រុស្ស៊ីនឹងបញ្ជូនមីស៊ីលប្រឆាំងមីស៊ីលទៅឲ្យស៊ីរី បន្ទាប់ពីយន្តហោះយោធាមួយគ្រឿងរបស់ខ្លួនត្រូវបានបាញ់ទម្លាក់កាលពីសប្តាហ៍មុន ចំពេលដែលយន្តហោះចម្បាំងអ៊ីស្រាអែលបើកការវាយលុកទៅលើទីតាំងសំខាន់ៗរបស់ស៊ីរី។
ប្រព័ន្ធការពារដែនអាកាស S-300 របស់រុស្ស៊ីនឹងត្រូវបញ្ជូនទៅកាន់ប្រទេសស៊ីរី ក្នុងរយៈពេល ២សប្តាហ៍ខាងមុខនេះ។ កាលពីថ្ងៃចន្ទសប្តាហ៍មុន យន្តហោះយោធាស៊ីរីត្រូវបានបាញ់ទម្លាក់ បន្ទាប់ពីយន្តហោះចម្បាំងអ៊ីស្រាអែលបានបើកការវាយប្រហារទៅលើគោលដៅសំខាន់ៗ ក្នុងខេត្តឡាត់តាគៀ។
ស្របពេលដែលរុស្ស៊ីគ្រោងនឹងបញ្ជូនប្រព័ន្ធមីស៊ីលការពារដែនអាកាស S-300 ទៅឲ្យស៊ីរីនេះ ទីប្រឹក្សាសន្តិសុខជាតិសហរដ្ឋអាមេរិក លោក ចន បុលថុន បាននិយាយថា ការសម្រេចចិត្តនេះនឹងបង្កើននូវភាពតានតឹងកាន់តែខ្លាំង នៅក្នុងសង្គ្រាមស៊ីវិលប្រទេសស៊ីរី ហើយលោកក៏បានជម្រុញឲ្យរុស្ស៊ីធ្វើការពិចារណាម្តងទៀតផងដែរ។
រុស្ស៊ីបានដាក់មូលដ្ឋានទ័ពអាកាសរបស់ខ្លួននៅក្នុងប្រទេសស៊ីរី ចាប់តាំងពីប្រទេសមួយនេះ បានគាំទ្រដល់កងកម្លាំងប្រធានាធិបតីស៊ីរី បាស្ហាអាល់អាសាដមកម្ល៉េះ។
រដ្ឋមន្ត្រីការពារជាតិរុស្ស៊ី លោក Sergei Shoigu បាននិយាយថា ការចែកចាយនូវប្រព័ន្ធមីស៊ីល S-300 ទៅឲ្យស៊ីរីនេះត្រូវបានផ្អាករួចម្តងហើយនៅឆ្នាំ ២០១៣ បន្ទាប់ពីមានសំណើរពីប្រទេសអ៊ីស្រាអែល ប៉ុន្តែស្ថានការណ៍នាពេលបច្ចុប្បន្ននេះបានប្រែប្រួល។ លោកថា ស្ថានការណ៍ប្រែប្រួលនេះមិនមែនជាកំហុសរបស់យើងនោះទេ។
លោកបន្ថែមថា «នៅក្នុងតំបន់សមុទញរមេឌីទែរ៉ាណេ ក្បែរប្រទេសស៊ីរី នឹងត្រូវបានដាក់តម្លើងផ្កាយរណបបញ្ជៀសវិទ្យុអេឡិចត្រូនិច ប្រព័ន្ធរ៉ាដានៅលើនាវា និងប្រព័ន្ធទំនាក់ទំនងដែលត្រូវបានប្រើប្រាស់ដោយយន្តហោះយោធា ដែលវាយប្រហារទៅលើគ្រប់គោលដៅទាំងអស់នៃប្រទេសស៊ីរី»។
គម្រោងនៃការបញ្ជូនប្រព័ន្ធកាពារមីស៊ីល S-300 ទៅកាន់ប្រទេសស៊ីរីនេះ មានការបង្ហាញនូវភាពមិនសប្បាយចិត្ត និងប្រតិកម្មជាច្រើន។
លោកណេតាន់យ៉ាហ៊ូបានព្រមានលោកពូទីនថា ការផ្តល់ប្រព័ន្ធអាវុធទំនើប ៗ ដល់តួអង្គមិនទទួលខុសត្រូវនឹងពង្រីកគ្រោះថ្នាក់កាន់តែខ្លាងបន្ថែមទៀត នៅក្នុងតំបន់។ នេះបើយោងតាមការិយាល័យរបស់នាយករដ្ឋមន្ត្រីអ៊ីស្រាអែល។
លោកនេតានយ៉ាហ៊ូក៏បាននិយាយផងដែរថា អ៊ីស្រាអែលបានតាំងចិត្បញ្ឈប់នូវលេន្ឋានយោធាអ៊ីរ៉ង់នៅក្នុងទឹកដីស៊ីរី និងរាល់ការប៉ុងប៉ងរបស់អ៊ីរ៉ង់តែប៉ុណ្ណោះ ដែលអ៊ីស្រាអែលបានចោទប្រកាន់អ៊ីរ៉ង់ថា បានបញ្ជូនអាវុធទៅឲ្យក្រុមហេសប៊ុលឡាតែប៉ុណ្ណោះ។
ដោយឡែក ចំពោះការបាញ់ទម្លាក់យន្តហោះយោធារុស្ស៊ី នៅក្នុងទឹកដីស៊ីរីវិញ អ៊ីស្រាអែលថា យន្តហោះរបស់ខ្លួនបានវិលត្រឡប់មកកាន់ទឹកដីរបស់ខ្លួនវិញនៅពេលដែលយន្តហោះយោធារុស្ស៊ីត្រូវបានបាញ់ទម្លាក់ ហើយអ៊ីស្រាអែលថា ស៊ីរីគឺជាអ្នកទទួលខុសត្រូវលើរឿងនេះ។
គួរកត់សម្គាល់ថា កាលពីមុន អ៊ីស្រាអែលធ្លាប់បើកការវាយប្រហារទៅលើទីតាំងដែលអ៊ីស្រាអែលចោទថា គឺជាទីតាំស្តុកអាវុធរបស់អ៊ីរ៉ង់ ដែលបញ្ជុនទៅឲ្យក្រុមហេសប៊ុលឡា ជាញឹកញាប់ ប៉ុន្តែប្រព័ន្ធការពារស៊ីរី ដែលធ្លាប់ទិញពីរុស្ស៊ី មិនដែលលឺថាបាញ់ត្រូវយន្តហោះចម្បាំងស៊េរីចាស់ដូចគ្នា ដែលទិញពីអាមេរិកនោះទេ។ បើគិតឲ្យមែនទែនទៅ អ៊ីស្រាអែលបើកការវាយប្រហារ ២០០ដង ប្រព័ន្ធការពារស៊េរីចាស់រុស្ស៊ីបាញ់ទើបតែត្រូវម្តង។ វាហាក់ដូចជារឿងចៃដន្យទៅវិញទេ ដែលបាញ់ត្រូវតែម្តង ក្នុងចំណោម ២០០ដង។ ចំពោះដំណោះស្រាយវិញ អ៊ីស្រាអែលក៏នឹងត្រូវរិះរកវិធីល្អាជាងនេះ ដើម្បីវាយប្រហារស៊ីរី នៅពេលដែលស៊ីរីបំពាក់ដោយប្រព័ន្ធស៊ីរីខ្ពស់។ មានរបាយការណ៍បង្ហាញថា អ៊ីស្រាអែលនឹងប្រើយន្តហោះចម្បាំងស៊ីរីខ្ពស់ ដើម្បីវាយឆ្មក់ទៅលើស៊ីរី ចង់ដឹងថា តើប្រព័ន្ធការពារដែនអាកាសរុស្ស៊ី និងយន្តហោះស៊េរីខ្ពស់របស់អ៊ីស្រាអែល នឹងអាមេរិក មួយណាឡូយជាង? បើសិនជាប្រព័ន្ធការពារមីស៊ីលរុស្ស៊ី S-300 អាចបាញ់បានទម្លាក់យន្តហោះចម្បាំងអ៊ីស្រាអែលដូចកាលស៊ីរីប្រើប្រព័ន្ធការពារស៊ីរីចាស់ នោះមានន័យថា ការធ្លាក់យន្តហោះអ៊ីស្រាអែល គឺគ្រាន់តែជារឿងចៃដន្យ ឬខ្មោចឲ្យតែប៉ុណ្ណោះ ប្រព័ន្ធការពាដែនអាកាសរុស្ស៊ី មិនមានតម្លៃនោះទេ បើដូច្នេះមែន៕
Home ព្រឹត្តិការណ៍ថ្មីៗ រុស្ស៊ីនឹងបញ្ជូនប្រព័ន្ធការពារមីស៊ីល S-300 ទៅឲ្យស៊ីរី បន្ទាប់យន្តហោះយោធារបស់ខ្លួនត្រូវបានបាញ់ទម្លាក់