យោងតាមសារព័ត៌មាន Aljazeera យ៉ាងហោចណាស់មានមនុស្ស ៨២នាក់បានស្លាប បន្ទាប់ពីគ្រោះរញ្ជួយដីដ៏ខ្លាំងក្លា បានវាយប្រហារទៅលើកោះទេសចរណ៍ដ៏ពេញនិយម ដែលហៅថា Lombok។ នេះបើតាមសម្តីរបស់មន្ត្រីឥណ្ឌូនេស៊ី។
យោងតាមការវាស់ស្ទង់របស់ភូគព្ភសាស្ដ្រសហរដ្ឋអាមេរិក បានឲ្យដឹងថា គ្រោះរញ្ជួយដីកម្រិត ៦,៩រិចទ័របានវាយប្រហារ ៣គីឡូម៉ែត្រពីតំបន់ Loloan ក្នុងជម្រៅ ៣១គីឡូម៉ែត្រ។
នៅលើបណ្តាញធ្វីតតឺមួយ លោក Sutopo Purwo Nugroho អ្នកនាំពាក្យរបស់ទីភ្នាក់ងារកាត់បន្ថយគ្រោះមហន្តរាយរបស់ប្រទេសឥណ្ឌូណេស៊ី បាននិយាយថា នៅវេលាម៉ោង ២:៣០ នាទីព្រឹក ម៉ោងក្នុងស្រុក អ្នកស្លាប់សរុបមាន ៨២នាក់ ដោយមនុស្សរាប់រយនាក់រងរបួសនិងផ្ទះរាប់ពាន់ខ្នងត្រូវរងការខូចខាត។
លោក Muhammad Rum ប្រធានទីភ្នាក់ងារគ្រោះមហន្តរាយប្រចាំតំបន់នេះបាននិយាយថា ភាគច្រើននៃការស្លាប់នេះបណ្តាលមកពីការធ្លាក់កម្ទេចកម្ទីមកលើ។
គ្រោះរញ្ជួយដីនេះ បានកើតឡើងក្នុងរយៈពេលមួយសប្តាហ៍ បន្ទាប់ពីមានគ្រោះរញ្ជួយដីកម្រិត ៦,៤រិចទ័របានសម្លាប់យ៉ាងហោចណាស់ ១៧នាក់ និងមនុស្សជាង ១៦០នាក់រងរបួស និងអគាររាប់រយខ្នងត្រូវបានបំផ្លាញ។ អាជ្ញាធរបានចេញសេចក្តីព្រមានពីរលកយក្សស៊ូណាមី ប៉ុន្តែក្រោយមកសេចក្តីព្រមាននោះត្រូវបានលុបចោលវិញ។
លោកស្រី Dwikorita Karnawati ប្រធានទីភ្នាក់ងារឧតុនិយមអាកាសធាតុ និងភូគព្ភសាស្ដ្របាននិយាយប្រាប់ទូរទស្សន៍ក្នុងតំបន់ថា «សូមទៅកន្លែងដែលមានទីទួល ក្នុងភាពស្ងប់ស្ងាត់ និងកុំមានការភ័យខ្លាច»។
ចៅហ្វាយស្រុក North Lombok លោក Najmul Akhyar បាននិយាយថា ការដាច់ចរន្តអគ្គិសនីមានន័យថា គឺជាការមិនអាចប៉ាន់ប្រមានទៅលើស្មានភាពបាន។ កម្រិតរញ្ជួយដីនេះ បានវាយប្រហាជាច្រើនវិនាទី ទៅលើតំបន់ក្បែខាង គឺកោះបាលី ដែលមានចម្ងាយប្រមាណ ១០០គីឡូម៉ែត្រពីគ្នា៕
ដោយ៖ DNT-NEWS
Home ព្រឹត្តិការណ៍ថ្មីៗ ពិតជារន្ធត់មែន ! មនុស្ស៨២នាក់បានស្លាប់ នៅក្នុងប្រទេសឥណ្ឌូនេស៊ីដោយសារគ្រោះរញ្ជួយដីដ៏ខ្លាំងក្លាមួយ