មុននេះ រដ្ឋមន្ត្រីស៊ើបការសម្ងាត់អ៊ីស្រាអែល លោក Yisrael Katz បាននិយាយថា កងកម្លាំងយោធារដ្ឋជ្វីបបានធ្វើការវាយប្រហាររាប់រយដងប្រឆាំងទៅនឹងប្រទេសស៊ីរីកាលពី ២ឆ្នាំមុន។
ទីភ្នាក់ងារសារព័ត៌មានអ៊ីរ៉ង់ Fars News បានស្រង់សម្តីមន្ត្រីយោធាជាន់ខ្ពស់អ៊ីស្រាអែល ដែលបាននិយាយនៅក្នុងបទសម្ភាសន៍មួយថា រដ្ឋជ្វីបគ្រោងនឹងបង្កើនការវាយប្រហារបន្ថែមទៀតប្រឆាំងនឹងប្រទេសស៊ីរី ក្នុងពេលឆាប់ៗនេះ រួមទាំងអ្វីដែលគេហៅថា ជាគោលដៅដែលជាប់ពាក់ព័ន្ធទៅនឹងអ៊ីរ៉ង់។
ព័ត៌មាននៃការត្រៀមបង្កើនការវាយប្រហារនេះ បានកើតឡើងភ្លាមៗបន្ទាប់ពីលោករដ្ឋមន្ត្រីស៊ើបការសម្ងាត់អ៊ីស្រាអែល Yisrael Katz បាននិយាយថា រដ្ឋជ្វីបបានបើកការវាយប្រហារទៅលើរដ្ឋាភិបាលអាសាដរាប់រយគោលដៅ។
កាលពីថ្ងៃទី៤ កញ្ញាម្សិលមិញ ទីភ្នាក់ងារសារព័ត៌មានអារ៉ាប់ស៊ីរីបានរាយការណ៍អំពីការវាយប្រហារដោយគ្រាប់មីស៊ីលទៅលើខេត្តហាម៉ា និងខេត្ត Tartus ដែលសង្ស័យជាស្នាដៃរបស់អ៊ីស្រាអែល។ សារព័ត៌មាន Harretz បានរាយការណ៍ថា ក្បួនយោធាអ៊ីរ៉ង់នៅក្នុងប្រទេសស៊ីរីត្រូវបានរងការវាយប្រហារ ដោយមានកងទ័ពអ៊ីរ៉ង់មួយ ៨បានស្លាប់។
ភាពតានតឹងរវាងអ៊ីស្រាអែលនេះ បានកើតមានឡើងដោយសារវត្តមានអ៊ីរ៉ង់នៅក្នុងទឹកដីស៊ីរី។ អ៊ីស្រាអែលធ្លាប់អំពាវនាវឲ្យមានការដកទ័ពអ៊ីរ៉ង់ចេញពីទឹកដីស៊ីរី៕DNT-NEWS
Home ព្រឹត្តិការណ៍ថ្មីៗ ប្រព័ន្ធផ្សព្វផ្សាយអ៊ីរ៉ង់រាយការណ៍ថា អ៊ីស្រាអែលគ្រោងបង្កើនការវាយប្រហាររបស់ខ្លួនទីលើប្រទេសស៊ីរី