ភ្នំពេញ ថ្ងៃទី 6 កញ្ញា ឆ្នាំ2018 – Harvey Law Group (ហៅកាត់ HLG Cambodia) ដែលជាក្រុមហ៊ុនឯកទេសលើការផ្តល់អន្តោប្រវេសន៍តាមរយៈគម្រោងវិនិយោគ ប្រកាសការសហការជាផ្លូវការជាមួយនឹងសភាពាណិជ្ជកម្មកម្ពុជា (ហៅកាត់ CCC) នៅក្នុងសិក្ខាសាលារួមគ្នាលើប្រធានបទស្តីពី អន្តោប្រវេសន៍តាមរយៈគម្រោងវិនិយោគ ប្រព្រឹត្តទៅកាលពីល្ងាចថ្ងៃទី 5 កញ្ញា ដោយមានកិត្តិយសចូលរួមពីសំណាក់លោកឧកញ្ញា លឹម ហេង ជាអនុប្រធានសភាពាណិជ្ជកម្មកម្ពុជា និងសមាជិកសភាពាណិជ្ជកម្មជាច្រើននាក់ទៀត។
ប្រធានបទសំខាន់ដែលលើកទ្បើងក្នុងសិក្ខាសាលានេះបានពិភាក្សាទៅលើផលប្រយោជន៍នៃកម្មវិធីអន្តោប្រវេសន៍តាមរយៈគម្រោងវិនិយោគ រៀបចំទ្បើងដោយក្រុមហ៊ុន HLG Cambodia។ គួរបញ្ជាក់ផងដែរថា តាមរយៈវត្តមានជុំវិញពិភពលោក និង ចំនេះដឹងផ្នែកបំលាស់ទី មកទល់ពេលនេះ HLG Cambodia បានបំពេញនូវបែបបទអន្តោប្រវេសន៍ជូនដល់គ្រួសារអភិជន និង បុគ្គលមានទ្រព្យធនខ្ពស់ជាង 3000 នាក់នៅជុំវិញពិភពលោក ហើយបច្ចុប្បន្ននេះក្រុមហ៊ុន HLG Cambodia បានបើកការិយាល័យនៅក្នុងទីក្រុងភ្នំពេញ ដើម្បីសម្រួលដល់អតិថិជនជនជាតិខ្មែរទាំងទ្បាយ ដែលកំពុងស្វែងរកដំណោះស្រាយលើចល័តភាពទាំងការធ្វើដំនើរក្រៅប្រទេស និង ជាផ្លូវសម្រាប់ការសិក្សានៅក្រៅប្រទេសរបស់បុត្រ-បុត្រីរបស់ពួកគេ។
ចំនុចសំខាន់មួយទៀតដែលលើកទ្បើងដោយក្រុមហ៊ុន HLG Cambodia ផ្ទាល់នោះគឺដើម្បីធានានូវសុវត្ថិភាពហិរញ្ញវត្ថុ ការពារនូវទ្រព្យសម្បត្តិបុគ្គលមានទ្រព្យធនខ្ពស់ (HNWI) ប៉ុន្តែក៏ដើម្បីបែងចែកការវិនិយោគផ្សេងៗគ្នាដើម្បីទទួលបានរបបពន្ធក្នុងតម្លៃប្រសើរ។ ក្រុមហ៊ុន HLG Cambodia ជឿជាក់ថា តាមរយៈជំនោរលូតលាស់ឆាប់រហ័ស បូករួមជាមួយនឹងការអភិវឌ្ឍន៍ផ្នែកសេដ្ឋកិច្ចយ៉ាងរឹងមាំ បុគ្គលមានទ្រព្យធនខ្ពស់ខ្មែរនឹងស្វែងរកទីលំនៅថ្មី ឬ សិទ្ធិជាពលរដ្ឋក្នុងប្រទេសទីពីរនៅក្នុងបណ្តាតំបន់ជឿនលឿន។
ឧទាហរណ៍ ប្រទេសចំនួនដប់ដែលបង្កើតជាសមាគមអាស៊ីអាគ្នេយ៍ (ASEAN) ផ្គត់ផ្គង់ប្រព័ន្ធសេដ្ឋកិច្ចធំបំផុតចំណាត់ថ្នាក់ទី 6 នៅលើពិភពលោក ហើយរំពឹងថានឹងធ្លាក់មកលេខរៀងទី 4 ត្រឹមឆ្នាំ 2025។ រស់នៅចំកណ្តាលអាស៊ានស្រាប់ បុគ្គលទ្រព្យធនខ្ពស់ខ្មែរទាំងទ្បាយនឹងព្យាយាមស្វែងរកគម្រោងផ្លាស់ទី។ វាមិនមែនជារឿងគួរឲ្យភ្ញាក់ផ្អើលនោះទេដែលមូលហេតុចម្បងនៅពីក្រោយការសុំលិខិតឆ្លងដែនទីពីរដោយសារតែសិទ្ធិធ្វើដំនើរមានកំណត់របស់លិខិតឆ្លងដែនក្នុងស្រុកក្នុងពេលបច្ចុប្បន្ន សម្រាប់ការធ្វើដំណើរទៅកាន់បណ្តាប្រទេសជឿនលឿន។ហេតុនេះហើយ ជនជាតិខ្មែរក៏មានសិទ្ធិធ្វើដំណើរដោយមិនត្រូវការវីសារគឺមានកំនត់ចំពោះបណ្តារប្រទេសទាំងនោះ។
លោកឧកញ្ញា លឹម ហេង ជាអនុប្រធានសភាពាណិជ្ជកម្មកម្ពុជា មានប្រសាសន៍ថា៖ “ក្នុងនាមជាអ្នកជំនួញម្នាក់ ពួកយើងទាំងអស់គ្នាចង់មានជម្រើសច្រើនក្នុងការធ្វើដំនើរចល័ត ក៏ដូចជាស្នាក់នៅកន្លែងផ្សេងៗជុំវិញពិភពលោក។ ក្រុមហ៊ុន HLG បានចូលជាសមាជិករបស់សភាពាណិជ្ជកម្មកាលពីដើមឆ្នាំនេះ។ ហើយខ្ញុំជឿជាក់ថាតាមរយៈសេវាកម្មដំណោះស្រាយលើអន្តោប្រវេសន៍ដ៏គួរឲ្យចាប់អារម្មណ៍របស់ HLG Cambodia នេះ អាចផ្តល់ឲ្យអ្នកនូវចំណេះដឹងគួរឲ្យទុកចិត្តទៅលើការវិនិយោគរបស់អ្នកដោយពុំចាំបាច់មានការព្រួយបារម្ភអំពីឧបសគ្គលើការទទួលបានសិទ្ធិស្នាក់នៅជាអចិន្ត្រៃយ៍ ឬ សិទ្ធិក្លាយជាពលរដ្ឋក្នុងប្រទេសដទៃនោះទេ។”
លោកឧកញ្ញា លឹម ហេង បន្តទៀតថា៖ “ពួកយើងទាំងអស់គ្នាសុទ្ធតែយល់ស្របថាសេដ្ឋកិច្ចរបស់កម្ពុជាមានភាពរឹងមាំ និង មានស្ថេរភាពរួមមកហើយក្នុងពីរទសវត្សចុងក្រោយនេះ។ ហើយប៉ុន្មានឆ្នាំចុងក្រោយនេះ កម្ពុជាក៏មានកំណើនផលិតផលក្នុងស្រុកកើនទ្បើងគួរឲ្យកត់សម្គាល់ នៃតួលេខ 7.5% ថេរជាមធ្យម។ ភាពជោគជ័យលើវិស័យសេដ្ឋកិច្ចនេះនៅតែបន្តទាក់ទាញនូវការវិនិយោគទាំងបរទេស និង ក្នុងស្រុក បូករួមសេដ្ឋកិច្ចនៃការនាំចេញពេញដោយតម្រូវការ។ ប្រទេសនេះមានឱកាសពាសពេញ និង សក្តានុពលទៅលើគ្រប់វិស័យទាំងអស់។ ជៀសជាងរង់ចាំជនបរទេសចូលមកក្នុងប្រទេស ពួកយើងប្រហែលជាគួរតែចេញទៅក្រៅប្រទេស និង បង្កើតចំណងដ៏រឹងមាំនៅទីនោះវិញ។ បន្ទាប់មកចាំអញ្ជើញពួកគេមកវិនិយោគនៅក្នុងប្រទេសកម្ពុជាវិញ។”
លោក Bastien Trelcat ជាភ្នាក់ងារគ្រប់គ្រង Harvey Law Group ប្រចាំតំបន់អាស៊ីអាគ្នេយ៍ បកស្រាយក្នុងនាមជាអ្នកជំនាញលើការផ្តល់អន្តោប្រវេសន៍ និង ផ្នែកច្បាប់ថា៖ “ជាង 15 ប្រទេសនៅលើពិភពលោកស្វាគមន៍ជនជាតិខ្មែរតាមរយៈកម្មវិធីបែបនេះលើការធ្វើអន្តោប្រវេសន៍ និង ផ្តល់នូវគុណសម្បត្តិនៃការផ្តល់សិទ្ធិរស់នៅជាអចិន្ត្រៃយ៍ ឬ សិទ្ធិក្លាយជាពលរដ្ឋ។ ប្រទេសជាច្រើនដែលពេញនិយមនៅក្នុងចំណោមអ្នកវិនិយោគពីតំបន់អាស៊ីទាំងអស់មានដូចជា កាណាដា អូស្ត្រាលី សហរដ្ឋអាមេរិក ឬ ចក្រភពអង់គ្លេស ដែលផ្តល់នូវសិទ្ធិរស់នៅជាអចិន្ត្រៃយ៍។ ចំណែកឯសហភាពដូមីនីកា ឬ ប្រទេស Saint Kitts & Nevis ផ្តល់នូវសិទ្ធិជាពលរដ្ឋពេញមួយជីវិតដល់អ្នកវិនិយោគ និង សមាជិកគ្រួសាររបស់ពួកគេ។ ក្រៅពីការមិនទាមទារវីសាពេលធ្វើដំនើរហើយនោះ រដ្ឋាភិបាលលើកទឹកចិត្តដោយផ្តល់នូវអត្ថប្រយោជន៍ដទៃទៀតដូចជា ការផ្គត់ផ្គង់ការសិក្សាឥតគិតថ្លៃ ឬ ក្នុងតម្លៃទាប ការផ្តល់ជំនួយសង្គម និង ប្រព័ន្ធសុខាភិបាលក្នុងតម្លៃសមរម្យ និង ប្រាក់កម្រៃរដ្ឋទៅដល់អ្នកវិនិយោគ និង សមាជិកគ្រួសាររបស់ពួកគេផងដែរ។”
លោក Bastien Trelcat បន្តទៀតថា៖ “អ្នកទាំងអស់គ្នាត្រូវតែយល់ដឹងថាកម្មវិធីទាំងអស់នេះគឺសុទ្ធតែទាមទារនូវការពិគ្រោះយោបល់ផ្នែកហិរញ្ញវត្ថុ ភ្នាក់ងារបំពេញការងារភ្លាមៗ អ្នកអភិវឌ្ឍអចលនទ្រព្យ និង មួយចំនួនទៀតលើគ្រប់ផ្នែកទាំងអស់ ដែលគិតថាខ្លួនឯងមានសមត្ថភាពគ្រប់គ្រាន់ក្នុងការផ្តល់នូវយោបល់ត្រឹមត្រូវអំពីកម្មវិធីទាំងនេះ។ ជាអកុសល ក្រុមហ៊ុនដែលផ្តល់សេវាទាំងនេះភាគច្រើន បែរជាផ្តល់នូវយោបល់ដែលអាចផ្តល់នូវភាពចំនេញទៅពួកគេតែប៉ុណ្ណោះ ឬក៏សុខៗបាត់ខ្លួនជាមួយនឹងប្រាក់វិនិយោគរបស់អតិថិជន។ ដូច្នេះយើងសូមណែនាំឲ្យអតិថិជនធ្វើការទាក់ទងជាមួយនឹងអ្នកពិគ្រោះយោបល់ដែលរស់នៅក្នុងប្រទេសកម្ពុជា ដែលស្ថិតនៅក្នុងវិស័យនេះដោយមាននូវអ្នកតំណាងលើកម្មវីធីអន្តោប្រវេសន៍ស្របច្បាប់ ឬ អ្នកដែលអាចឆ្លើយតបតាមទូរស័ព្ទ និង ជួបអ្នកផ្ទាល់តាមដែលអ្នកត្រូវការ។ ខ្ញុំធ្លាប់ជួបប្រទះអតិថិជនជាច្រើនដែលទុកចិត្តលើអ្នកពិគ្រោះយោបល់ពីម៉ាទ្បេស៊ី ចិន និង សាំងហ្គាពួរទាំងមិនដែលមានវត្តមាននៅក្នុងទីក្រុងភ្នំពេញ តែអាចផ្តល់នូវជម្រើសពីរបី ដោយមិនមានដំណោះស្រាយត្រឹមត្រូវ ចុងក្រោយយោបល់ទាំងនោះមិនអាចប្រើប្រាស់ទៅលើអតិថិជនបាន។
គម្រោងកម្មវិធីខាងក្រោមនេះជាឧទាហរណ៍សម្រាប់ប្រទេសដែលកំពុងពេញនិយមក្នុងទីផ្សារកម្ពុជានាពេលបច្ចុប្បន្ន៖
U.S.A. (EB5)
បុគ្គលម្នាក់អាចទទួលបានសិទ្ធិស្នាក់នៅអចិន្ត្រៃយ៍ (កាតបៃតង) តាមរយៈការវិនិយោគ USD 500,000 ទៅលើជំនួញមួយដែលអាចបង្កើតការងារយ៉ាងហោចណាស់ចំនួន 10 នៅក្នុងសេដ្ឋកិច្ចអាមេរិច។
æ
ប្រទេស Saint Kitts & Nevis (គម្រោង Six Senses Resort and Spa ចាប់ពី USD 220,000)
កម្មវិធីទទួលបានសិទ្ធិជាពលរដ្ឋតាមរយៈការវិនិយោគ (CBI) នៅក្នុងប្រទេស Saint Kitts & Nevis គឺជាគម្រោងដំបូងបំផុតរបស់តំបន់ Caribbean។ នេះជាគម្រោងដ៏ពេញនិយម និង ទទួលបានផលល្អ ដែលទាក់ទាញអ្នកវិនិយោគជាច្រើននៅក្នុងកិច្ចសន្យាឆាប់រហ័ស និង តម្លៃសមរម្យ ដើម្បីទទួលបាន លិខិតឆ្លងដែន/សិទ្ធិជាពលរដ្ឋ បើប្រៀបធៀបទៅគម្រោង CBI ដទៃរបស់តំបន់Caribbean។ គម្រោងវិនិយោគលើ Six Senses St. Kitts & Nevis មួយចាប់ផ្តើមពី 220,000 USD សម្រាប់បុគ្គលម្នាក់ ហើយក៏មានផ្តល់ជូនកម្មវិធីហិរញ្ញប្បទានទៀតផង។
ប្រទេស Cyprus និងទ្វីប Europe
ប្រទេស Cyprus ផ្តល់នូវជម្រើសដ៏ល្អប្រសើរនៅក្នុងសហភាពអ៊ឺរ៉ុប (E.U.)។ ប្រទេសនេះផ្តល់សិទ្ធិដល់ប្រជាពលរដ្ឋរបស់ពួកគេដូចទៅនឹងប្រជាពលរដ្ឋនៅក្នុងសហភាពអ៊ឺរ៉ុប រួមមានសិទ្ធិដោះស្រាយ និង ការពារតាមច្បាប់មានប្រសិទ្ធភាពនៅលើ 28 ប្រទេសនៅក្នុងសហភាពអ៊ឺរ៉ុប។ ប្រទេស Cyprus អាចធ្វើដំណើរទៅជាង170ប្រទេស ហើយការវិនិយោគគឺមានតម្លៃ 2លានអឺរ៉ូខាងផ្នែកអចលទ្រព្យ។
គម្រោងពេញនិយមមួយទៀតរួមមាន ប្រទេសព័រទុយហ្គាល់ ដែលបុគ្គលម្នាក់ត្រូវទិញអចលទ្រព្យក្នុងតម្លៃ 500,000 អ៊ឺរ៉ូ ដើម្បីទទួលបានសិទ្ធិស្នាក់នៅក្នុងរយៈពេល 5 ឆ្នាំ បន្ទាប់មកទទួលបានសិទ្ធិស្នាក់នៅអចិន្ត្រៃយ៍ និង អាចបានសិទ្ធិជាពលរដ្ឋបន្ទាប់រស់នៅរយៈពេល 6 ឆ្នាំ។
ចក្រភពអង់គ្លេសជាប្រទេសដ៏ពេញនិយមសម្រាប់បុគ្គលខ្មែរដែលមានទ្រព្យធនខ្ពស់ ហើយដើម្បីសិទ្ធិស្នាក់នៅអចិន្ត្រៃយ៍ត្រូវវិនិយោគចាប់ពី GBP 200,000 ទៅ។
ប្រទេសបារាំងវិញផ្តល់នូវប័ណ្ពស្នាក់នៅរយៈពេល 4 ឆ្នាំ(អាចពន្យារបាន) ប្រសិនបើបុគ្គលនោះវិនិយោគ 300,000 អ៊ឺរ៉ូ ទៅលើគម្រោងដែលអាចបង្កើតការងារដល់សេដ្ឋកិច្ចរបស់បារាំង។ ការវិនិយោគបែបនេះ គឺជាស្ពានមួយដែលអាចផ្តល់នូវការស្នាក់នៅរយៈពេល 10 ឆ្នាំ សិទ្ធិស្នាក់នៅអចិន្ត្រៃយ៍ និង សិទ្ធជាពលរដ្ឋបារាំងសម្រាប់អ្នកវិនិយោគ និង គ្រួសាររបស់គាត់ទាំងអស់។
សហភាពដូមីនីកា, សាសន៍ Caribbean ចំនួនបី, និង សាធារណរដ្ឋ Vanuatu
សហភាពដូមីនីកា និង Saint-Lucia អនុញ្ញាតនូវជម្រើសដូចជាការបរិច្ចាគទៅរដ្ឋាភិបាលយ៉ាងហោចណាស់ USD 100,000 ឬ ការវិនិយោគលើអចលនទ្រព្យជាមួយនឹងអ៉ូតែលអន្តរជាតិល្បីៗដូចជា Kempinski ជាដើម។
ប្រទេសដែនកោះទាំងនោះផ្តល់នូវសិទ្ធិជាពលរដ្ឋ និង ការធ្វើដំនើរដោយពុំចាំបាច់មានវីសារហូតដល់ 150 ប្រទេស (ចក្រភពអង់គ្លេស ហុងកុង សាំងហ្គាពួរ រុស្ស៊ី ចិន ដូបៃ ជាដើម)។
ថ្មីៗនេះ សាធារណរដ្ឋ Vanuatu បានបង្កើតនូវកម្មវិធីទ្រទ្រង់ការអភិវឌ្ឍន៍ ផ្តល់លទ្ធភាពឲ្យអ្នកវិនិយោគក្លាយជាពលរដ្ឋនៅក្នុងកោះប៉ាស៊ីហ្វិចដ៏ស្រស់ស្អាតនេះ ដោយគ្រាន់តែធ្វើការបរិច្ចាគទៅរដ្ឋាភិបាលរបស់ពួកគេប្រមាណ USD 160,000។
អំពី Harvey Law Group (HLG)
Harvey Law Group (HLG) គឺជាក្រុមហ៊ុនច្បាប់អន្តរជាតិនាំមុខគេ ឯកទេសលើច្បាប់សាជីវកម្ម និង អន្តោប្រវេសន៍តាមរយៈការវិនិយោគ ទទួលបានកេរ្តិ៍ឈ្មោះល្បីរន្ទឺ ដោយមានការិយាល័យដល់ទៅ 19 នៅជុំវិញពិភពលោកតាមរយៈការតំណាងឲ្យសាជីវកម្ម និង អតិថិជនធំៗ។ ក្នុងនាមជាការិយាល័យច្បាប់កំពូលផ្តោតលើផ្នែកពិគ្រោះយោបល់លើការធ្វើអន្តោប្រវេសន៍ ក្រុមហ៊ុន HLG ផ្តល់នូវកម្មវិធីផ្តល់សិទ្ធិរស់នៅ និង សិទ្ធិជាពលរដ្ឋយ៉ាងមានប្រសិទ្ធភាពបំផុតមកទល់សព្វថ្ងៃនេះ។ HLG ទទួលបានពានរង្វាន់ជា Immigration Law Firm of the Year នៅក្នុងកម្មវិធី Macallan ALB Hong Kong Law Awards លើកទី 13 & 16 នៅក្នុងឆ្នាំ 2014 និង 2017។
ការិយាល័យ HLG នៅក្នុងប្រទេសកម្ពុជាគឺជាក្រុមហ៊ុនផ្តល់សេវាកម្មពិគ្រោះយោបល់លើការធ្វើអន្តោប្រវេសន៍ ប៉ុន្តែមិនផ្តល់យោបល់លើច្បាប់កម្ពុជាទេ។
សម្រាប់ព័ត៌មានបន្ថែមលើជម្រើសហិរញ្ញវត្ថុ ឬ ឱកាសកម្មវិធីអន្តោប្រវេសន៍លើការវិនិយោគ សូមទំនាក់ទំនងទៅ Mr. Bastien Trelcat (btrelcat@harveylawcorporation.com ) ជាដៃគូគ្រប់គ្រង HLG ប្រចាំតំបន់អាស៊ីអាគ្នេយ៍ ឬ កញ្ញា សុគន្ធនិមល (nsokun@harveylawcorporation.com) អ្នកគ្រប់គ្រងផ្នែកអភិវឌ្ឍមុខជំនួញ។
សម្រាប់ព័ត៌មានបន្ថែម សូមទំនាក់ទំនងទៅកាន់ +855 70 789 330 ឬចូលទៅកាន់ www.harveylawcorporation.com, ទំព័រហ្វេសប៊ុក: https://www.facebook.com/HLGcambodia/
Harvey Law Group (Cambodia)
Exchange Square Unit 703 Floor 7
Street 106 Sangkat Wat Phnom Phnom Penh, Cambodia