[wai id="7"]
ដើម្បីជាកិច្ចអបអរពិធីគម្រប់ខួប ០១ឆ្នាំ នៃការបង្កើតការិយាល័យមេធាវីតម្រាច្បាប់ នៅថ្ងៃទី០៦ ខែ មីនា ឆ្នាំ២០២០ នេះ ការិយាល័យមេធាវីតម្រាច្បាប់ បានរៀបចំឡើងនូវកម្មវិធីសប្បុរសធម៌មួយ ដោយមានការចែកជូនសៀវភៅ “ក្រមព្រហ្មទណ្ឌនៃព្រះរាជាណាចក្រកម្ពុជា” ចំនួន ១០០០ ក្បាល ដោយឥតគិតថ្លៃ ដល់និស្សិតច្បាប់ ដែលកំពុងសិក្សាឆ្នាំទី១ និង ឆ្នាំទី២ នៅគ្រប់បណ្តាសាកលវិទ្យាល័យនានា ។
កម្មវិធីសប្បុរសធម៌នេះ គឺធ្វើឡើងក្នុងគោលបំណងជួយជម្រុញផ្នែកអំណានសៀវភៅទៅកាន់និស្សិតច្បាប់ទាំងអស់ ឱ្យស្រឡាញ់ការអាន និងព្យាយាមស្វែងយល់អំពីនីតិព្រហ្មទណ្ឌនៅកម្ពុជា និងបណ្តុះនូវគំនិតនៃការចែករំលែកទៅកាន់មជ្ឈដ្ឋានផ្សេងទៀត ។ ដោយអនុលោមតាមគោលការណ៍នីតិរដ្ឋ កម្មវិធីសប្បុរសធម៌នេះ ក៏ធ្វើឡើងក្នុងគោលបំណង ដើម្បីជួយជម្រុញការផ្សព្វផ្សាយច្បាប់ និង ការអនុវត្តច្បាប់នៅក្នុងប្រទេសកម្ពុជាផងដែរ ។
ដើម្បីធ្វើឲ្យគោលបំណងខាងលើនេះ អាចសម្រេចបានដោយជោគជ័យ និង ប្រសិទ្ធិភាពបន្ថែមទៀតនោះ ការិយាល័យមេធាវីតម្រាច្បាប់ គ្រោងនឹងផ្តល់ជូននូវសៀវភៅច្បាប់ និងឯកសារច្បាប់ ដោយឥតគិតថ្លៃ ទៅកាន់ប្រជាពលរដ្ឋ ក្នុងម្នាក់ ចំនួន មិនតិចជាង ៥០០០ក្បាល ទៅ ១០០០០ក្បាល នោះទេ នៅអំឡុងខែឧសភា ឬខែមិថុនា ឆ្នាំ២០២០ ខាងមុខនេះ។
ជាការពិត ការផ្តល់ជូននេះ នឹងធ្វើឡើងតាមរយៈការបង្កើតឡើងនូវកម្មវិធីនៅក្នុងទូរស័ព្ទដៃ អាយផេត កុំព្យូទ័រ ឬឧបករណ៍បច្ចេកវិទ្យាផ្សេងទៀត ឈ្មោះថា កម្មវិធីតម្រាច្បាប់។ កម្មវិធីតម្រាច្បាប់ គឺជាប័ណ្ណល័យច្បាប់ Digital ដែលលោកអ្នក អាចយកបណ្ណាល័យច្បាប់ដ៏ធំមួយចល័តតាមខ្លួនបានគ្រប់ពេលវេលា និង គ្រប់ទីកន្លែង តាមតម្រូវការ។ កម្មវិធីតម្រាច្បាប់ នឹងធ្វើឲ្យលោកអ្នកក្លាយជាម្ចាស់ប័ណ្ណល័យច្បាប់មួយដ៏ធំនៅកម្ពុជា៕
[wai id="6"]
