(ទីក្រុងមូស្គូ)៖ សារព័ត៌មាន News Week បានចេញផ្សាយនៅថ្ងៃទី១០ សីហានេះថា រុស្ស៊ីបានទាត់ចោលសំណើររបស់ជប៉ុន ដែលស្នើឲ្យមានការដកយន្តហោះចម្បាំងពីការដាក់ពង្រាយនៅលើប្រជុំកោះមានជម្លោះ ដែលប្រទេសទាំងពីរបានអះអាងរៀងៗខ្លួនថា ជាកម្មសិទ្ធរបស់ខ្លួន ដោយរុស្ស៊ីបានតឹងសសៃកបង្ហាញនូវទល្ហិករណ៍របស់ខ្លួនថា ទង្វើនេះ គឺធ្វើឡើងទៅតាមខ្សែបន្ទាត់គោលនយោបាយរបស់ខ្លួនតែប៉ុណ្ណោះ។
ប្រជុំកោះតូចៗចំនួន៤ ដែលលាតសន្ធឹងរវាងប្រជុំកោះសាខាលីនរបស់រុស្ស៊ី និងហុកកៃដូរបស់ជប៉ុន គឺជាប្រភពមួយដែលញ៉ាំងឲ្យមានជម្លោះរវាងប្រទេសទាំងពីរជាញឹកញាប់ ដោយសារតែប្រទេសទាំងពីរមិនទាន់បានឈានទៅរកកិច្ចព្រមព្រៀងមួយ លើសន្ធិសញ្ញាសន្តិភាព ក្រោយសង្គ្រាមលោកលើកទី២ បានបញ្ចប់ទៅ។ រុស្ស៊ីនៅតែបន្តកាន់កាប់លើដែនដីទាំងនោះ ហើយកាលពីដើមខែនេះទៀតសោធ រុស្ស៊ីបានបញ្ជូនយន្តហោះចម្បាំង Su-35 ទៅចុះចតនៅប្រជុំកោះ Iturup ដែលទង្វើនេះបានញ៉ាំឲ្យលោក Yoshihide Suga លេខាខុទ្ទកាល័យរបស់ជប៉ុនបានផ្ញើលិខិតជាផ្លូវការមួយ ស្តីពីការទាមទារឱ្យក្រុងម៉ូស្គូដកយន្តហោះចម្បាំងទាំងនោះចេញពីប្រជុំកោះមានជម្លោះ និងបានបង្ហាញការសោកស្តោយយ៉ាងខ្លាំងក្នុងការសម្រេចចិត្តរបស់រុស្ស៊ី។
លោកស្រី Maria Zakharova អ្នកនាំពាក្យរបស់ក្រសួងការបរទេសរុស្ស៊ីបាននិយាយថា «សកម្មភាពរបស់រុស្ស៊ីគឺស្របទៅតាមគោលនយោបាយការពារជាតិរបស់រូស្ស៊ី រួមទាំងគោលនយោបាយការបរទេស ដែលមិនមែនជាការឈ្លានពាន និងមិនធ្វើឲ្យខូចដល់ស្ថិរភាពដល់ទំនាក់ទំនងប្រទេសណាមួយ ដូចជាទំនាក់ទំនងទ្វេរភាគីជាមួយជប៉ុន»។
គោលនយោបាយរបស់វិមានក្រឹមឡាំងស្តីពីប្រជុំកោះទាំង ៤ដែលហៅថាប្រជុំកោះគូរៀល បានធ្វើការបដិសេធមិនព្រមចរចាឡើយ ទោះបីជាឯកសារចុងក្រោយមុនសង្គ្រាមរវាងប្រទេសទាំងពីរបានបង្ហាញថា ប្រជុំកោះទាំងនោះគឺជាកម្មសិទញធរបស់ជប៉ុនក៏ដោយ។ អតីតសហភាពសូវៀតបានចូលកាន់កាប់ប្រជុំកោះទាំងនេះ នៅថ្ងៃបិទបញ្ចប់សង្គ្រាមលោកលើកទី២ ហើយកងកម្លាំងរបស់ Joseph Stalin បាននិរទ្ទេសជនជាតិដើមចេញពីតំបន់ ក្រោយបញ្ចប់សង្គ្រាម។ កោះដែលជប៉ុនបន្តសំដៅថាជាទឹកដីខាងជើងរបស់ខ្លួន ឥឡូវនេះមានប្រជាជនរុស្ស៊ីជាច្រើនកំពុងរស់នៅទីនោះ។
លោកស្រី Zakharova បាននិយាយថា «អ្វីគ្រប់យ៉ាងដែលកើតមានឡើងនៅលើទឹកដីនៃសហព័ន្ធរុស្ស៊ី ត្រូវបានធ្វើឡើងដោយចំហ ហើយយើងជូនដំណឹងដល់មិត្តរួមការងាររបស់យើងអំពីបញ្ហានេះ យើងឆ្លើយសំណួររបស់ពួកគេ»។
សូមបញ្ជាក់ថា ថ្មីកន្លងទៅនេះ រុស្ស៊ីបានបញ្ជូនយន្តហោះចម្បាំង និងកងទ័ពរបស់ខ្លួនទៅកាន់ប្រជុំកោះមានជម្លោះរវាងរុស្ស៊ី និងជប៉ុន បើទោះបីជាជប៉ុនបានតម្លើងសសៃកយ៉ាងខ្លាំងក្លាប្រឆាំងការដាក់ពង្រាយរបស់រុស្ស៊ីក៏ដោយ៕DNT-NEWS
ប្រជុំកោះតូចៗចំនួន៤ ដែលលាតសន្ធឹងរវាងប្រជុំកោះសាខាលីនរបស់រុស្ស៊ី និងហុកកៃដូរបស់ជប៉ុន គឺជាប្រភពមួយដែលញ៉ាំងឲ្យមានជម្លោះរវាងប្រទេសទាំងពីរជាញឹកញាប់ ដោយសារតែប្រទេសទាំងពីរមិនទាន់បានឈានទៅរកកិច្ចព្រមព្រៀងមួយ លើសន្ធិសញ្ញាសន្តិភាព ក្រោយសង្គ្រាមលោកលើកទី២ បានបញ្ចប់ទៅ។ រុស្ស៊ីនៅតែបន្តកាន់កាប់លើដែនដីទាំងនោះ ហើយកាលពីដើមខែនេះទៀតសោធ រុស្ស៊ីបានបញ្ជូនយន្តហោះចម្បាំង Su-35 ទៅចុះចតនៅប្រជុំកោះ Iturup ដែលទង្វើនេះបានញ៉ាំឲ្យលោក Yoshihide Suga លេខាខុទ្ទកាល័យរបស់ជប៉ុនបានផ្ញើលិខិតជាផ្លូវការមួយ ស្តីពីការទាមទារឱ្យក្រុងម៉ូស្គូដកយន្តហោះចម្បាំងទាំងនោះចេញពីប្រជុំកោះមានជម្លោះ និងបានបង្ហាញការសោកស្តោយយ៉ាងខ្លាំងក្នុងការសម្រេចចិត្តរបស់រុស្ស៊ី។
លោកស្រី Maria Zakharova អ្នកនាំពាក្យរបស់ក្រសួងការបរទេសរុស្ស៊ីបាននិយាយថា «សកម្មភាពរបស់រុស្ស៊ីគឺស្របទៅតាមគោលនយោបាយការពារជាតិរបស់រូស្ស៊ី រួមទាំងគោលនយោបាយការបរទេស ដែលមិនមែនជាការឈ្លានពាន និងមិនធ្វើឲ្យខូចដល់ស្ថិរភាពដល់ទំនាក់ទំនងប្រទេសណាមួយ ដូចជាទំនាក់ទំនងទ្វេរភាគីជាមួយជប៉ុន»។
គោលនយោបាយរបស់វិមានក្រឹមឡាំងស្តីពីប្រជុំកោះទាំង ៤ដែលហៅថាប្រជុំកោះគូរៀល បានធ្វើការបដិសេធមិនព្រមចរចាឡើយ ទោះបីជាឯកសារចុងក្រោយមុនសង្គ្រាមរវាងប្រទេសទាំងពីរបានបង្ហាញថា ប្រជុំកោះទាំងនោះគឺជាកម្មសិទញធរបស់ជប៉ុនក៏ដោយ។ អតីតសហភាពសូវៀតបានចូលកាន់កាប់ប្រជុំកោះទាំងនេះ នៅថ្ងៃបិទបញ្ចប់សង្គ្រាមលោកលើកទី២ ហើយកងកម្លាំងរបស់ Joseph Stalin បាននិរទ្ទេសជនជាតិដើមចេញពីតំបន់ ក្រោយបញ្ចប់សង្គ្រាម។ កោះដែលជប៉ុនបន្តសំដៅថាជាទឹកដីខាងជើងរបស់ខ្លួន ឥឡូវនេះមានប្រជាជនរុស្ស៊ីជាច្រើនកំពុងរស់នៅទីនោះ។
លោកស្រី Zakharova បាននិយាយថា «អ្វីគ្រប់យ៉ាងដែលកើតមានឡើងនៅលើទឹកដីនៃសហព័ន្ធរុស្ស៊ី ត្រូវបានធ្វើឡើងដោយចំហ ហើយយើងជូនដំណឹងដល់មិត្តរួមការងាររបស់យើងអំពីបញ្ហានេះ យើងឆ្លើយសំណួររបស់ពួកគេ»។
សូមបញ្ជាក់ថា ថ្មីកន្លងទៅនេះ រុស្ស៊ីបានបញ្ជូនយន្តហោះចម្បាំង និងកងទ័ពរបស់ខ្លួនទៅកាន់ប្រជុំកោះមានជម្លោះរវាងរុស្ស៊ី និងជប៉ុន បើទោះបីជាជប៉ុនបានតម្លើងសសៃកយ៉ាងខ្លាំងក្លាប្រឆាំងការដាក់ពង្រាយរបស់រុស្ស៊ីក៏ដោយ៕DNT-NEWS
