ស្ថាបនិកក្រុមហ៊ុនអាលីបាបា លោក ជែក ម៉ា បានព្រមានថា សង្គ្រាមពាណិជ្ជកម្មរបស់ប្រធានាធិបតីសហរដ្ឋអាមេរិកជាមួយចិន អាចនាំទៅរកជម្លោះប្រដាប់អាវុធរវាងប្រទេសទាំងពីរ។
លោកមហាសេដ្ឋីម៉ាបាននិយាយនៅឯវេទិការសាធរណាអង្គការពាណិជ្ជកម្មពិភពលោក នៅទីក្រុងហ្សឺណែលថា «នៅពេលដែលពាណិជ្ជកម្មបានបញ្ឈប់ ពេលនោះសង្គ្រាមនឹងចាប់ផ្តើមហើយ»។ លោកបន្តថា «ពាណិជ្ជកម្មគឺជាការកសាងទំនុកចិត្ត។ ពាណិជ្ជកម្មមិនមែនការវាយប្រយុទ្ធគ្នាដោយអាវុធនោះទេ»។ ជាមួយគ្នានេះ លោកក៏បានស្នើឲ្យទីក្រុងវ៉ាស៊ីនខិតទីរកការសហការគ្នាជាមួយទីក្រុងប៉េកាំងជាជាងការបង្កើននូវភាពតានតឹងនឹងគ្នា។
លោកបាននិយាយថា ខ្ញុំគិតថា ចិន និងសហរដ្ឋអាមេរិកគួរតែធ្វើការរួមគ្នា ដើម្បីដោះស្រាយនូវបញ្ហាដែលកំពុងតែប្រជែងគ្នានេះ បង្កើតការងារ ដោះស្រាយភាពក្រីក្រ ប្រើប្រាស់នូវបច្ចេកវិទ្យាដើម្បីព្យាបាលជំងឺ និងបរិស្ថានជំនួសឲ្យសង្គ្រាមនឹងគ្នា។ លោកបានព្រមានថា «វានឹងបំផ្លាញមិនត្រឹមតែពាណិជ្ជកម្មអាមេរិកចិនប៉ុណ្ណោះទេ ប៉ុន្តែថែមទាំងក្រុមហ៊ុនតូចៗរបស់បណ្តាប្រទេសផ្សេងៗទៀតផងដែរ»។
ការលើកឡើងរបស់លោកម៉ានេះ បានធ្វើឡើងចំពេលដែលមានភាពតានតឹងរវាងចិន និងអាមេរិក ដែលកំពុងបន្តកាន់តែខ្លាំង។ កាលពីខែមុន សហរដ្ឋអាមេរិកបានយកពន្ធ ២០០ពាន់លានដុល្លារ រីឯចិនអាចតបទៅអាមេរិកវិញត្រឹមតែ ៦០ពាន់លានដុល្លារតែប៉ុណ្ណោះ។
ភាពតានតឹងរវាងប្រទេសទាំងពីរកាន់តែឡើងកម្តៅ ក្រោយអាមេរិកបញ្ជូនយន្តហោះទម្លាក់គ្រាប់បែក B-52 ២គ្រឿងទៅហោះរំលងតំបន់សមុទ្រចិនខាងត្បូង។ ក្រោយមកកាលពីប៉ុន្មានថ្ងៃមុននេះ អាមេរិកបានបញ្ជូននាវាពិឃាតមួយគ្រឿងទៅកាន់តំបន់សមុទ្រចិនខាងត្បូងទៀត។ ភ្លាមនោះ ចិនបានបញ្ជូនក្រុមអ្នកប្រយុទ្ធកងទ័ពជើងទឹករំដោះប្រជាជនចិន ដេញតាមនាវារបស់អាមេរិក ដែលបានធ្វើដំណើរចូលដែនទឹកនៃតំបន់សមុទ្រចិនខាងត្បូង ដែលចិនកំពុងតែវ៉ាងទី៕DNT-NEWS
លោកបាននិយាយថា ខ្ញុំគិតថា ចិន និងសហរដ្ឋអាមេរិកគួរតែធ្វើការរួមគ្នា ដើម្បីដោះស្រាយនូវបញ្ហាដែលកំពុងតែប្រជែងគ្នានេះ បង្កើតការងារ ដោះស្រាយភាពក្រីក្រ ប្រើប្រាស់នូវបច្ចេកវិទ្យាដើម្បីព្យាបាលជំងឺ និងបរិស្ថានជំនួសឲ្យសង្គ្រាមនឹងគ្នា។ លោកបានព្រមានថា «វានឹងបំផ្លាញមិនត្រឹមតែពាណិជ្ជកម្មអាមេរិកចិនប៉ុណ្ណោះទេ ប៉ុន្តែថែមទាំងក្រុមហ៊ុនតូចៗរបស់បណ្តាប្រទេសផ្សេងៗទៀតផងដែរ»។
ការលើកឡើងរបស់លោកម៉ានេះ បានធ្វើឡើងចំពេលដែលមានភាពតានតឹងរវាងចិន និងអាមេរិក ដែលកំពុងបន្តកាន់តែខ្លាំង។ កាលពីខែមុន សហរដ្ឋអាមេរិកបានយកពន្ធ ២០០ពាន់លានដុល្លារ រីឯចិនអាចតបទៅអាមេរិកវិញត្រឹមតែ ៦០ពាន់លានដុល្លារតែប៉ុណ្ណោះ។
ភាពតានតឹងរវាងប្រទេសទាំងពីរកាន់តែឡើងកម្តៅ ក្រោយអាមេរិកបញ្ជូនយន្តហោះទម្លាក់គ្រាប់បែក B-52 ២គ្រឿងទៅហោះរំលងតំបន់សមុទ្រចិនខាងត្បូង។ ក្រោយមកកាលពីប៉ុន្មានថ្ងៃមុននេះ អាមេរិកបានបញ្ជូននាវាពិឃាតមួយគ្រឿងទៅកាន់តំបន់សមុទ្រចិនខាងត្បូងទៀត។ ភ្លាមនោះ ចិនបានបញ្ជូនក្រុមអ្នកប្រយុទ្ធកងទ័ពជើងទឹករំដោះប្រជាជនចិន ដេញតាមនាវារបស់អាមេរិក ដែលបានធ្វើដំណើរចូលដែនទឹកនៃតំបន់សមុទ្រចិនខាងត្បូង ដែលចិនកំពុងតែវ៉ាងទី៕DNT-NEWS
