អគ្គបញ្ជាការទ័ពបញ្ជាឱ្យទ័ពត្រៀមចេញអន្តរាគមន៍ទប់ស្កាត់ការរាលដាលនៃជំងឺកូវីដ១៩ អគ្គមេបញ្ជាការ កងទ័ពបានបញ្ជាដល់កងទ័ពទាំងអស់ឱ្យត្រៀមខ្លួនក្នុងការចេញអន្តរាគមន៍ទប់ស្កាត់ការរាលដាលនៃជំងឺកូវីដ១៩ ក្នុងឱកាសបុណ្យចូលឆ្នាំខ្មែរខាងមុខ។ ក្នុងបទបញ្ជាចុះថ្ងៃទី៣១ ខែមីនា ឆ្នាំ២០២០ ។
អគ្គមេបញ្ជាការកងទ័ព ឯកឧត្តម វង្ស ពិសេន បានបញ្ជាឱ្យទ័ពទាំងអស់រក្សាកម្លាំងខ្លួនក្នុងបន្ទាយ មិនត្រូវប្រមូលផ្ដុំជប់លៀង និងត្រូវត្រៀមកម្លាំងដើម្បីអន្តរាគមន៍ទប់ស្កាត់ការរីករាលដាលនៃជំងឺកូវីដ១៩។ ក្នុងបទបញ្ជានោះបានលើកឡើង៖ «នាយកខុទ្ទកាល័យអគ្គបញ្ជាការដ្ឋាន មេបញ្ជាការប្រភេទ និងទ័ពជំនាញ នាយកស្ថាប័ន និងសាលាចំណុះអគ្គបញ្ជាការដ្ឋាន ត្រូវចាត់តាំងអនុវត្តបទបញ្ជានេះឱ្យមានប្រសិទ្ធភាពខ្ពស់ចាប់ពីពេលចុះហត្ថលេខានេះតទៅ រហូតដល់មានបទបញ្ជាថ្មី និងរាយការណ៍ជាប្រចាំមកទីចាត់ការកលយុទ្ធអគ្គបញ្ជាការដ្ឋាន»។