កញ្ញា ទឹម រដ្ឋា តារាសម្តែង និងជាតារាម៉ូដែល ដែលតែងតែធ្វើឲ្យមហាជនកោតសសើររូបរាងដ៏ស្រឡូនបែបសិចស៊ី ថែមទាំងទេព្យកោសល្យថែមទៀតផងនោះ ។ ថ្មីៗនេះកញ្ញា ទឹម រដ្ឋា ត្រូវបានប៉ូលិសចរាចរណ៍ចាប់ផាកពិន័យ ខណៈដែលកំពុងធ្វើដំណើរតាមដងផ្លូវ។ ផ្ទុយមកវិញ ទឹម រដ្ឋា ទោះបីជាត្រូវអស់លុយថ្លៃផាកពិន័យក៏ពិតមែន ប៉ុន្តែនាងបែរជាបង្ហាញនូវភាពរីករាយទៅវិញ ។
ជាក់ស្ដែង ដោយកញ្ញា ទឹម រដ្ឋា បានសរសេររៀបរាប់ នៅក្នុងគណនីហ្វេសប៊ុកខ្លួន ទាំងអារម្មណ៍រីករាយថា «ប៉ូលិសចាប់មិនសំខាន់ បើសិនជាយើងខុស តែអ្វីដែលសំខាន់ គឺការនិយាយស្ដីរបស់លោកប៉ូលិសម្នាក់នេះ ជាមួយនឹងប្រជាពលរដ្ឋ គឺមានសុជីវធម៌និងគួរឲ្យគោរព។ ខ្ញុំសង្ឃឹមថា លោកពូៗប៉ូលិសចរាចរណ៍ ទាំងអស់នៅក្នុងស្រុកខ្មែរ គួរយកគំរូតាមគាត់»។
គួរបញ្ជាក់ដែរថា រដ្ឋា ត្រូវបានប្រិយមិត្តអ្នកគាំទ្រនៅលើទំព័រហ្វេសប៊ុកបានកោតសរសើរនាង ដែលហ៊ានចេញមុខដោះស្រាយនូវករណីខាងលើនេះដោយពុំមានការគេចវេស ដូចតារាមួយចំនួននោះឡើយ។ ហើយអ្វីដែលធ្វើគេកាន់តែភ្ញាក់ផ្អើលថែមទៀតនោះគឺតារាស្រីរូបនោះថែមទាំងបង្ហោះរូបភាពនៃហេតុការណ៍ខាងលើនេះថែមទៀតផង ៕
