កាលពីថ្ងៃទី៣ កញ្ញា មុននេះ គេឃើញ ម្ចាស់ផលិតកម្ម Galaxy ដែលបានវិវត្តន៍ខ្លួនក្លាយជាឧកញ៉ាវ័យក្មេងក្រោយជោគជ័យក្នុងជំនួញដីធ្លី លោក ឡេង ណាវ៉ាត្រា ចុះមើលការសង់ផ្លូវដោយផ្ទាល់តែម្ដងនៅក្នុងសង្កាត់ចោមចៅ ដោយលោកប្រកាសថាការសាងសង់ផ្លូវមួយខ្សែនេះ គឺចំណាយអស់ប្រមាណជា១០ម៉ឺនដុល្លារ ជាថវិកាទាំងស្រុងរបស់លោក ដើម្បីជាកាដូដល់ពលរដ្ឋក្នុងន័យអបអរដល់កំណើតរបស់កូនប្រុសលោក។ នេះជាការសកម្មភាពជួយដល់សង្គមមួយថ្មីបន្ទាប់ពីលោកបានក្លាយជាអ្នកមានបាន បន្ទាប់ពីលោកត្រូវគេស្គាល់យ៉ាងខ្លាំងក្នុងសកម្មភាពបរិច្ចាគទានដល់ជនទុរគត និងបានជួយថវិកាជូនដល់មន្ទីរពេទ្យគន្ធបុប្ផា ច្រើនលើករួចមកហើយ។
ប្រភពដែលបានចែកចាយព័ត៌មានចុះសាងសង់ផ្លូវរបស់លោកបានធ្វើការបង្ហោះថា គឺជារឿងប្រពៃណាស់ ដែលអតីតារាចម្រៀងហើយបានក្លាយជាបុគ្គលជោគជ័យក្នុងសង្គមមួយនេះ បានចំណាយលុយផ្ទាល់ខ្លួន និងបានទាំងចុះទៅមើលការចាក់បេតុងដោយផ្ទាល់ទៀត ដើម្បីអោយផ្លូវមួយខ្សែដែលលោកប្រកាសថាចំណាយលុយធ្វើក្នុងន័យជាកាដូជូនដល់កូនប្រុសត្រូវបានសាងសង់។
លោកឡេង ណាវ៉ាត្រា បានអះអាងថាហេតុផលដែលលោកសម្រេចចិត្តចំណាយថវិកាដ៏ច្រើន សង់ផ្លូវមួយខ្សែជូនដល់អ្នកភូមិ ប្រវែងជាង៥០០ម៉ែត្រ ទទឹង៦ម៉ែត្រ កំរាស់១តឹកកន្លះ ឆ្អឹងដែក ស្ថិតនៅ ភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យ។ គឺដោយសារតែលោកមានបំណងអបអរដល់កំណើតកូនប្រុស និងដោយសារតែលោកក៏ទទួលបានសំណូមពរពីសំណាក់អ្នករស់នៅក្នុងនៅតាមបណ្ដោយផ្លូវនោះ ថ្ងូរថាពិបាកធ្វើដំណើរជាពិសេសនៅពេលធ្លាក់ដក់ទឹកម្ដងៗ។
លោកថាខ្លួនមិនមានអ្វីចងដៃដល់កូនប្រុសអោយច្រើននោះទេ ទើបសម្រេចចិត្តធ្វើសេចក្ដីល្អមួយ ដោយការចំណាយលុយសង់ផ្លូវទុកជូនអ្នកភូមិបានធ្វើដំណើរ ដើម្បីសន្សំកុសលចងដៃដល់កូនប្រុសដែលជាដំណក់ឈាមរបស់ខ្លួន។ លោកថាខ្លួននឹងរក្សាទុកនូវសេចក្ដីល្អក្នុងពេលមានបាន ដោយរំពឹងតែម្យ៉ាងថាអំពើរល្អទាំងនោះ នឹងជួយអោយលោកកាន់តែជោគជ័យក្នុងអាជីព និងជួយធ្វើអោយកូនប្រុសរបស់លោកក្លាយជាក្មេងមានសំណាង និងអាចជំនួសដៃជើងលោកបាននៅពេលដឹងក្ដី៕
ប្រភពដែលបានចែកចាយព័ត៌មានចុះសាងសង់ផ្លូវរបស់លោកបានធ្វើការបង្ហោះថា គឺជារឿងប្រពៃណាស់ ដែលអតីតារាចម្រៀងហើយបានក្លាយជាបុគ្គលជោគជ័យក្នុងសង្គមមួយនេះ បានចំណាយលុយផ្ទាល់ខ្លួន និងបានទាំងចុះទៅមើលការចាក់បេតុងដោយផ្ទាល់ទៀត ដើម្បីអោយផ្លូវមួយខ្សែដែលលោកប្រកាសថាចំណាយលុយធ្វើក្នុងន័យជាកាដូជូនដល់កូនប្រុសត្រូវបានសាងសង់។
លោកឡេង ណាវ៉ាត្រា បានអះអាងថាហេតុផលដែលលោកសម្រេចចិត្តចំណាយថវិកាដ៏ច្រើន សង់ផ្លូវមួយខ្សែជូនដល់អ្នកភូមិ ប្រវែងជាង៥០០ម៉ែត្រ ទទឹង៦ម៉ែត្រ កំរាស់១តឹកកន្លះ ឆ្អឹងដែក ស្ថិតនៅ ភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យ។ គឺដោយសារតែលោកមានបំណងអបអរដល់កំណើតកូនប្រុស និងដោយសារតែលោកក៏ទទួលបានសំណូមពរពីសំណាក់អ្នករស់នៅក្នុងនៅតាមបណ្ដោយផ្លូវនោះ ថ្ងូរថាពិបាកធ្វើដំណើរជាពិសេសនៅពេលធ្លាក់ដក់ទឹកម្ដងៗ។
លោកថាខ្លួនមិនមានអ្វីចងដៃដល់កូនប្រុសអោយច្រើននោះទេ ទើបសម្រេចចិត្តធ្វើសេចក្ដីល្អមួយ ដោយការចំណាយលុយសង់ផ្លូវទុកជូនអ្នកភូមិបានធ្វើដំណើរ ដើម្បីសន្សំកុសលចងដៃដល់កូនប្រុសដែលជាដំណក់ឈាមរបស់ខ្លួន។ លោកថាខ្លួននឹងរក្សាទុកនូវសេចក្ដីល្អក្នុងពេលមានបាន ដោយរំពឹងតែម្យ៉ាងថាអំពើរល្អទាំងនោះ នឹងជួយអោយលោកកាន់តែជោគជ័យក្នុងអាជីព និងជួយធ្វើអោយកូនប្រុសរបស់លោកក្លាយជាក្មេងមានសំណាង និងអាចជំនួសដៃជើងលោកបាននៅពេលដឹងក្ដី៕
