យ៉ាងហោចណាស់មានមនុស្ស ៨២នាក់បានស្លាប បន្ទាប់ពីគ្រោះរញ្ជួយដីដ៏ខ្លាំងក្លា បានវាយប្រហារទៅលើកោះទេសចរណ៍ដ៏ពេញនិយម ដែលហៅថា Lombok។ នេះបើតាមសម្តីរបស់មន្ត្រីឥណ្ឌូនេស៊ី។នេះបើយោងតាមសារព័ត៌មាន Aljazeera កាលព្រឹកមិញនេះ ។ យោងតាមការវាស់ស្ទង់របស់ភូគព្ភសាស្ដ្រសហរដ្ឋអាមេរិក បានឲ្យដឹងថា គ្រោះរញ្ជួយដីកម្រិត ៦,៩រិចទ័របានវាយប្រហារ ៣គីឡូម៉ែត្រពីតំបន់ Loloan ក្នុងជម្រៅ ៣១គីឡូម៉ែត្រ។
ថ្មីៗនេះចំនួនអ្នកស្លាប់បានកើនឡើងឡើងដល់៩១នាក់ ហើយយោងតាមអាជ្ញាធរឥណ្ឌូណេស៊ីមនុស្ស ២០៩នាក់ ទៀតក៏បានរងរបួសផងដែរ ដោយសារគ្រោះរញ្ជួយកម្រិត ៧.០រ៉ិចទ័រនេះ ដែលបានបំផ្លាញអគារ ផ្ដាច់ចរន្តអគ្គិសនី ហើយវាបានកើតឡើងតែមួយសប្ដាហ៍ប៉ុណ្ណោះ បន្ទាប់ពីគ្រោះរញ្ជួយដីមួយផ្សេងទៀតបានផ្ដាច់ជីវិតមនុស្ស ១៦នាក់ នៅលើកោះលុមបុក (Lombok) ដដែលនេះ។
បើតាមវិទ្យាសា្ថនភូគ្ភសាស្ត្រអាមេរិក USGS ពីដំបូងបានវាយតម្លៃថា ការរញ្ជួយដីនោះមានកម្លាំងដល់ទៅ៧រីស្ទ័រមុនពេលកែឡើងវិញថា ត្រឹម៦,៩រីស្ទ័រ។ ប៉ុន្តែបើយោងតាមលោក SOTOPO PURWO NUGROHO អ្នកនាំពាក្យនៃទីភ្នាក់ងារគ្រប់គ្រងគ្រោះមហន្តរាយឥណ្ឌូណេស៊ីថា ការរញ្ជួយដីនេះដែល បណ្ដាលឲ្យអគារច្រើនពាន់រងការខូចខាត ក៏ញ័ររង្គើដល់កោះបាលីផងដែរ។ ហើយការប្រកាសអាសន្នស៊ូណាមីដែលលុបចោលវិញភ្លាមៗបានញ៉ាំងឲ្យប្រជាជនជ្រួលច្របល់រត់រកកន្លែងមានសន្តិសុខ។
គួរបញ្ជក់ដែរថា លោកស្រី Dwikorita Karnawati ប្រធានទីភ្នាក់ងារឧតុនិយមអាកាសធាតុ និងភូគព្ភសាស្ដ្របាននិយាយប្រាប់ទូរទស្សន៍ក្នុងតំបន់ថា «សូមទៅកន្លែងដែលមានទីទួល ក្នុងភាពស្ងប់ស្ងាត់ និងកុំមានការភ័យខ្លាច»។
ចៅហ្វាយស្រុក North Lombok លោក Najmul Akhyar បាននិយាយថា ការដាច់ចរន្តអគ្គិសនីមានន័យថា គឺជាការមិនអាចប៉ាន់ប្រមានទៅលើស្មានភាពបាន។ កម្រិតរញ្ជួយដីនេះ បានវាយប្រហាជាច្រើនវិនាទី ទៅលើតំបន់ក្បែខាង គឺកោះបាលី ដែលមានចម្ងាយប្រមាណ ១០០គីឡូម៉ែត្រពីគ្នា៕
