[wai id="8"]
[wai id="7"]
ស្នងការដ្ឋាននគរបាលរាជធានីភ្នំពេញ នៅថ្ងៃទី៣០ ខែមិថុនា ឆ្នាំ២០២០នេះ បាននាំខ្លួនក្រុមជួបជុំផឹកស៊ី ដែលបង្កសំឡេងរំខាន ប្រើប្រាស់សម្តី និងកាយវិការមិនសមរម្យមកលើសមត្ថកិច្ច នៅក្នុងសង្កាត់ផ្សារដើមថ្កូវ កាលពីយប់មិញនោះ ចូលខ្លួនសុំទោសជាសាធារណៈ។
បើយោងតាមគេហទំព័រស្នងការដ្ឋាននគរបាលរាជធានីភ្នំពេញ បានឲ្យដឹងថា នៅយប់ថ្ងៃទី២៩ ខែមិថុនា ឆ្នាំ២០២០ វេលាម៉ោង ២៣:១០នាទីយប់ បន្ទាប់ពីទទួលបានទូរស័ព្ទប្តឹងពីប្រជាពលរដ្ឋថាមានករណីជួបជុំ ផឹកស៊ី ចាក់ធុងបាស់ បង្កសម្លេងរំខាន នៅផ្លូវ៤៩០ កែងផ្លូវ១៣៥ ភូមិ០២ សង្កាត់ផ្សារដើមថ្កូវ កម្លាំងប៉ុស្តិ៍នគរបាលរដ្ឋបាលផ្សារដើមថ្កូវចំនួន២នាក់ បានចុះដល់ទីតាំងភ្លាមៗ ដើម្បីធ្វើការណែនាំអប់រំ និងបញ្ឈប់សកម្មភាពរំខាននេះ។
ពាណិជ្ជកម្ម
ប៉ុន្តែក្រុមជួបជុំផឹកស៊ីមានគ្នាប្រហែលជា ៣០នាក់ ក្នុងស្ថានភាពស្រវឹងខ្លាំង ដែលកំពុងផឹកស៊ី ចាក់ធុងបាស់ ឡូឡា បង្កសម្លេងរំខានដល់អ្នកជិតខានមិនអាចសម្រាកបាន មិនត្រឹមតែមិនស្តាប់តាមការណែនាំរបស់សមត្ថកិច្ច ថែមទាំងប្រើប្រាស់សម្តី និងកាយវិការមិនសមរម្យមកលើសមត្ថកិច្ច ហើយថែមទាំងចាប់ក្របួចកអាវរកវាយសមត្ថកិច្ចទៀត ផង។
តែយ៉ាងណាមិញ ក្រុមមនុស្សទាំងនេះ បានចូលមកសុំទោសនៅអធិការដ្ឋាននគរបាលខណ្ឌ នៅចំពោះមុខអភិបាលខណ្ឌ លោក ថេង សុថល និងអធិការនគរបាលខណ្ឌលោក យិន សាន និងធ្វើកិច្ចសន្យាឈប់ប្រព្រឹត្តិបែបនេះតទៅទៀត។
[wai id="5"]
