មនុស្សជាច្រើនម៉ឺននាក់បានប្រមូលផ្តុំគ្នាទ្រង់ទ្រាយធំ ដើម្បីធ្វើការតវ៉ាមួយនៅក្នុងរដ្ឋធានីរ៉ូម៉ានី ដែលបានបង្កឲ្យមានការប៉ះទង្គិចជាមួយកងកម្លាំងរដ្ឋាភិបាល។ នេះបើតាមទីភ្នាក់ងារសារព័ត៌មាន Agerpres ដែលបានរាយការណ៍។
ប្រភពទីភ្នាក់ងារដដែលបាននិយាយថា មនុស្សសរុប ១០៥នាក់បានរងរបួសនៅកន្លែងកើតហេតុ រីឯកងកម្លាំងសមត្ថកិច្ចចំនួន ៣នាក់បានរងរបួសផងដែរ។
យោងតាមទីភ្នាក់ងារនេះ មនុស្សជាង ១ម៉ឺននាក់ បានចូលរួមបាតុកម្មនេះ ហើយក្រោយមកមនុស្សបានកើនឡើងដល់ជាង ១លាននាក់។ ក្រោយបាតុកម្មហើយ អាជ្ញាធរនិយាយថា អ្នករៀបចំបាតុកម្មនេះ បានបដិសេធមិនទទួលខុសត្រូវលើរឿងនេះ។
យោងតាមទំព័រហ្វេសប៊ុករបស់បាតុករបានឱ្យដឹងថាក្រុមអ្នកតវ៉ាទាមទារឱ្យមានការរំលាយរដ្ឋសភា ការបោះឆ្នោតអសកល រដ្ឋភិបាលបច្ចេកទេស ឯករាជ្យភាពរបស់តុលការ ការបង្កើតឡើងនូវសភាឯកតោភាគីដែលមានចំនួន៣០០ កៅអី ដែលរួមបញ្ចុលនូវអ្នកតំណាងជនជាតិរ៉ូម៉ានីជាង ១០០ នាក់នៅក្រៅប្រទេស។
អ្នកចូលរួមក្នុងបាតុកម្មនេះ ក៏បង្ហាញពីភាពមិនពេញចិត្តជាមួយនឹងប្រព័ន្ធពន្ធ កំណែទម្រង់សោធននិវត្តន៍ការថែទាំសង្គម និងអំពាវនាវឱ្យមានការអភិវឌ្ឍន៍កាន់តែមានប្រសិទ្ធភាពនៃសេដ្ឋកិច្ចកសិកម្មនិងសហគ្រិនភាព។ ដោយឡែក ប្រជាជនក៏បានសំដែងការគាំទ្រចំពោះតម្លៃប្រជាធិបតេយ្យ និងការបោះឆ្នោតអេឡិចត្រូនិក ក៏ដូចជាភាពជាដៃគូជាមួយសហភាពអឺរ៉ុប និងអង្គការណាតូផងដែរ៕DNT-NEWS