យោងតាមកងទ័ពជើងទឹកចក្រភពអង់គ្លេសបានឲ្យដឹងថា នាវាចម្បាំងរបស់ចក្រភពអង់គ្លេសបានតាមដានមើលលើសកម្មភាពរបស់នាវាចម្បាំងរុស្ស៊ីយ៉ាងខ្ជាប់ខ្ជួន ខណៈដែលនាវានោះបានធ្វើដំណើរនៅក្នុងដែនទឹកជិតចក្រភពអង់គ្លេស។
យោងតាមសារព័ត៌មានរ៉យទ័រ នាវាប្រឆាំងគ្រាប់មីស៊ីន HMS Hurworth ដែលមានមូលដ្ឋាននៅទីក្រុងកំង់ផែ Portmouth កំពុងតែធ្វើការតាមដាននាវាចម្បាំងរបស់រុស្ស៊ី Admiral Makarov យ៉ាងជាប់លាប់ ខណៈដែលវាបានធ្វើដំណើរឆ្លងតាត់បណ្តាញប៉ុស្តិ៍ចក្រភពអង់គ្លេស។ ការតាមដានរបស់ចក្រភពអង់គ្លេសនេះ ទំនងជានឹងត្រូវចំណាយពេលអស់រយៈពេល ៤៨ម៉ោង។
សេចក្តីថ្លែងការណ៍របស់កងទ័ពជើងទឹកបានអង់គ្លេសកត់សម្គាល់ថា កងទ័ពជើងទឹកចក្រភពអង់គ្លេសក៏បានបញ្ជូនកងឧទ្ធម្ភាគចក្រឆ្មាព្រៃ HMA2 ចេញពីកងកម្លាំងអាកាសប្រចាំនៅក្នុងកងទ័ពជើងទឹកលេខ ៨១៥ដែលមានមូលដ្ឋាននៅ Yeovilton ដើម្បីអមដំណើរនាវា HMS នៅក្នុងបេសកកម្មរបស់ខ្លួន។
សេចក្តីថ្លែងការណ៍នោះបាននិយាយថា សកម្មភាពរបស់ក្រុមឆ្មាព្រៃចក្រភពអង់គ្លេស គឺដើម្បីតាមដានមើលសកម្មភាពរបស់នាវារុស្ស៊ី ដែលចូលដែនទឹកស្ថិតនៅជិតចក្រភពអង់គ្លេស។
សេចក្តីថ្លែងការណ៍ក៏បានបន្ថែមថា ខ្លួនបានបញ្ជូននាវាល្បាត HMS Mersey នាវាពិឃាត HMS Diamond និងនាវាចម្បាំង Montrose ដើម្បីឃ្លាំមើលនាវារុស្ស៊ីដែលធ្វើដំណើរឆ្លងកាត់ចក្រភពអង់គ្លេស។
ធ្វើសេចក្តីថ្លែងការណ៍ឆ្លើយតបទៅនឹងការលើកឡើងបែបនេះ មន្ត្រីស្ថានទូតរុស្ស៊ីប្រចាំនៅទីក្រុងឡុងបាននិយាយថា នាវាចម្ពាំងរបស់រុស្ស៊ី គឺធ្វើសកម្មភាពដោយអនុឡោមទៅតាមបទដ្ឋានអន្តរជាតិតែប៉ុណ្ណោះ ហើយក៏មិនបានបង្កការគម្រាមកំហែងដល់ចក្រភពអង់គ្លេសនោះឡើយ។
របាយការណ៍របស់សភាចក្រភពអង់គ្លេសបាននិយាយថា «ចក្រភពអង់គ្លេសបានបង្កើនកិច្ចខិតខំប្រឹងប្រែង ក្នុងការល្បាតនៅក្នុងដែនទឹកភាគខាងជើងរបស់ខ្លួន ចាប់តាំងពីបានអនុម័តលើវិធានការរបស់ខ្លួនមក ក្នុងនោះមានដូចជា ដំណោះស្រាយនូវការកើនឡើងសកម្មភាពនាវាមុជទឹករុស្ស៊ីនៅមហាសមុទ្រអាត្លង់ទិចខាងជើង ដើម្បីការពារកងទ័ព និងគ្រឿងសព្វាវុធធុនធ្ងន់ និងការការពារខ្សែបន្ទាត់នៃទំនាក់ទំនងនៅលើផ្ទៃសមុទ្រ»៕DNT-NEWS
សេចក្តីថ្លែងការណ៍របស់កងទ័ពជើងទឹកបានអង់គ្លេសកត់សម្គាល់ថា កងទ័ពជើងទឹកចក្រភពអង់គ្លេសក៏បានបញ្ជូនកងឧទ្ធម្ភាគចក្រឆ្មាព្រៃ HMA2 ចេញពីកងកម្លាំងអាកាសប្រចាំនៅក្នុងកងទ័ពជើងទឹកលេខ ៨១៥ដែលមានមូលដ្ឋាននៅ Yeovilton ដើម្បីអមដំណើរនាវា HMS នៅក្នុងបេសកកម្មរបស់ខ្លួន។
សេចក្តីថ្លែងការណ៍នោះបាននិយាយថា សកម្មភាពរបស់ក្រុមឆ្មាព្រៃចក្រភពអង់គ្លេស គឺដើម្បីតាមដានមើលសកម្មភាពរបស់នាវារុស្ស៊ី ដែលចូលដែនទឹកស្ថិតនៅជិតចក្រភពអង់គ្លេស។
សេចក្តីថ្លែងការណ៍ក៏បានបន្ថែមថា ខ្លួនបានបញ្ជូននាវាល្បាត HMS Mersey នាវាពិឃាត HMS Diamond និងនាវាចម្បាំង Montrose ដើម្បីឃ្លាំមើលនាវារុស្ស៊ីដែលធ្វើដំណើរឆ្លងកាត់ចក្រភពអង់គ្លេស។
ធ្វើសេចក្តីថ្លែងការណ៍ឆ្លើយតបទៅនឹងការលើកឡើងបែបនេះ មន្ត្រីស្ថានទូតរុស្ស៊ីប្រចាំនៅទីក្រុងឡុងបាននិយាយថា នាវាចម្ពាំងរបស់រុស្ស៊ី គឺធ្វើសកម្មភាពដោយអនុឡោមទៅតាមបទដ្ឋានអន្តរជាតិតែប៉ុណ្ណោះ ហើយក៏មិនបានបង្កការគម្រាមកំហែងដល់ចក្រភពអង់គ្លេសនោះឡើយ។
របាយការណ៍របស់សភាចក្រភពអង់គ្លេសបាននិយាយថា «ចក្រភពអង់គ្លេសបានបង្កើនកិច្ចខិតខំប្រឹងប្រែង ក្នុងការល្បាតនៅក្នុងដែនទឹកភាគខាងជើងរបស់ខ្លួន ចាប់តាំងពីបានអនុម័តលើវិធានការរបស់ខ្លួនមក ក្នុងនោះមានដូចជា ដំណោះស្រាយនូវការកើនឡើងសកម្មភាពនាវាមុជទឹករុស្ស៊ីនៅមហាសមុទ្រអាត្លង់ទិចខាងជើង ដើម្បីការពារកងទ័ព និងគ្រឿងសព្វាវុធធុនធ្ងន់ និងការការពារខ្សែបន្ទាត់នៃទំនាក់ទំនងនៅលើផ្ទៃសមុទ្រ»៕DNT-NEWS
