សារព័ត៌មាន Fox News បានចេញផ្សាយនៅថ្ងៃទី១ តុលា ២០១៨នេះដោយស្រង់សម្តីមន្ត្រីអាមេរិកថា នាវាចម្បាំងរបស់អាមេរិកមួយគ្រឿងបានធ្វើដំណើរទៅក្បែរប្រជុំកោះសិប្បនិមិត្តចំនួន ២នៃតំបន់សមុទ្រចិនខាងត្បូង កាលពីថ្ងៃអាទិត្យ ខណៈដែលចិនកំពុងតែវ៉ាងទីថា តំបន់ទាំងនេះគឺជាតំបន់របស់ខ្លួនផ្តាច់មុខ និងបានសាងសង់មូលដ្ឋានទ័ពរបស់ខ្លួន បើទោះបីជាមានការតវ៉ាពីប្រទេសដទៃក៏ដោយ។
នាវាពិឃាតបំពាក់ដោយគ្រាប់មីស៊ីល USS Decatur (DDG73) បានធ្វើប្រតិបត្តិការនាវាចរណ៍ដោយសេរី នៅក្នុងតំបន់សមុទ្រចិនខាងត្បូង ដើម្បីបញ្ជាក់អំពីសិទ្ធសេរីភាព ក្នុងការធ្វើនាវាចរណ៍ ដោយអនុឡោមទៅតាមច្បាប់អន្តរជាតិ។
នាវា Decatur បានធ្វើដំណើរក្នុងរយៈចម្ងាយ ២២គីឡូម៉ែត្រ ពីថ្មប៉ប្រះទឹក Gaven and Johnson នៅប្រជុំកោះស្ព្រេតលី។ នេះបើតាមមន្ត្រីអាមេរិក ដែលបាននិយាយក្នុងលក្ខណ្ឌសុំមិនបញ្ចេញឈ្មោះ។
ជាមួយនឹងការធ្វើនាវាចរណ៍ដោយសេរីនេះ គេមិនទាន់ដឹងថា ចិននឹងបញ្ចេញប្រតិកម្មបែបណានោះទេ ប៉ុន្តែកាលពីមុនៗ ចិនតែងតែបញ្ជូនក្រុមកងទ័ពជើងទឹករបស់ខ្លួន ធ្វើដំណើរដេញតាមពីក្រោយក្រុមកងទ័ពអាមេរិក រួមទាំងយន្តហោះចម្បាំងផងដែរ។
ប្រតិបត្តិការយោធាចុងក្រោយបង្អស់ដែលមន្ទីរបញ្ចកោណហៅថា ជាទម្លាប់នៃសិទ្ធសេរីភាពក្នុងការធ្វើនាវាចរណ៍ បានលេចឡើងក្នុងរយៈពេលត្រឹមតែប៉ុន្មានថ្ងៃតែប៉ុណ្ណោះ ចំពេលដែលប្រទេសមហាអំណាចយោធាអាមេរិក និងចិន កំពុងតែប្រឈមមុខដាក់គ្នាដ៏តានតឹង។
ការធ្វើនាវាចរណ៍ដោយសេរីលើកមុន នាវាចម្បាំងអាមេរិកបានធ្វើដំណើរក្នុងរយៈចម្ងាយ ២២គីឡូម៉ែត្រទៅជិតប្រជុំកោះ ដែលចិនវ៉ាងទី ប៉ុន្តែត្រូវបានគេស្គាល់ថាជាដែនទឹកអន្តរជាតិ កាលពីខែឧសភា។
កាលពីសប្តាហ៍មុន ប្រទេសចិនបានប្រកាសថាខ្លួននឹងមិនអនុញ្ញាតឱ្យក្រុមកងទ័ពជើងទឹកអាមេរិកចូលចុះចតនៅទីក្រុងកំពង់ផែហុងកុង នៅខែក្រោយនោះទេ។ ក្រោយការប្រកាសនេះ កងទ័ពអាកាសសហរដ្ឋអាមេរិកបានបញ្ជូនយន្តហោះទម្លាក់គ្រាប់បែកខ្នាតយក្ស B-52 របស់ខ្លួន ២គ្រឿងទៅហោះរំលងតំបន់សមុទ្រចិនខាងត្បូង។ ជាការឆ្លើយតប ចិនបានហៅទង្វើអាមេរិកនេះថា គឺជាការបង្កហេតុ ទោះបីជាអាមេរិកបានហោះនៅក្នុងតំបន់អន្តរជាតិក៏ពិតមែន។
បន្ថែមលើសនេះ ភាពតានតឹងរវាងចិន និងអាមេរិកបានកើនឡើងកាន់តែខ្លាំង ក្រោយការប្រកាសយកពន្ធ ២០០ពាន់លានដុល្លារពីអាមេរិក។ ចិនអាចតបទៅអាមេរិកវិញត្រឹមតែ ៦០ពាន់លានដុល្លារតែប៉ុណ្ណោះ។ អ្នកវិភាគមើលឃើញថា ចិនមិនអាចប្រណាំងជាមួយអាមេរិកបាននោះទេ។ ប្រជាជនចិន ២លាននាក់នឹងអត់ការងារធ្វើដោយការប្រជែងសង្គ្រាមពាណិជ្ជកម្មនេះ។ មូលហេតុដែលអាមេរិកយកពន្ធលើទំនិញចិន ដោយសារតែការរកស៊ីរបស់ចិន មិនមានភាពស្មោះត្រង់ និងលួចចម្លងកម្មសិទ្ធបញ្ញា។ នេះបើតាមលោកត្រាំ។
ពាក់ព័ន្ធទៅនឹងការវ៉ាងទីពីសំណាក់ចិន លើប្រជុំកោះដែលចិនបានដាក់តម្លើងមូលដ្ឋានទ័ពនៅតំបន់សមុទ្រចិនខាងត្បូងនេះ មេបញ្ជាការកងទ័ពជើងទឹកសហរដ្ឋអាមេរិកប្រចាំតំបន់ប៉ាស៊ីហ្វីកធ្លាប់បានគម្រាមចិនថា ដើម្បីឲ្យចិនដកមូលដ្ឋានទ័ពចេញពីតំបន់សមុទ្រចិនខាងត្បូងបាន មានសេនារីយ៉ូតែមួយគត់ គឺការប្រកាសសង្គ្រាមជាមួយចិន។
សូមបញ្ជាក់ឲ្យច្បាស់ថា តំបន់អន្តរជាតិសមុទ្រចិនខាងត្បូង ដែលជាតំបន់ដែនទឹកអន្តរជាតិ បច្ចុប្បន្ននេះ បានធ្លាក់នៅក្រោមការកាន់កាប់របស់ចិនទាំងស្រុង ដោយប្រទេសនេះ បានដាក់តម្លើងមូលដ្ឋានទ័ព គ្រាប់មីស៊ីលស៊េរីទំនើបជាច្រើនប្រភេទ រនាំងការពារគ្រាប់ និងលេនដ្ឋានយោធាជាច្រើន។ តាមច្បាប់អន្តរជាតិ គ្មានប្រទេសណាមួយអាចអះអាងតំបន់អន្តរជាតិ ធ្វើជាកម្មសិទ្ធរបស់ខ្លួនបាននោះទេ។ ការវ៉ាងទីរបស់ចិននៅតំបន់សមុទ្រចិនខាងត្បូងនេះ គឺខុសច្បាប់ ១០០ភាគរយ៕DNT-NEWS
នាវាពិឃាតបំពាក់ដោយគ្រាប់មីស៊ីល USS Decatur (DDG73) បានធ្វើប្រតិបត្តិការនាវាចរណ៍ដោយសេរី នៅក្នុងតំបន់សមុទ្រចិនខាងត្បូង ដើម្បីបញ្ជាក់អំពីសិទ្ធសេរីភាព ក្នុងការធ្វើនាវាចរណ៍ ដោយអនុឡោមទៅតាមច្បាប់អន្តរជាតិ។
នាវា Decatur បានធ្វើដំណើរក្នុងរយៈចម្ងាយ ២២គីឡូម៉ែត្រ ពីថ្មប៉ប្រះទឹក Gaven and Johnson នៅប្រជុំកោះស្ព្រេតលី។ នេះបើតាមមន្ត្រីអាមេរិក ដែលបាននិយាយក្នុងលក្ខណ្ឌសុំមិនបញ្ចេញឈ្មោះ។
ជាមួយនឹងការធ្វើនាវាចរណ៍ដោយសេរីនេះ គេមិនទាន់ដឹងថា ចិននឹងបញ្ចេញប្រតិកម្មបែបណានោះទេ ប៉ុន្តែកាលពីមុនៗ ចិនតែងតែបញ្ជូនក្រុមកងទ័ពជើងទឹករបស់ខ្លួន ធ្វើដំណើរដេញតាមពីក្រោយក្រុមកងទ័ពអាមេរិក រួមទាំងយន្តហោះចម្បាំងផងដែរ។
ប្រតិបត្តិការយោធាចុងក្រោយបង្អស់ដែលមន្ទីរបញ្ចកោណហៅថា ជាទម្លាប់នៃសិទ្ធសេរីភាពក្នុងការធ្វើនាវាចរណ៍ បានលេចឡើងក្នុងរយៈពេលត្រឹមតែប៉ុន្មានថ្ងៃតែប៉ុណ្ណោះ ចំពេលដែលប្រទេសមហាអំណាចយោធាអាមេរិក និងចិន កំពុងតែប្រឈមមុខដាក់គ្នាដ៏តានតឹង។
ការធ្វើនាវាចរណ៍ដោយសេរីលើកមុន នាវាចម្បាំងអាមេរិកបានធ្វើដំណើរក្នុងរយៈចម្ងាយ ២២គីឡូម៉ែត្រទៅជិតប្រជុំកោះ ដែលចិនវ៉ាងទី ប៉ុន្តែត្រូវបានគេស្គាល់ថាជាដែនទឹកអន្តរជាតិ កាលពីខែឧសភា។
កាលពីសប្តាហ៍មុន ប្រទេសចិនបានប្រកាសថាខ្លួននឹងមិនអនុញ្ញាតឱ្យក្រុមកងទ័ពជើងទឹកអាមេរិកចូលចុះចតនៅទីក្រុងកំពង់ផែហុងកុង នៅខែក្រោយនោះទេ។ ក្រោយការប្រកាសនេះ កងទ័ពអាកាសសហរដ្ឋអាមេរិកបានបញ្ជូនយន្តហោះទម្លាក់គ្រាប់បែកខ្នាតយក្ស B-52 របស់ខ្លួន ២គ្រឿងទៅហោះរំលងតំបន់សមុទ្រចិនខាងត្បូង។ ជាការឆ្លើយតប ចិនបានហៅទង្វើអាមេរិកនេះថា គឺជាការបង្កហេតុ ទោះបីជាអាមេរិកបានហោះនៅក្នុងតំបន់អន្តរជាតិក៏ពិតមែន។
បន្ថែមលើសនេះ ភាពតានតឹងរវាងចិន និងអាមេរិកបានកើនឡើងកាន់តែខ្លាំង ក្រោយការប្រកាសយកពន្ធ ២០០ពាន់លានដុល្លារពីអាមេរិក។ ចិនអាចតបទៅអាមេរិកវិញត្រឹមតែ ៦០ពាន់លានដុល្លារតែប៉ុណ្ណោះ។ អ្នកវិភាគមើលឃើញថា ចិនមិនអាចប្រណាំងជាមួយអាមេរិកបាននោះទេ។ ប្រជាជនចិន ២លាននាក់នឹងអត់ការងារធ្វើដោយការប្រជែងសង្គ្រាមពាណិជ្ជកម្មនេះ។ មូលហេតុដែលអាមេរិកយកពន្ធលើទំនិញចិន ដោយសារតែការរកស៊ីរបស់ចិន មិនមានភាពស្មោះត្រង់ និងលួចចម្លងកម្មសិទ្ធបញ្ញា។ នេះបើតាមលោកត្រាំ។
ពាក់ព័ន្ធទៅនឹងការវ៉ាងទីពីសំណាក់ចិន លើប្រជុំកោះដែលចិនបានដាក់តម្លើងមូលដ្ឋានទ័ពនៅតំបន់សមុទ្រចិនខាងត្បូងនេះ មេបញ្ជាការកងទ័ពជើងទឹកសហរដ្ឋអាមេរិកប្រចាំតំបន់ប៉ាស៊ីហ្វីកធ្លាប់បានគម្រាមចិនថា ដើម្បីឲ្យចិនដកមូលដ្ឋានទ័ពចេញពីតំបន់សមុទ្រចិនខាងត្បូងបាន មានសេនារីយ៉ូតែមួយគត់ គឺការប្រកាសសង្គ្រាមជាមួយចិន។
សូមបញ្ជាក់ឲ្យច្បាស់ថា តំបន់អន្តរជាតិសមុទ្រចិនខាងត្បូង ដែលជាតំបន់ដែនទឹកអន្តរជាតិ បច្ចុប្បន្ននេះ បានធ្លាក់នៅក្រោមការកាន់កាប់របស់ចិនទាំងស្រុង ដោយប្រទេសនេះ បានដាក់តម្លើងមូលដ្ឋានទ័ព គ្រាប់មីស៊ីលស៊េរីទំនើបជាច្រើនប្រភេទ រនាំងការពារគ្រាប់ និងលេនដ្ឋានយោធាជាច្រើន។ តាមច្បាប់អន្តរជាតិ គ្មានប្រទេសណាមួយអាចអះអាងតំបន់អន្តរជាតិ ធ្វើជាកម្មសិទ្ធរបស់ខ្លួនបាននោះទេ។ ការវ៉ាងទីរបស់ចិននៅតំបន់សមុទ្រចិនខាងត្បូងនេះ គឺខុសច្បាប់ ១០០ភាគរយ៕DNT-NEWS
