[wai id="8"]
[wai id="7"]
តារាកំប្លែង នាងខ្ញុង ដែលពពោះកូនប្រុសជាមួយតារាកំប្លែងលោក កៃដ នោះ កាលពីថ្ងៃទី២០ ខែមិថុនា ឆ្នាំ២០២០ បានសម្រាលកូន ដោយជោគជ័យ និងមានសុខភាពល្អធម្មតា។
តារាកំប្លែងស្រីរូបនេះ បានពពោះកូនទី២ ត្រឹមតែបាន ៨ ខែប៉ុណ្ណោះ មិនដូចស្ត្រីផ្សេងទៀតពពោះ៩ខែ១០ថ្ងៃឡើយ។ ប៉ុន្តែទោះបីជាយ៉ាងណាក៍ដោយ នាងបានសម្រាលកូន ដោយសុវត្ថិភាព ហើយកូនរបស់នាងមានមុខមាត់ស្អាត ស្បែកស កាត់ទៅរកលោក កៃដ ដែលជាឪពុក។ ប៉ុន្តែអ្វីកាន់តែចាប់អារម្មណ៍ទៀតនោះ នាងសម្រាលបានបុត្របាន១សប្តាហ៍ប៉ុណ្ណោះ តារាកំប្លែងរូបនេះចេញមុខលក់ដូរដូចធម្មតាឡើងវិញ ។ជាមួយគ្នានោះផងដែរ ក៏មានបងប្អូនជាច្រើន ថា ខ្ញុងគួរតែសម្រាកទៅ ព្រោះយើងកូនខ្ចី អ៊ីចឹងអាចទាស់ឬ ប៉ះពាល់ដល់សុខភាពបាន កុំអង្គុយលក់ចឹងអត់ល្អទេ។
ចុងសប្តាហ៍មុននេះនាងក៏បានបង្ហាញមុខលើឆាកតន្ត្រីដោយបានទាំងសម្តែងកំប្លែងជាធម្មតា ដោយមិនមានការ សម្រាកឡើយ។ តារាស្រីរូបនេះបញ្ជាក់ថា ជាមុខរបរជាឆ្នាំងបាយដែលនាងមិនអាចសម្រាកបានទេ ព្រោះតែនាងមានប្រាក់ ចំណូលពីការងារទាំងនេះហើយកូនៗគឺជាកម្លាំងចិត្តសម្រាប់នាងប្រឹងប្រែងទាំងសរសៃខ្ចីបែបនេះ ។
ពាណិជ្ជកម្ម
សូមបញ្ជាក់ថា តារាសម្តែងនាង ស្រេង សុកាន់ដា ហៅថានាងខ្ញុង បានប្រកាសរៀបការជាផ្លូវការ ជាមួយតារាកំប្លែងនាយ កៃដ ជាផ្លូវការ កាលពីថ្ងៃទី១៧ ខែសីហា ឆ្នាំ២០១៩ ក្រោយពួកគេ ធ្វើការងាររួមអាជីព ជាមួយគ្នាច្រើនឆ្នាំ ក៍ស្រាប់តែស្រឡាញ់គ្នា ដោយពួកគេមិនប្រកាន់គ្នា រឿងពោះម៉ាយ និងមេម៉ាយអ្វីឡើយ៕
[wai id="5"]