ក្រុមហ៊ុនឧស្សាហកម្មការពារជាតិអ៊ុយក្រែនបានប្រកាសអំពីភាពជោគជ័យរបស់ខ្លួន ក្នុងការធ្វើការសាកល្បងគ្រាប់មីស៊ីលប្រឆាំងនាវា ដែលមានឈ្មោះថា Neptun។ ជាមួយនឹងភាពជោគជ័យនេះ អ្នកវិភាគខាងយោធាសហរដ្ឋអាមេរិកម្នាក់បាននិយាយថា វាមានលក្ខណៈដូចទៅនឹងគ្រាប់មីស៊ីល Kh-35 របស់រុស្ស៊ីដែរ។
គ្រាប់មីស៊ីលរបស់អ៊ុយក្រែននេះ គឺជាប្រភេទមីស៊ីលប្រឆាំងនាវា ដែលផលិតឡើងដោយសហព័ន្ធរដ្ឋអ៊ុយក្រែន Luch ប្រចាំនៅទីក្រុងគាវ។ វាអាចបាញ់បាន ២៨០ ទៅ ៣០០គីឡូម៉ែត្រ។ វាអាចត្រូវបានគេបាញ់ចេញពីដី សមុទ្រ និងអាកាសក៏បាន។
សារព័ត៌មាន Defence News បានធ្វើការកត់សម្គាល់ថា យោងតាមមជ្ឈមណ្ឌលសម្រាប់យុទ្ធសាស្ត្រ និងសិក្សាអន្តរជាតិបានឲ្យដឹងថា គ្រាប់មីស៊ីលនេះកំពុងតែស្ថិតនៅក្នុងការអភិវឌ្ឍ ប៉ុន្តែយ៉ាងក៏ដោយ ក៏វាធ្វើការវាយប្រហារទៅដល់ទីក្រុងមូស្គូបានដែរ។ កាលពីថ្ងៃព្រហស្បតិ៍ទី៣០ សីហាម្សិលមិញនេះ ក្រសួងការបរទេសអាមេរិកបានរិះគន់សកម្មភាពរបស់រុស្ស៊ី ដែលជាប់ពាក់ព័ន្ធទៅនឹងការដឹកជញ្ជូនអន្តរជាតិ នៅក្នុងសមុទ្រអាហ្សូវ។
អ្នកនាំពាក្យក្រសួងការបរទេសសហរដ្ឋអាមេរិក លោកស្រី Heather Nauert ចោទប្រកាន់ទីក្រុងម៉ូស្គូពីការព្យាយាមធ្វើឲ្យមានអស្ថិរភាព ទៅដល់អ៊ុយក្រែន។ លោកស្រីថា នាវាចំនួន ១៦គ្រឿងត្រូវបានរាំងខ្ទប់ មិនឲ្យទៅដល់ទឹកដីអ៊ុយក្រែននោះទេ៕DNT-NEWS
គ្រាប់មីស៊ីលរបស់អ៊ុយក្រែននេះ គឺជាប្រភេទមីស៊ីលប្រឆាំងនាវា ដែលផលិតឡើងដោយសហព័ន្ធរដ្ឋអ៊ុយក្រែន Luch ប្រចាំនៅទីក្រុងគាវ។ វាអាចបាញ់បាន ២៨០ ទៅ ៣០០គីឡូម៉ែត្រ។ វាអាចត្រូវបានគេបាញ់ចេញពីដី សមុទ្រ និងអាកាសក៏បាន។
សារព័ត៌មាន Defence News បានធ្វើការកត់សម្គាល់ថា យោងតាមមជ្ឈមណ្ឌលសម្រាប់យុទ្ធសាស្ត្រ និងសិក្សាអន្តរជាតិបានឲ្យដឹងថា គ្រាប់មីស៊ីលនេះកំពុងតែស្ថិតនៅក្នុងការអភិវឌ្ឍ ប៉ុន្តែយ៉ាងក៏ដោយ ក៏វាធ្វើការវាយប្រហារទៅដល់ទីក្រុងមូស្គូបានដែរ។ កាលពីថ្ងៃព្រហស្បតិ៍ទី៣០ សីហាម្សិលមិញនេះ ក្រសួងការបរទេសអាមេរិកបានរិះគន់សកម្មភាពរបស់រុស្ស៊ី ដែលជាប់ពាក់ព័ន្ធទៅនឹងការដឹកជញ្ជូនអន្តរជាតិ នៅក្នុងសមុទ្រអាហ្សូវ។
អ្នកនាំពាក្យក្រសួងការបរទេសសហរដ្ឋអាមេរិក លោកស្រី Heather Nauert ចោទប្រកាន់ទីក្រុងម៉ូស្គូពីការព្យាយាមធ្វើឲ្យមានអស្ថិរភាព ទៅដល់អ៊ុយក្រែន។ លោកស្រីថា នាវាចំនួន ១៦គ្រឿងត្រូវបានរាំងខ្ទប់ មិនឲ្យទៅដល់ទឹកដីអ៊ុយក្រែននោះទេ៕DNT-NEWS
