សារព័ត៌មាន The Guardian បានចេញផ្សាយនៅថ្ងៃទី៧ កញ្ញា ២០១៨នេះ ដោយបានស្រង់សម្តីពីមន្ត្រីបេសកជនសហរដ្ឋអាមេរិកដែលបាននិយាយថា មានភស្តុតាងជាច្រើនដែលបានបង្ហាញថា ការប្រើអាវុធគីមីកំពុងត្រូវបានរៀបចំប្រើប្រាស់នៅក្នុងការវាយប្រហារ ដោយរដ្ឋាភិបាលអាសាដ ទៅលើមូលដ្ឋានកងទ័ពដ៏រឹងមាំចុងក្រោយបង្អស់របស់ក្រុមបះបោរ នៅក្នុងខេត្តអ៊ីដលីប។
លោក Jim Jeffrey ដែលត្រូវបានតែងតាំងធ្វើជាទីប្រឹក្សាពិសេសរបស់រដ្ឋមន្ត្រីការបរទេសសហរដ្ឋអាមេរិក លោក Mike Pompeo ទៅលើបញ្ហានយោបាយក្នុងប្រទេសស៊ីរីបាននិយាយថា «ខ្ញុំច្បាស់ណាស់ថា យើងមានហេតុផលល្អ ក្នុងការធ្វើការព្រមាន។ »។ លោកនិយាយថា រាល់ការវាយប្រហារសម្រាប់ពួកយើង គឺជំទាស់ទៅនឹងការវាយប្រហារដោយមិនប្រុងប្រយ័ត្ន»។ លោកថា «មានភ័ស្តុតាងច្រើនបង្ហាញថា អាវុធគីមីកំពុងត្រូវបានគេរៀបចំធ្វើឡើងហើយ»។
ថ្មីៗកន្លងទៅនេះ ប្រធានាធិបតីបារាំងលោកម៉ាក្រុងបានចេញមុខប្រកាសថា បារាំងនឹងបើកការវាយប្រហារប្រឆាំងទៅនឹងរដ្ឋាភិបាលស៊ីរី ប្រសិនបើអាសាដប្រើអាវុធគីមី ក្នុងការវាយប្រហារ។
ស្រដៀងគ្នានេះដែរ ប្រធានាធិបតីសហរដ្ឋអាមេរិកលោកត្រាំបានព្រមានចំពោះការបើកការវាយប្រហារដោយមិនប្រុងប្រយ័ត្នពីសំណាក់រដ្ឋាភិបាលស៊ីរី និងរុស្ស៊ី ទៅលើខេត្តអ៊ីលីប។ ការព្រមានរបស់លោកត្រាំធ្វើឡើងក្រោមហេតុផលថា មនុស្សរាប់ពាន់នាក់នឹងបាត់បងអាយុជីវិត។
កម្លាំងចលករគាំទ្រដល់កងកម្លាំងក្រុមឧទ្ធាមប្រឆាំងរដ្ឋាភិបាលស៊ីរី នៅក្នុងខេត្តអ៊ីលីបនេះ បានចេញមុនប្រកាសគាំទ្រឲ្យមានការបន្តសង្គ្រាមប្រឆាំងទៅនឹងការឈ្លានពានពីសំណាក់បងធំកុម្មុយនីស្តនុយក្លេអ៊ែរពិឃាតពិភពលោក និងបងធំមីស៊ីលអ៊ីរ៉ង់ ដែលកំពុងតែនាំផ្លូវកងទ័ពអាកាស ត្រៀមការការវាយលុយ ដើម្បីដណ្តើមយកមូលដ្ឋានចុងក្រោយនេះទៅគ្រប់គ្រងវិញ។
យុវជនរាប់ម៉ឺននាក់បាននិយាយថា ពួកគេស្ម័គ្រចិត្តចូលធ្វើកងទ័ពសម្រាប់ដង្ហើមចុងក្រោយរបស់គេ ដើម្បីប្រឆាំងទៅនឹងការឈ្លានពានពីរដ្ឋាភិបាលឧក្រិដ្ឋជនអាសាដ។ កម្លាំងយុវជនប្រុមបះបោរកំពុងធ្វើការហ្វឹកហាត់ដ៏ខ្លាំងក្លា សម្រាប់ខ្សែប្រយុទ្ធថ្មី ដែលនឹងអាចផ្ទុះឡើងជាមួយរដ្ឋាភិបាលអាសាដ ក្នុងពេលឆាប់ៗនេះ។
បេសកជនពិសេសរបស់អាមេរិក លោក Jeffrey បានពិពណនាស្ថានការណ៍នៅក្នុងប្រទេសស៊ីរីថា គឺជារឿងដ៏គ្រោះថ្នាកបំផុត ខណៈដែលតួកគីបានបង្ហាញពីដំណោះស្រាយប្រឆាំងទៅនឹងការវាយប្រហារនេះ។
កាលពីខែមុន ទីប្រឹក្សាសន្តិសុខជាតិសហរដ្ឋអាមេរិក លោកចន បុលថុន បានព្រមានចាត់វិធានការណ៍ចំពោះរដ្ឋាភិបាលស៊ីរី ជុំវិញការប្រើអាវុធគីមី ក្នុងការវាយប្រហារ។ វិធានការក្តៅរបស់អាមេរិកចុងក្រោយនេះ អាចនឹងត្រូវធ្វើឡើងក្នុងរូបភាពទ្រង់ទ្រាយធំជាងមុនទៅទៀត៕DNT-NEWS
Home ព្រឹត្តិការណ៍ថ្មីៗ សហរដ្ឋអាមេរិកមើលឃើញថា មានភស្តុតាងជាច្រើន ដែលបង្ហាញថា ស៊ីរីកំពុងតែត្រៀមប្រើអាវុធគីមី ក្នុងការវាយប្រហាររបស់ខ្លួន