[wai id="5"]
[wai id="7"]
ខណៈពិភពលោកកំពុងរងការឆ្លងរាលដាលដោយវីរុស និងកង្វះការផ្គត់ផ្គង់ក៏ដូចជាមានការឡើងថ្លៃលើការឧបករណ៍ការពារ ដូចជាម៉ាស និងទឹកលាងដៃកាន់តែខ្លាំង បានធ្វើឲ្យពលរដ្ឋទីក្រុងហុងកុងចាប់ផ្ដើមផលិតម៉ាស់ពាក់ខ្លួនឯង ដោយនាំគ្នាដេរផលិតម៉ាស់ ដោយសារពួកគេអន្ទះសាចង់ការពារខ្លួនពីការឆ្លងវីរុសថ្មី កូរ៉ូណា។
ការតម្រង់ជួរដ៏វែង ពេលខ្លះដល់រាប់ពាន់នាក់ ឈររង់ចាំទិញម៉ាស់នៅតាមឱសថស្ថានពេលបើកទ្វារផ្គត់ផ្គង់ម៉ាស់ ខណៈពលរដ្ឋមានការខឹងសម្បានឹងរដ្ឋាភិបាលដែលគ្មានវិធានការស្ដុកម៉ាស់ប្រើប្រាស់គ្រប់គ្រាន់។
ជុំវិញបញ្ហានេះមន្ទីរពេទ្យនៃសាកលវិទ្យាល័យហុងកុង Shenzhen បានធ្វើការជាមួយអ្នកវិទ្យាសាស្ត្រដើម្បីបង្កើត វិធីសាស្ត្រធ្វើម៉ាស់ដោយខ្លួនឯង ព្រោះតែតម្រូវការម៉ាស់របស់មនុស្សរាប់ពាន់នាក់កំពុងតែជួបការខ្វះខាត។ ពលរដ្ឋជាច្រើនបានតម្រង់ជួរគ្នានៅក្រៅឱសថស្ថាននានាដើម្បីរង់ចាំទិញម៉ាស់ប្រើប្រាស់ជាមួយនឹងតម្លៃកើនឡើងទ្វេរ នៅតែមានអ្នកខ្លះមិនអាចរកទិញម៉ាស់បាន។
ពាណិជ្ជកម្ម
សមាជិកក្រុមប្រឹក្សាប្រតិបត្តិនិងជាប្រធានគណៈកម្មការវ័យចំណាស់លោកវេជ្ជបណ្ឌិត Lam Ching-Choi មានប្រសាសន៍ថា ការណែនាំពីវិធីធ្វើម៉ាស់អាចជួយកាត់បន្ថយក្ដីបារម្ភនិងការភ័យព្រួយរបស់សាធារណជនពីបញ្ហាកង្វះម៉ាស់។ លោកថា ម៉ាស់ធ្វើដោយខ្លួនឯងនៅផ្ទះ អាចប្រើជាវិធានការបណ្តោះអាសន្នសម្រាប់អ្នកគ្មានរបាំងការពាភ្នែកនិងម៉ាស់មុខ។
គួរឲ្យដឹងដែរថា ម៉ាស់ប្រភេទ N-95 លក់ក្នុងតម្លៃ250$ ក្នុង១ប្រអប់ ។ រីឯម៉ាស់ធម្មតាពណ៌បៃតង និងខៀវ ដែលជាធម្មតាលក់ក្នុងតម្លៃ 20$ ក្នុង១ប្រអប់ ៕
[wai id="6"]