ប្រព័ន្ធផ្សព្វផ្សាយចិនបានរាយការណ៍ថា នាវាផ្ទុកយន្តហោះដំបូងគេដែលត្រូវបានសាងសង់នៅក្នុងប្រទេសចិនសម្រាប់កងទ័ពជើងទឹករបស់ប្រទេសនេះ បានចាកចេញពីកំពង់ផែកាលពីថ្ងៃអាទិត្យ សម្រាប់ការសាកល្បងដំណើរការលើកទី២ របស់ខ្លួន ដែលប្រព័ន្ធអាវុធសំខាន់ និងប្រព័ន្ធត្រួតពិនិត្យ និងទីបញ្ជារបស់ខ្លួន នឹងត្រូវធ្វើការសាកល្បង។
យោងតាមកាសែត Global Times បានធ្វើការកត់សម្គាល់ថា នាវាប្រភេទ 001A ដែលមិនទាន់ដាក់ឈ្មោះនេះ នឹងដោះស្រាយនូវភាពលំបាក ដែលនាវាប្រភេទនេះប្រឈមមុខនៅក្នុងកំឡុងពេលនៃការធ្វើការសាកល្បងកាលពីខែឧសភា នៅដើមឆ្នាំនេះ។ គោលបំណងដ៏ចម្បាំងបំផុត គឺដើម្បីធ្វើការសាកល្បងទៅលើប្រព័ន្ធជម្រុញរបស់នាវានេះ។
សកម្មភាពមួយដែលនឹងត្រូវបានបម្រុងទុកសម្រាប់ការសាកល្បងលើសមុទ្រនាពេលអនាគត គឺការធ្វើការហោះហើរ និងការចុះចតបរស់ក្រុមយន្តហោះចម្បាំងនៅលើនាវានេះ។ របាយការណ៍បាននិយាយថា មិនមានយន្តហោះណាមួយត្រូវបានគេឃើញនៅលើយន្តហោះនេះ ក្នុងកំឡុងពេលនៃការសាកល្បងកាលពីថ្ងៃសៅរ៍នោះទេ។
លោក Song Zhongping អ្នកអត្ថាធិប្បាយទូរទស្សន៍និងជាអ្នកវិភាគយោធាជនជាតិចិន បានប្រាប់កាសែត Global Times ថា ការចែកចាយនូវប្រភេទនាវានេះ អាចប្រើអស់រយៈពេលមួយឆ្នាំ ដោយសារតែព័ត៌មានដែលទទួលបានពីការចាប់ផ្តើមរបស់នាវាផលិតឡើងដោយចិនជាលើកដំបូង Liaoning។
ជាមួយគ្នានេះ អ្នកនាំពាក្យក្រសួងការពារជាតិចិនបាននិយាយថា តួនាវា Liaoning ត្រូវបានសាងសង់ដោយអតីតសហភាពសូវៀត មុននាវាមួយនេះធ្លាក់ទៅដល់ដៃចិន ពីអ៊ុយក្រែន។ នាវានេះបានចាប់ផ្តើមបង្កើតឡើងនូវប្រព័ន្ធប្រយុទ្ធនៅថ្ងៃទី៣១ ឧសភា ឆ្នាំ ២០១៨នេះ។
ខណៈដែលនាវាប្រភេទ 001A បានត្រៀមខ្លួនរួចរាល់កងទ័ពជើងទឹករំដោះប្រជាជនចិន (PLA-N) គ្រោងនឹងអមដំណើរជាមួយនាវាប្រភេទនេះដោយនាវាពិឃាតបាញ់គ្រាប់មីស៊ីល ដែលលោកសុងបានពិពណ៌នាវាថា គឺជានាវាផ្ទៃទឹកលំដាប់កំពូលរបស់ចិន។ នាវាពិឃាតិប្រភេទ 055 បានចាប់ផ្តើមសាកល្បងដំណើរការរួចមកហើយកាលពីថ្ងៃសុក្រសប្តាហ៍មុន៕DNT-NEWS
Home ព្រឹត្តិការណ៍ថ្មីៗ នាវាផ្ទុកយន្តហោះទម្លាក់គ្រាប់បែកផលិតឡើងដោយចិនខ្លួនឯងផ្ទាល់ បានធ្វើការសាកល្បងដំណើរការជាលើកទី២