[wai id="8"]
[wai id="7"]
កូវីដ១៩និងផ្តាសាយធំ ផ្តល់អាការៈសញ្ញាស្រដៀងនៅគ្រាដំបូង។ ហៀរសម្បោរ ក្តៅខ្លួន ក្អក ឈឺខ្លួនឈឺប្រាណ ល្ហិតល្ហៃអស់កម្លាំង រោគសញ្ញាដំបូងនៃជំងឺកូវីត១៩ និងជំងឺគ្រុនផ្តាសាយធំ។ វីរុសបង្កជំងឺទាំងពីរប្រភេទនេះ ចម្លងតាមផ្លូវដង្ហើមដូចគ្នា តាមរយៈការ ក្អក ឬកណ្តាស់ ដែលធាក់ វីរុសខ្ទាតចេញពីមនុស្សម្នាក់ទៅចម្លងមនុស្សម្នាក់ទៀត នៅជិតនោះ ឬវីរុសទៅតោងលើវត្ថុអ្វីមួយហើយ ដៃមនុស្សផ្សេងទៅប៉ះលើវត្ថុមិនស្អាតនោះ ហើយមកប៉ះច្រមុះមាត់ខ្លួនឯង។
ពាណិជ្ជកម្ម
យ៉ាងណាមិញថ្មីៗនេះ ក្រសួងសុខាភិបាល បានចេញសេចក្តីណែនាំស្តីពីការពង្រឹងការអនុវត្តវិធានការអនាម័យបន្ថែម និងជាពិសេសនៅតាមផ្សារទំនើប ធនាគារ និងកន្លែងប្រកបអាជីវកម្មផ្សេងៗ។ ក្នុងនោះក្រសួងបានណែនាំឱ្យម្ចាស់អាជីវកម្ម អ្នកគ្រប់គ្រង និងបុគ្គលិកបម្រើការងារទាំងអស់ត្រូវរាយការណ៍ឱ្យបានឆាប់រហ័សជូនដល់អាជ្ញាធរពាក់ព័ន្ធ ឬក្រុមឆ្លើយតបបន្ទាន់តាមប្រព័ន្ធទូរសព្ទ ១១៥ រាល់ពេលសង្កេតឃើញមានករណីសង្ស័យចូលក្នុងនិយមន័យនៃជំងឺកូវីដ១៩ ដែលមានបង្ហាញក្នុងរូបខាងក្រោម។
