រដ្ឋមន្ត្រីក្រសួងការពារជាតិរុស្ស៊ី លោក Sergei Shoigu បាននិយាយថា យានផ្ទុកគ្រាប់មីស៊ីលប្រឆាំងមីស៊ីល S-300 ចំនួន ៤គ្រឿងបានទៅដល់ទឹកដីស៊ីរីហើយ បន្ទាប់ពីរុស្ស៊ីបានសន្យាថានឹងបញ្ជូនគ្រាប់មីស៊ីលនេះ ទៅឲ្យសម្ព័ន្ធមិត្តរបស់ខ្លួន បន្ទាប់ពីយន្តហោះយោធារបស់ប្រទេសនេះ ត្រូវបានបាញ់ទម្លាក់ ដោយមានកងកម្លាំង ១៥នាក់បាត់បង់អាយុជីវិត។
រដ្ឋមន្ត្រីរូបនេះបាននិយាយថា ការបញ្ជូនគ្រាប់មីស៊ីលទាំងនេះរួមមានទាំងឧបករណ៍យោធាចំនួន ៤៩មុខផ្សេងទៀត ដូចជារ៉ាដា យានគ្រប់គ្រង និងយានបាញ់គ្រាប់មីស៊ីល ៤គ្រឿងផងដែរ។ លោកបន្តថា កងកម្លាំងស៊ីរីត្រូវចំណាយពេល ៣ខែ ដើម្បីរៀបចំប្រតិបត្តិការវាបាន។
កាលពីខែមុន អ៊ីស្រាអែលបាននិយាយថា ខ្លួនបានបើកការវាយប្រហារជាង ២០០ដងទៅលើមូលដ្នាទ័ពអ៊ីរ៉ង់នៅប្រទេសស៊ីរី។ នាយករដ្ឋមន្ត្រីអ៊ីស្រាអែលបាននិយាយថា ខ្លួននឹងបន្តបើកការវាយប្រហាររបស់ខ្លួននៅប្រទេសស៊ីរីបន្តទៀត ទោះបីជារុស្ស៊ីបញ្ជូនប្រព័ន្ធមីស៊ីលស៊េរីទំនើបទៅកាន់ប្រទេសស៊ីរីក៏ដោយ។ ខែលស៊េរីចាស់ និងយន្តហោះចម្បាំងស៊ីរីចាស់ដូចគ្នា អ៊ីស្រាអែលបើកការវាយប្រហារ ២០០ដងទើបតែលឺថា ខែលរុស្ស៊ីបាញ់ធ្លាក់យន្តហោះចម្បាំងអ៊ីស្រាអែលម្តង។ អ្នកជំនាញយោធាបានផ្តល់ជាអនុសាសន៍ទៅអ៊ីស្រាអែលថា ស្ថានការណ៍នេះ អ៊ីស្រាអែលត្រូវតែប្រើយន្តហោះចម្ពាំងស៊េរីខ្ពស់ ដើម្បីបំបាំងកាយពីរ៉ាដាស៊ីរីបាន។ ពេលនោះនឹងដឹងគ្នាថា យន្តហោះចម្បាំងស៊េរីទំនើប ដែលអ៊ីស្រាអែលទិញពីអាមេរិក ជាមួយនឹងខែលស៊ីរីទិញពីរុស្ស៊ីមួយណាខ្លាំងជាង។
ជាមួយនឹងការបញ្ជូនខែលរុស្ស៊ីនេះ ទីប្រឹក្សាសន្តិសុខជាតិអាមេរិក លោកចន បុលថុនបានលើកឡើងថា ការបញ្ជូននេះ គឺជាការបង្កើននូវភាពតានតឹងកាន់តែខ្លាំងបន្ថែមទៀត។ មែនទែនទៅ ការលើកឡើងរបស់អាមេរិកនេះ គឺជាការលើកឡើងអំពីក្តីព្រួយបារម្ភរបស់ខ្លួនតែប៉ុណ្ណោះ មិនមែនជាការលើកឡើងដោយខ្លាចប្រព័ន្ធការពាររុស្ស៊ីនោះទេ។ នេះបើតាមសម្តីអ្នកវិភាគម្នាក់។ អ្នកវិភាគនិយាយថា ខែលការពាររបស់រុស្ស៊ីគ្មានប្រយោជន៍នោះទេ ដោយសារតែប្រព័ន្ធការពារទាំងនោះ មិនអាចចាប់រលកសញ្ញាយន្តហោះចម្បាំងអាមេរិកបាននោះទេ។ កុំថាឡើយ S-300 ចង់បញ្ជូន S-500 ទៅស៊ីរីក៏អាមេរិកអត់ព្រឺដែរ។ ប៉ុន្តែសំខាន់ អាមេរិកគ្រាន់តែមិនចង់ឲ្យសង្គ្រាមរីកកាន់តែខ្លាំង ដែលអាចបង្កជាសង្គ្រាមលោកតែប៉ុណ្ណោះ។
បើផ្ទុះសង្គ្រាមរវាងទ័ពអាមេរិក និងរុស្ស៊ីនៅស៊ីរី កងទ័ពជើងទឹករុស្ស៊ីដែលមានត្រឹមតែបន្តិចបន្តួច នឹងត្រូវអាមេរិកវាយកម្ទេចឲ្យក្លាយជាផេះ ក្នុងពេលត្រឹមតែមួយប៉ព្រិចភ្នែក។ នេះបើតាមសម្តីអ្នកវិភាគប្រចាំនៅអាស៊ី លោក Lam Ranny ដែលបានប្រាប់សារព័ត៌មាន Bussiness Insider របស់អាមេរិក៕DNT-NEWS
Home ព្រឹត្តិការណ៍ថ្មីៗ ប្រព័ន្ធមីស៊ីល S-300 របស់រុស្ស៊ីពេលនេះ បានទៅដល់ទឹកដីស៊ីរីហើយ ខណៈដែលអាមេរិក និងអ៊ីស្រាអែលថា គឺជាការបង្កើនភាពតានតឹង