[wai id="6"]
ក្រសួងសុខាភិបាលបានប្រកាសថា ថ្ងៃនេះមិនមានអ្នកឆ្លងថ្មី និងអ្នកជាសះស្បើយកូវីដ-១៩ ឡើយ គឺសរុបអ្នកជាសះស្បើយមានចំនួន ១២០នាក់ ដដែល ។ នេះបើយោងតាមក្រសួងសុខភិបាលចេញនៅព្រឹកថ្ងៃទី៥ ខែ ឧសភា ឆ្នាំ២០២០ ។
ទោះជារយៈពេលនេះ ដែលកម្ពុជាគ្មានករណីឆ្លងថ្មីនៃកូវីដ-១៩ ប៉ុន្តែស្ថានភាពជំងឺឆ្លងរាតត្បាតនេះ គឺស្ថិតនៅក្នុងការប្រុងប្រយ័ត្នជាប់ជានិច្ចនៅឡើយ។ នេះបើតាមលោក រដ្ឋមន្ត្រី ម៉ម ប៊ុនហេង រដ្ឋមន្ត្រីក្រសួងសុខាភិបាល ដែលបានបន្តអំពាវនាវឱ្យប្រជាពលរដ្ឋបន្ត និងបង្កើនការយកចិត្តទុកដាក់ខ្ពស់ ចំពោះការអនុវត្តវិធានអនាម័យនានា និងការរក្សាគម្លាតសុវត្ថិភាពឲ្យបានត្រឹមត្រូវ ដើម្បីកុំឱ្យមានការចម្លងរាតត្បាតក្នុងសហគមន៍។
ពាណិជ្ជកម្ម
គួរបញ្ជាក់ដែរថា ទី០៥ ខែឧសភា ឆ្នាំ២០២០នេះ ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនឡើងដល់ ៣,៦៤៣,២៤២ករណីហើយ។ ក្នុងនោះអ្នកស្លាប់មានចំនួន ២៥២,២៤០នាក់ និងជាសះស្បើយឡើងវិញ ១,១៩៤,៧៣៩នាក់។
យោងតាមទិន្នន័យពីគេហទំព័រអន្តរជាតិ Worldometer បានបង្ហាញថា សហរដ្ឋអាមេរិក នៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ។ សហរដ្ឋអាមេរិក មានអ្នកឆ្លងជំងឺ COVID-19 ចំនួន ១,២១២,៨០៦នាក់ ស្លាប់ចំនួន ៦៩,៩២០នាក់ និងជាសះស្បើយចំនួន ១៨៨,០២៧នាក់៕
[wai id="5"]