កាលពីខែកុម្ភៈ លោក Lieberman បានណែនាំឲ្យកម្លាំងយោធាប្រទេសរបស់លោកសាងសង់នូវគ្រាប់មីស៊ីលបាញ់ពីទៅទម្លាក់លើដី ដែលអាចបាញ់បានចម្ងាយ ៣០០គីឡូម៉ែត្រ។
សារព័ត៌មានស្ពុតនិកបានចេញផ្សាយនៅថ្ងៃទី២៩ សីហានេះដោយបានស្រង់ប្រភពពីសារព័ត៌មានហារ៉េតស៍ថា រដ្ឋមន្ត្រីក្រសួងការពារជាតិអ៊ីស្រាអែល លោក Avigdor Lieberman បានប្រកាសអំពីការទិញនូវប្រភេទគ្រាប់រ៉ុក្កែតដ៏ទំនើបរបស់អ៊ីស្រាអែល ដែលលោកបានអះអាងថា គ្រាប់រ៉ុក្កែតប្រភេទថ្មីនេះអាចបាញ់ទៅដល់គ្រប់ទីកន្លែងនៅក្នុងតំបន់មជ្ឈឹមបូព៌ា។
លោក Lieberman បានសំដៅលើកិច្ចព្រមព្រៀងដែលមានតម្លៃរាប់លានដុល្លារ រវាងក្រសួងការពារជាតិ និងវិស័យយោធាអ៊ីស្រាអែលសម្រាប់ការទិញគ្រាប់រ៉ុក្កែត ដែលបាញ់ចំគោលដៅ។ លោកបានចង្អុលបង្ហាញថា «យើងកំពុងធ្វើឱ្យកងកម្លាំងការពារអ៊ីស្រាអែល កាន់តែរឹងមាំ និងកាន់តែទំនើប»។
សេចក្តីថ្លែងការណ៍នេះត្រូវបានធ្វើឡើង ស្របពេលដែលភាពតានតឹងកាន់តែកើនឡើង រវាងអ៊ីស្រាអែល និងអ៊ីរ៉ង់ ដោយរដ្ឋជ្វីហ្វបង្ហាញពីការព្រួយបារម្ភអំពីការប៉ុនប៉ងពង្រីកឥទ្ធិពលរបស់កងទ័ពអ៊ីរ៉ង់ នៅក្នុងតំបន់ ដែលត្រូវបានចោទថាមានវត្តមាននៅក្នុងប្រទេសស៊ីរី។
ដោយឡែក ទីក្រុងតេរ៉ង់បានបដិសេធចំពោះការចោទប្រកាន់របស់អ៊ីរ៉ង់បែបនេះ ដោយបានធ្វើការកត់សម្គាល់ថា ប្រទេសរបស់ខ្លួនគ្រាន់តែបញ្ជូនទីប្រឹក្សាទៅជួតបង្វឹកបង្ហាត់ទ័ពស៊ីរី ដើម្បីប្រយុទ្ធជាមួយក្រុមភេរវករតែប៉ុណ្ណោះ។
នៅក្នុងកែវភ្នែក អ៊ីស្រាអែលនៅតែចាត់ទុកសកម្មភាពអ៊ីរ៉ង់ថាជាការគម្រាមកំហែងមកលើសន្តិសុខជាតិរបស់ខ្លួន ហើយថែមទាំងបានចោទប្រកាន់អ៊ីរ៉ងថាបានព្យាយាមផលិតនុយក្លេអ៊ែរទៀត ទោះបីជាបានចុះកិច្ចព្រមព្រៀងនុយក្លេអ៊ែរឆ្នាំ ២០១៥ក៏ដោយ។
កងកម្លាំងការពារជាតិអ៊ីស្រាអែលត្រូវបានបង្កើតឡើងនៅថ្ងៃទី៣១ ខែឧសភា ឆ្នាំ១៩៤៨ ដែលត្រូវបានបង្កើតឡើងក្នុងរយៈពេល ២សប្តាហ៍ក្រោយការប្រកាសឯករាជ្យ។ បច្ចុប្បន្ននេះ អ៊ីស្រាអែលមានកងទ័ព ១២ម៉ឺន ៥ពាន់នាក់។ នៅក្នុងផ្នក់គំនិតនៃការធ្វើសង្គ្រាមរបស់អ៊ីស្រាអែលគឺ «អ៊ីស្រាអែលមិនត្រូវទទួលបរាជ័យ នៅក្នុងសង្គ្រាមនោះទេ។អ៊ីស្រាអែលត្រូវតែយកជ៧យជំនះឲ្យបានតាមរយៈយុទ្ធសាស្ត្រ និងកម្លាំងទ័ព»៕DNT-NEWS
Home ព្រឹត្តិការណ៍ថ្មីៗ រដ្ឋមន្ត្រីការពារជាតិអ៊ីស្រាអែល៖ គ្រាប់មីស៊ីលថ្មីរបស់អ៊ីស្រាអែលអាចបាញ់បានគ្រាប់ទីកន្លែងនៅក្នុងតំបន់មជ្ឈឹមបូព៌ាទាំងមូល