ បុរសជនជាតិជប៉ុនម្នាក់មានអាយុជាង ៤០ឆ្នាំ ត្រូវបានរកឃើញថាមានផ្ទុក COVID-19 ពេលមកដល់អាកាសយានដ្ឋាន Chubu នៃទីក្រុង Nagoya ប្រទេសជប៉ុន នៅពេលគាត់ទៅពិភាក្សាជាមួយក្រុមមន្ត្រីចត្តាឡឺស័ក ដោយសារគាត់ពិបាកដកដង្ហើម។
ពាណិជ្ជកម្ម
បុរសនេះ បានធ្វើដំណើរទៅកម្ពុជានៅថ្ងៃទី១៦ ខែកុម្ភៈ ឆ្នាំ២០២០ ឆ្លងកាត់វៀតណាម ហើយបានធ្វើដំណើរទៅហ្វីលីពីននៅថ្ងៃទី២១ ខែកុម្ភៈ។ គាត់បញ្ជាក់ថា មិនសូវស្រួលខ្លួននៅថ្ងៃទី២១ ខែកុម្ភៈ (យោងព័ត៌មាន Nagoya TV និង TBS TV ជាភាសាជប៉ុន)។ គាត់ត្រឡប់មកកម្ពុជាវិញនៅថ្ងៃទី២៨ ខែកុម្ភៈ ហើយនៅថ្ងៃទី៣ ខែមីនា បានទៅពេទ្យ (នៅស្រុកខ្មែរមិនបញ្ជាក់ឈ្មោះ) (ព័ត៌មានពីមន្ត្រីការបរទេសជប៉ុន)។ ពាក់ព័ន្ធនឹងការទៅពេទ្យនេះ Nagoya TV បានបញ្ជាក់ថា គាត់មានអាការៈពិបាកដកដង្ហើម។
ការបញ្ជាក់របស់អ្នកនាំពាក្យក្រសួងសុខាភិបាលកម្ពុជាធ្វើឡើង ក្រោយពីសារព័ត៌មានវៀតណាមមួយបានចុះផ្សាយកាលពីម្សិលមិញថា ជនជាតិជប៉ុនម្នាក់បានធ្វើដំណើរតាមក្រុមហ៊ុនអាកាសចរវៀតណាម ចេញពីព្រលានយន្តហោះសៀមរាប ត្រូវបានពិនិត្យឃើញថា មានផ្ទុកមេរោគកូវីដ១៩ (COVID-19) ពេលទៅដល់ព្រលានយន្តហោះ Nagoya របស់ប្រទេសជប៉ុន។
អ្នកនាំពាក្យក្រសួងសុខាភិបាល លោក លី សុវណ្ណ បានលើកឡើងថា ទោះបីជាការឆ្លងរបស់បុរសជនជាតិជប៉ុនរូបនោះមិនមែនកើតចេញពីប្រទេសកម្ពុជាក៏ដោយ ក៏គាត់មានអាចមានការប៉ះពាល់ជាមួយអ្នកដទៃក្នុងកំឡុងពេលស្នាក់នៅកម្ពុជាពីថ្ងៃទី២៨ ខែកុម្ភៈ ដល់ថ្ងៃទី៣ ខែមីនា។
លោក លី សុវណ្ណ បានបន្តថា៖ «ដូច្នេះ យើងនឹងតាមរុករកអ្នកដែលប៉ះពាល់ទាំងអស់ ដែលគាត់បានប្រាស្រ័យជាមួយ បាទ! ប៉ុន្តែ រហូតដល់ពេលនេះ យើងអត់ទាន់រកឃើញអ្នកដែលមានវិជ្ជមាន ដែលប៉ះពាល់គាត់នៅឡើយទេ ប៉ុន្តែ យើងត្រូវតាមដាន១៤ថ្ងៃបន្តទៀតបាទ»។
គួរបញ្ជាក់ដែរថា ក្នុងសន្និសីទសារព័ត៌មាន ស្ដីពីកូវីដ១៩ នៅរសៀលថ្ងៃទី០៥ ខែមីនានេះ លោកស្រី ឱ វណ្ណឌីន បានអះអាង ថា រហូតមកដល់ពេលនេះ ក្រសួងសុខាភិបាល បានប្រកាសជាថ្មីម្ដងទៀតថា រហូតមកដល់ថ្ងៃទី០៥ ខែមីនា ឆ្នាំ២០២០នេះ គ្មានវត្តមានវីរុសកូរ៉ូណាថ្មី ឬ Covid-19 កើតឡើងចំពោះប្រជាពលរដ្ឋណាម្នាក់ នៅក្នុងប្រទេសកម្ពុជានោះទេ៕
[wai id="6"]
