សារព័ត៌មាន News Week បានចេញផ្សាយនៅថ្ងៃទី២២ កុម្ភនេះថា លោកស្រីប្រធានាធិបតីតៃវ៉ាន់ Tsai Ingwen បានព្រមានថា ការគម្រាមកំហែងដោយយោធាបង្កឡើងដោយទីក្រុងប៉េកាំង កំពុងតែកើនឡើងរៀងរាល់ថ្ងៃ ហើយការពង្រីកឥទ្ធិពលរបស់ចិននេះ បណ្តាប្រទេសអាស៊ីដ៏ទៃទៀតគួរតែចូលរួមព្រួយបារម្ភ។
ថ្លែងទៅកាន់សារព័ត៌មាន CNN លោកស្រីបាននិយាយថា ចិនកំពុងតែបង្កើនការអះអាង និងទំនុកចិត្តក្រោមការដឹកនាំដោយប្រធានាធិបតីចិន លោកស៊ី ជិនពីង។
លោកស្រីបាននិយាយថា «ដោយសារតែប្រទេសចិនកាន់តែខ្លាំង និងកាន់តែមានមហិច្ឆតា យើងប្រឈមទៅនឹងការគម្រាមកំហែងកាន់តែខ្លាំង» ការប្រជែងរបស់យើងគឺថា តើឯករាជ្យ សន្តិសុខ វិបុលភាព និងលទ្ធិប្រជាធិបតេយ្យរបស់យើងនឹងកើតដែរឬអត់។ នេះគឺបញ្ហាដ៏ធំរបស់តៃវ៉ាន់»។
លោកស្រីបានប្រាប់ទូរទស្សន៍ CNN ថា ការគាំត្រគឺចាំបាច់ណាស់។ ប្រជាជនគួរតែសួរថាអ្នកណាជាអ្នកបន្ទាប់ ប្រសិនបើជាតៃវ៉ាន់ដូចសព្វថ្ងៃ? បណ្តាប្រទេសទាំងឡាយនៅក្នុងតំបន់ ប្រសិនបើមិនចង់ធ្វើតាមឆន្ទៈរបស់ចិនទេ ពួកគេគួរតែប្រឈមទៅនឹងការគម្រាមកំហែងដោយយោធា»។
ការព្រមានបែបនេះពីសំណាក់ប្រធានាធិបតីតៃវ៉ាន់ បានកើតឡើង បន្ទាប់ពីចិនបានគម្រាមបង្រួបបង្រួមតៃវ៉ាន់ជាមួយចិនដីគោកដោយការប្រើកម្លាំងយោធា។លោកជិនពីងបានគម្រាមជាច្រើនដងហើយថា ការប្រកាសឯករាជ្យរបស់តៃវ៉ាន់នឹងត្រូវជួបជាមួយការប្រើកណ្តាប់ដៃដែករបស់ទីក្រុងប៉េកាំង។ យ៉ាងណាក៏ដោយ លោកស្រីសៃបាននិយាយថា តៃវ៉ាន់នឹងមិនឱនក្បាលដាក់ចិនជាដាច់ខាត ប៉ុន្តែតៃវ៉ាន់នៅមិនទាន់ប្រកាសឯករាជ្យនោះទេ ខណៈដែលកោះនេះកំពុងស្វែងរកការគាំទ្រពីសំណាក់អាមេរិក៕
Home ព្រឹត្តិការណ៍ថ្មីៗ ប្រធានាធិបតីតៃវ៉ាន់ព្រមានថា ចិនកំពុងតែបង្កើនការគម្រាមកំហែងពីមួយថ្ងៃទៅមួយថ្ងៃ