(ទីក្រុងមូស្គូ)៖ កងនាវាចម្បាំងទី៦ ប្រចាំកងទ័ពជើងទឹករបស់សហរដ្ឋអាមេរិកបាននិយាយនៅក្នុងសេចក្តីថ្លែងការណ៍មួយថា នាវាពិឃាតសហរដ្ឋអាមេរិក USS Carney បានធ្វើដំណើរចូលសមុទ្រខ្មៅសម្រាប់ប្រតិបត្តិការសន្តិសុខកងទ័ពជើងទឹក។
សេចក្តីថ្លែងការណ៍នោះបានបញ្ចេញកាលពីល្ងាចថ្ងៃអាទិត្យថា «នាវាពិឃាត USS Carney ដែលជានាវាបំពាក់ដោយគ្រាប់មីស៊ីល ស្ថិតក្នុងប្រភេទ Arleigh Burk-class បានចូលទៅដល់សមុទ្រខ្មៅ កាលពីថ្ងៃទី១២ ដើម្បីធ្វើប្រតិបត្តិការណ៍សន្តិសុខកងទ័ពជើងទឹក និងពង្រឹងលទ្ធភាពជាមួយសម្ព័ន្ធសម្ព័ន្ធមិត្ត និងដៃគូ នៅក្នុងតំបន់។ ប្រតិបត្តិការនាវានេះនៅក្នុងសមុទ្រខ្មៅ គឺមានន័យថា ជាការពង្រឹងសន្តិសុខសមុទ្រ និងលទ្ធភាពកងទ័ពជើងទឹក រួមបញ្ចូលទាំងការត្រៀមខ្លួន និងលទ្ធភាពកងទ័ពជើងទឹកជាមួយសម្ព័ន្ធមិត្ត»។
លោក Tyson Young មេបញ្ជាការប្រចាំនៅលើនាចាពិឃាត Carney បាននិយាយនៅក្នុងសេចក្តីថ្លែងការថា ការមកដល់នៃនាវាចម្បាំងនៅក្នុងសមុទ្រខ្មៅ បង្ហាញពីការប្តេជ្ញាចិត្តរបស់សហរដ្ឋអាមេរិក ក្នុងការរក្សាសន្តិសុខ នៅក្នុងតំបន់។
គួរកត់សម្គាល់ថា ថ្មីៗនេះ មេបញញជាការទ័ពអាមេរិកម្នាកបានលើកឡើងពីការព្រួយបារម្ភចំពោះវត្តមាននៃកងទ័ពរបស់រុស្ស៊ី ទោះបីជាប្រមុខការពារជាតិរុស្ស៊ី លោក ជីម ម៉ាទីសបានលើកឡើងថា អាមេរិកមិនមានការព្រួយបារម្ភចំពោះវត្តមានកងទ័ពរុស្ស៊ីក៏ដោយ។ មេបញ្ជាការរូបនោះបាននិយាយថា វត្តមាននាវាមុជទឹករុស្ស៊ីកំពុងបង្កហានិភ័យនៅក្នុងមហាសមុទ្រអាត្លង់ទិកខាងជើង។
នាវាពិឃាតនេះធ្លាប់បានធ្វើដំណើរចូលសមុទ្រខ្មៅម្តងរួចហើយ កាលពីខែមករា ដើម្បីចូលរួមធ្វើសមយុទ្ធជាមួយកងទ័ពជើងទឹកអ៊ុយក្រែន។ កាលពីខែឧសភា កងនាវាចម្បាំងមកពីអង្គការណាតូបានធ្វើដំណើរចូលសមុទ្រខ្មៅ ដែលមេបញ្ជាការកងទ័ពជើងទឹកប្រចាំនៅអង្គការណាតូបានពិពណនាថាជាផ្នែកមួយនៃកិច្ចខិតខំប្រឹងប្រែង ដើម្បីបង្កើនស្ថិរភាពនៅក្នុងតំបន់៕DNT-NEWS
Home ព្រឹត្តិការណ៍ថ្មីៗ អាមេរិកបញ្ជូននាវាពិឃាត USS Carney ទៅកាន់សមុទ្រខ្មៅ ខណៈដែលវត្តមាននាវាមុជទឹករុស្ស៊ី កំពុងបង្កការគម្រាមកំហែង