[wai id="6"]
អគ្គស្នងការដ្ឋាននគរបាលជាតិ និងក្រសួងប្រៃសណីយ៍ និងទូរគមនាគមន៍បានបើកកិច្ចប្រជុំស្ដីពីការបង្កើតប្រព័ន្ធទូរស័ព្ទ Hotline ដើម្បីទទួលការហៅចូលពីប្រជាជនក្នុងការសុំអន្តរាគមន៍ផ្សេងៗពីកងកម្លាំងនគរបាលជាតិនៅទូទាំងប្រទេស ពិសេសពាក់ព័ន្ធការអនុវត្តការរឹតបន្តឹងច្បាប់ចរាចរណ៍ផ្លូវគោក ។ ប្រព័ន្ធទូរស័ព្ទ Hotline ដើម្បីឆ្លើយឆ្លងព័ត៌មានជាមួយប្រជាពលរដ្ឋ ” ហៅចូលដោយឥតគិតថ្លៃគ្រប់ប្រព័ន្ធគឺលេខ ១១៧។
អគ្គស្នងការដ្ឋាននគរបាលជាតិ ចុះផ្សាយថា ការបង្កើតប្រព័ន្ធឆ្លងឆ្លើយព័ត៌មានទាន់ហេតុការណ៍នេះ គឺដើម្បីឆ្លើយតប និងរកដំណោះស្រាយអំពីការអនុវត្តច្បាប់ចរាចរណ៍ឲ្យបានទាន់ពេលវេលាជូនពលរដ្ឋ។
អគ្គស្នងការដ្ឋាននគរបាលជាតិ បានបញ្ជាក់ថា ក្រុមមន្ត្រីជំនាញច្បាប់ចរាចរណ៍ នឹងចាំឆ្លើយតបសំណួរ និងបកស្រាយរាល់បណ្តាប្រព័ន្ធផ្សព្វផ្សាយហ្វេសប៊ុក តាមការផ្សាយព័ត៌មានរបស់វិទ្យុ ទូរទស្សន៍ និង តាមបណ្តាអង្គភាពសារព័ត៌មាន ដែលបានផ្សាយព័ត៌មានផ្ទុយពីការរឹតបន្តឹងច្បាប់ចរាចរណ៍។
ការណ៍ដែលអគ្គស្នងការដ្ឋាននគរបាលជាតិ និងក្រសួងប្រៃសណីយ៍ បង្កើតប្រព័ន្ធឆ្លងឆ្លើយចរាចរណ៍ រវាងមន្ត្រីច្បាប់ចរាចរណ៍ និងពលរដ្ឋ គឺក្រោយពីមានពលរដ្ឋមួយចំនួន បានបង្ហោះសារដែលវាយប្រហារលើសមត្ថកិច្ចអំពីការរឹតបន្តឹងច្បាប់ចរាចរណ៍ ដែលផ្ទុយពីការពិត។
ពាណិជ្ជកម្ម
គួររម្លឹកដែរថា គួរជំរាបជូនថា ចាប់ពីថ្ងៃទី ០១ ឧសភាតទៅ អាជ្ញាធរនឹងចាប់ផ្តើមរឹតបន្តឹង ច្បាប់ចរាចរណ៍ផ្លូវគោកនៅក្នុងក្របខណ្ឌទូទាំង ដោយមានការបង្កើនកម្រិតប្រាក់ផាកពិន័យទ្វេ ដង។ ក្នុងនោះស្នងការដ្ឋាននគរបាលរាជធានីភ្នំពេញ បានត្រៀមកងកម្លាំងជាង១ពាន់នាក់ ដើម្បីចេញប្រតិបត្តិការនៅតាមគោលដៅចំនួន ៤៧កន្លែង។
បើតាមសម្តេច ស ខេង នៅពេលប្រកាសដាក់ចេញវិធានការនេះ មានទស្សនៈមួយចំនួនបានលើក ឡើងថា វិធានការនេះ គឺជាវិធានការត្រួតពិនិត្យរដ្ឋបាលទៅវិញ។ ប៉ុន្តែ សម្តេចបានផ្ដល់ការពន្យល់ ដូច្នេះថា «ការពិត គឺមិនដូច្នេះទេ ហើយក៏មិនមែនមានន័យថា ក្រសួងមហាផ្ទៃ អគ្គស្នងការ ឬអង្គ ភាពនគរបាលចរាចរណ៍ ដែលដឹកនាំនិងអ្នកអនុវត្តច្បាប់ ចង់បានប្រាក់ពីប្រពលរដ្ឋនោះដែរ»។ បើតាមសម្តេច ស ខេង «សមត្ថកិច្ចនឹងមិនឃាត់ដំណើរប្រជាពលរដ្ឋ ដែលធ្វើដំណើរប្រកបដោយ ការគោរពច្បាប់ ដើម្បីសួរនាំរកឯកសារនោះទេ»៕
[wai id="5"]
