នៅថ្ងៃទី០៦ ខែកញ្ញា ឆ្នាំ២០១៨នេះ សម្ដេច ហ៊ុន សែន នាយករដ្ឋមន្ដ្រីនៃកម្ពុជាបានក្រាបបង្គំទូលថ្វាយព្រះមហាក្សត្រ ត្រាស់បង្គាប់តែងតាំង និងតម្លើងឋានន្ដរស័ក្ដិ នាយទាហានជាន់ខ្ពស់៣រូប ជាថ្នាក់ដឹកនាំកំពូលនៃកងយោធពលខេមរភូមិន្ទ។
យោងតាមលិខិតស្នើរបស់សម្ដេច ហ៊ុន សែន ចុះថ្ងៃទី៦ ខែកញ្ញានេះ សម្តេច បានស្នើរតែងតាំង លោក វង្ស ពិសេន ត្រូវបានស្នើតែងតាំងជាអគ្គមេបញ្ជាការនៃកងយោធពលខេមរភូមិន្ទ និងដំឡើងថ្នាក់នាយឧត្តមសេនីយ៍ ជំនួសលោក ប៉ុល សារឿន ដែលជាតំណាងរាស្ត្រ លេខរៀងទី១ នៅខេត្តព្រះសីហនុ។ លោក វង្ស ពិសេន បច្ចុប្បន្ន មានតួនាទីជាមេបញ្ជាការរង និងជានាយសេនាធិការ កងរាជអាវុធហត្ថលើផ្ទៃប្រទេស។
លោក ហ៊ុន ម៉ាណែត ដែលបច្ចុប្បន្នជានាយសេនាធិការចម្រុះស្តីទីនៃកងយោធពលខេមរភូមិន្ទ និងជាមេបញ្ជាការស្តីទីនៃកងទ័ពជើងគោក និងត្រូវជំនួសតំណែងលោក មាស សុភា ដែលជាតំណាងរាស្ត្រខេត្តព្រះវិហារ។
លោក ឥត សារ៉ាត់ ត្រូវស្នើជានាយសេនាធិការចម្រុះ នៃកងយោធពលខេមរភូមិន្ទ បន្ថែមលើមុខងារបច្ចុប្បន្ន ជំនួសលោក គន់ គីម ដែលជាតំណាងរាស្ត្រនៅខេត្តឧត្តរមានជ័យ។ បច្ចុប្បន្ន លោក ឥត សារ៉ាត់ គឺអគ្គមេបញ្ជាការរងនៃកងយោធពលខេមរភូមិន្ទ និងប្រធានគណៈកម្មការបាញ់គ្រាប់ពិត៕
លោក ហ៊ុន ម៉ាណែត ដែលបច្ចុប្បន្នជានាយសេនាធិការចម្រុះស្តីទីនៃកងយោធពលខេមរភូមិន្ទ និងជាមេបញ្ជាការស្តីទីនៃកងទ័ពជើងគោក និងត្រូវជំនួសតំណែងលោក មាស សុភា ដែលជាតំណាងរាស្ត្រខេត្តព្រះវិហារ។
លោក ឥត សារ៉ាត់ ត្រូវស្នើជានាយសេនាធិការចម្រុះ នៃកងយោធពលខេមរភូមិន្ទ បន្ថែមលើមុខងារបច្ចុប្បន្ន ជំនួសលោក គន់ គីម ដែលជាតំណាងរាស្ត្រនៅខេត្តឧត្តរមានជ័យ។ បច្ចុប្បន្ន លោក ឥត សារ៉ាត់ គឺអគ្គមេបញ្ជាការរងនៃកងយោធពលខេមរភូមិន្ទ និងប្រធានគណៈកម្មការបាញ់គ្រាប់ពិត៕
