កាលពីពេលថ្មីៗនេះ ក្រសួងវប្បធម៌ និងវិចិត្រសិល្បៈ បានចេញលិខិតព្រមាន ករណីស្លៀកពាក់ស៊ិចស៊ីរួចមក អតីតតារាសម្ដែង អ្នកនាង ស្រីម៉ុច បានចេញមកបកស្រាយថា នាងបានដកខ្លួនចេញពីសិល្បៈ តាំងពីឆ្នាំ២០០៨មកម្ល៉េះ ដោយនាងបានទៅរស់នៅ ជាមួយស្វាមីរបស់នាង ដែលជាជនជាតិបរទេស ហើយការបង្ហាញភាពស៊ិចស៊ី នាពេលកន្លងមកនោះ គឺក្រៅរង្វង់សិល្បៈទេ។
យោងតាមហ្វេសប៊ុករបស់ ស្រីម៉ុច បានសរសេរយ៉ាងដូច្នេះថា ៖ អគុណគ្រប់គ្នាដែលបានជួយជ្រោមជ្រែងអោយអូនល្បីមកវិញ ។
ពីមុនដែលមានបញ្ហា..តំលៃខ្លួនអូនមិនសូវថ្លៃប៉ុន្មានទេ ហើយ ក៍មិនសូវមានអ្នកចាប់អារម្មណ៍អីដែល ព្រោះការពិតបាត់មុខមកជាយូរហើយ ។ ប៉ុន្តែបន្ទាប់ពីមានរឿងហ្នឹងហើយ តំលៃខ្លួនអូនឡើងស្រឺតៗតែម្ដង ហើយមានអ្នកទាក់ទងការងារជាច្រើន តែរដោយហេតុថាគ្មានពេលសំរាប់ការងារទាំងនោះ គ្រប់គ្រាន់ចឹងធ្វើមេផ្ទះដដែល ? ? អូននៅចាំបានថាមានអ្នកនិយាយថាអូនធ្វើចឹងដឹងតែល្បីហើយចាំយករង្វាន់អោយអូន។ តែប្ដីអូនប្រាប់ថាមិនអោយយករបស់ប្ដីអ្នកដ៍ទៃទេ វាមិនសមរម្យក្នុងការយករបស់ប្ដីអ្នកដ៍ទៃ ។ ហឺមកុំថាឡើយអូនចង់បានគ្រាន់តែឃើញមុខ ? ហើយក៍មិនដឹងថាមានលុយទិញអោយអូនអត់ផងទេ លឺថាមាន.... ជុំខ្លួន ។
អ្នកនាង ស្រីម៉ុច បានបន្ថែមថា៖ ជំរាបណានិយាយជាទូទៅចំពោះអ្នកដែលជេរខ្ញុំ អ្នកណាខ្លះដែលថាអោយខ្ញុំ អ្នកតែស្ករ កុំចូលចិត្តដៀលគេពេកហាម៉ាត់ឡើងសុទ្ធតែគេហ្នឹងបំផ្លាញវប្បធម៍ជាតិ មើលម្ដុំៗឯងហ្នឹងអោយបានល្អទៅ កុំអោយមានក្លិនចាំមកកាត់ក្ដីថាអោយអ្នកនេះ រឺអ្នកនោះយ៉ាងមិច តិចរើសដាក់ខ្លួនអីណាទៀតទៅ តែបើគិតថាត្រូវហ្នឹងខ្លួនចឹងក៍យកទៅដើម្បីអោយគេគ្រប់គ្នាស្គាល់សណ្ដានផង ។ ថាក្រៅវាល្អផូរផង់ប៉ុណ្ណាហើយក្នុងវិញវារលួយប៉ុណ្ណា ? ? “
សូមបញ្ជាក់ថា កាលពីពេលថ្មីៗនេះ ក្រសួងវប្បធម៌ បានចេញលិខិតព្រមាន ដល់តារាស្រី៤ដួង ដែលបានស្លៀកពាក់ស៊ិចស៊ី ដែលមិនអាចទទួលយកបាន ធ្វើឲ្យប៉ះពាល់ ដល់វប្បធម៌ខ្មែរយ៉ាងខ្លាំង ក្នុងនោះរួមមាន អ្នកនាង ស្រីម៉ុច និង សេង សូណា ជាដើម ។
ការចេញលិខិតព្រមាននេះ បន្ទាប់ពីអ្នកនាង ស្រីម៉ុច បានបង្ហាញរូបភាពដ៏ស៊ិចស៊ីជាទីបំផុត ជាមួយតារាចម្រៀងថៃ នាពេលកន្លងមក ដែលការបង្ហាញវត្តមាន ដ៏ស៊ិចស៊ីរបស់អតីតតារាស្រីនេះ បានធ្វើឲ្យមានការរិះគន់យ៉ាងខ្លាំង ពីសំណាកពលរដ្ឋខ្មែរ ៕
Home សិល្បៈកម្សាន្ត អតីតតារាសម្ដែងសិចស៊ី អ្នកនាង ស្រីម៉ុច ប្រតិកម្មរឿង ក្រសួងវប្បធម៌ និងវិចិត្រសិល្បៈ បានចេញលិខិតព្រមានករណីស្លៀកពាក់ស៊ិចស៊ី