សារព័ត៌មានស្ពុតនិកបានចេញផ្សាយនៅថ្ងៃទី២៨ សីហា ២០១៨នេះថា កងទ័ពការពារអាកាសរបស់អាសាដបានត្រៀមខ្លួនរួចរាល់ហើយ ក្នុងការការពារដែនអាកាសរបស់ខ្លួនពីការវាយប្រហាររបស់សហរដ្ឋអាមេរិក។
ការត្រៀមកាណុងមីស៊ីលប្រឆាំងទៅនឹងមីស៊ីលអាមេរិកនេះ បានធ្វើឡើងភ្លាមៗបន្ទាប់ពីការព្រមានរបស់ទីប្រឹក្សាសន្តិសុខជាតិសហរដ្ឋអាមេរិក លោក John Bolton ដែលបានគម្រាមថា អាមេរិកនឹងធ្វើការចាត់វិធានការណ៍ក្តៅទៅនឹងការប្រើអាវុធគីមីរបស់រដ្ឋាភិបាលអាសាដ។ លោកបុលថុនក៏បាននិយាយផងដែរថា វិធានការណ៍ក្តៅរបស់អាមេរិកនាពេលនេះ នឹងត្រូវធ្វើឡើងក្នុងរូបភាពខ្លាំងជាងលើកមុនទៅទៀត។
ក្រោយការប្រកាសនេះ មេបញ្ជាការកងទ័ពអាកាសស៊ីរីបានប្រកាសឲ្យកងទ័ពរបស់ខ្លួនប្រុងជើងការ ពីការវាយប្រហាររបស់អាមេរិកមកលើខ្លួន។ យោងតាមប្រភពមូលដ្ឋានទ័ពអាកាសស៊ីរី Mezzeh បានឲ្យដឹងថា កងទ័ពដែលកំពុងតែឈរជើងនៅក្នុងមូលដ្ឋានទាំងប៉ុន្មាន ត្រូវបានប្រកាសឲ្យប្រុងជើងការហើយ។ ប្រភពបន្ថែមថា ក្នុងពេលបន្តិចទៀតនេះ អាមេរិកនឹងបើកការវាយប្រហារទ្រង់ទ្រាយធំ មកលើកងទ័ពស៊ីរីហើយ។
ក្រសួងការពារជាតិបានកត់សម្គាល់ថា សហរដ្ឋអាមេរិកនិងសម្ព័ន្ធមិត្តរបស់ខ្លួនកំពុងតែបន្តសាងសង់នូវក្រុមនាវាផ្ទុកយន្តហោះទម្លាក់គ្រាប់បែក ដែលអាចបាញ់គ្រាប់មីស៊ីលបន្ថែមទៀត នៅក្នុងតំបន់មជ្ឈឹមបូព៌ា។ យោងតាមក្រសួងការពារជាតិរុស្ស៊ី នាវាពិឃាតបាញ់គ្រាប់មីស៊ីលរបស់អាមេរិក អាចធ្វើការវាយប្រហារបានគ្រប់ផ្នែកនៅក្នុងតំបន់មជ្ឈឹមបូព៌ាទាំងមូល។
នៅក្នុងសន្ទរកថាមួយក្រោយការប្រកាសរបស់ទីប្រឹក្សាសន្តិសុខជាតិអាមេរិក ប្រធានាធិបតីបារាំងលោកម៉ាក្រុង ក៏បានចេញសេចក្តីថ្លែងការណ៍មួយភ្លាមៗផងដែរ ដោយបានប្រកាសថា បារាំងបានត្រៀមខ្លួនរួចជាស្រេចក្នុងការបើកការវាយប្រហារទៅលើរដ្ឋាភិបាលស៊ីរី នៅក្នុងករណីប្រើអាវុធគីមី ក្នុងពេលឆាប់ៗនេះហើយ។
សូមរំឮកថា កាលពីឆ្នាំ ២០១៧ ពាក់ព័ន្ធទៅនឹងសំណុំរឿងប្រើអាវុធគីមីនេះដែរ សហរដ្ឋអាមេរិក និងសម្ព័ន្ធមិត្ត បានបាញ់គ្រាប់មីស៊ីលតូម៉ាហកចំនួន ៥៩គ្រាប់ ហើយនៅថ្ងៃទី១៤ ខែមេសា អាមេរិកបានបាញ់គ្រាប់មីស៊ីលតូម៉ាហកចំនួនជាង ១០០គ្រាប់ទៅលើទីតាំងយោធារបស់អាសាដ ប៉ុន្តែក្នុងនោះមីស៊ីលអាសាដស្ទាក់ចាប់បាន ៧០គ្រាប់។ យ៉ាងណាក៏ដោយចុះ មូលដ្ឋាអាសាដបានទទួលជាង ៣០គ្រាប់យ៉ាងល្វីងមុខ និងរងការខូចខាតយ៉ាងដំណំ៕DNT-NEWS
ក្រោយការប្រកាសនេះ មេបញ្ជាការកងទ័ពអាកាសស៊ីរីបានប្រកាសឲ្យកងទ័ពរបស់ខ្លួនប្រុងជើងការ ពីការវាយប្រហាររបស់អាមេរិកមកលើខ្លួន។ យោងតាមប្រភពមូលដ្ឋានទ័ពអាកាសស៊ីរី Mezzeh បានឲ្យដឹងថា កងទ័ពដែលកំពុងតែឈរជើងនៅក្នុងមូលដ្ឋានទាំងប៉ុន្មាន ត្រូវបានប្រកាសឲ្យប្រុងជើងការហើយ។ ប្រភពបន្ថែមថា ក្នុងពេលបន្តិចទៀតនេះ អាមេរិកនឹងបើកការវាយប្រហារទ្រង់ទ្រាយធំ មកលើកងទ័ពស៊ីរីហើយ។
ក្រសួងការពារជាតិបានកត់សម្គាល់ថា សហរដ្ឋអាមេរិកនិងសម្ព័ន្ធមិត្តរបស់ខ្លួនកំពុងតែបន្តសាងសង់នូវក្រុមនាវាផ្ទុកយន្តហោះទម្លាក់គ្រាប់បែក ដែលអាចបាញ់គ្រាប់មីស៊ីលបន្ថែមទៀត នៅក្នុងតំបន់មជ្ឈឹមបូព៌ា។ យោងតាមក្រសួងការពារជាតិរុស្ស៊ី នាវាពិឃាតបាញ់គ្រាប់មីស៊ីលរបស់អាមេរិក អាចធ្វើការវាយប្រហារបានគ្រប់ផ្នែកនៅក្នុងតំបន់មជ្ឈឹមបូព៌ាទាំងមូល។
នៅក្នុងសន្ទរកថាមួយក្រោយការប្រកាសរបស់ទីប្រឹក្សាសន្តិសុខជាតិអាមេរិក ប្រធានាធិបតីបារាំងលោកម៉ាក្រុង ក៏បានចេញសេចក្តីថ្លែងការណ៍មួយភ្លាមៗផងដែរ ដោយបានប្រកាសថា បារាំងបានត្រៀមខ្លួនរួចជាស្រេចក្នុងការបើកការវាយប្រហារទៅលើរដ្ឋាភិបាលស៊ីរី នៅក្នុងករណីប្រើអាវុធគីមី ក្នុងពេលឆាប់ៗនេះហើយ។
សូមរំឮកថា កាលពីឆ្នាំ ២០១៧ ពាក់ព័ន្ធទៅនឹងសំណុំរឿងប្រើអាវុធគីមីនេះដែរ សហរដ្ឋអាមេរិក និងសម្ព័ន្ធមិត្ត បានបាញ់គ្រាប់មីស៊ីលតូម៉ាហកចំនួន ៥៩គ្រាប់ ហើយនៅថ្ងៃទី១៤ ខែមេសា អាមេរិកបានបាញ់គ្រាប់មីស៊ីលតូម៉ាហកចំនួនជាង ១០០គ្រាប់ទៅលើទីតាំងយោធារបស់អាសាដ ប៉ុន្តែក្នុងនោះមីស៊ីលអាសាដស្ទាក់ចាប់បាន ៧០គ្រាប់។ យ៉ាងណាក៏ដោយចុះ មូលដ្ឋាអាសាដបានទទួលជាង ៣០គ្រាប់យ៉ាងល្វីងមុខ និងរងការខូចខាតយ៉ាងដំណំ៕DNT-NEWS
