រដ្ឋមន្ត្រីក្រសួងការពារជាតិអាមេរិក លោក ជីម ម៉ាទីសបានលើកឡើងអំពីគោលជំហររបស់លោកនៅក្នុងតំបន់សមុទ្រចិនខាងត្បូងកាលពីថ្ងៃសុក្សម្សិលមិញ ដោយបានអំពាវនាវឲ្យជប៉ុន និងកូរ៉េខាងត្បូងធ្វើការសហការណ៍ជាមួយសហរដ្ឋអាមេរិក នៅក្នុងតំបន់ ដើម្បីរារាំងសកម្មភាពចិន ពីការពង្រីកឥទ្ធិពលនៅក្នុងតំបន់ដែនទឹកអន្តរជាតិ។
លោករដ្ឋមន្ត្រីបាននិយាយកាលពីថ្ងៃសុក្រ បន្ទាប់ពីកិច្ចប្រជុំជាមួយក្រុមមន្ត្រីកូរ៉េខាងជើង និងជប៉ុននៅសិង្ហបុរីថា «ខ្ញុំគិតថា យើងទាំងអស់គ្នាត្រូវរួមដៃគ្នាសម្ព័ន្ធមិត្តនិងដៃគូ ហើយយើងអះអាងថា ពុំមានប្រទេសតែម្នាក់ឯងណាមួយអាចសរសេរឡើងវិញនូវច្បាប់អន្តរជាតិនោះទេ ហើយរំពឹងថាទាំងប្រទេសធំនិងប្រទេសតូចនឹងគោរពច្បាប់នេះ»។
ប្រមុខការពារជាតិបាននិយាយថា សហរដ្ឋអាមេរិកនឹងបន្តហោះហើរ ធ្វើនាវាចរណ៍ និងប្រតិបត្តិទៅតាមច្បាប់អន្តរជាតិ និងតម្រូវការផលប្រយោជន៍ជាតិ។ ក្រោយមកលោកបានប្រកាសថា សហរដ្ឋអាមេរិកមិនអាចទទួលយកបាននោះទេចំពោះការធ្វើយោធូបនីយកម្មរបស់ចិននៅក្នុងតំបន់សមុទ្រចិនខាងត្បូង ដែលជាដែនទឹកអន្តរជាតិ។
កាលថ្ងៃទី១៨ តុលា អាមេរិកបានបញ្ជូនយន្តហោះទម្លាក់គ្រាប់បែក ទៅហោះរំលងតំបន់សមុទ្រចិនខាងត្បូងជាថ្មីម្តងទៀត ខណៈដែលភាពតានតឹងរវាងប្រទេសទាំងពីកើនឡើងកាន់តែខ្លាំង។ កាលពីសប្តាហ៍មុន អាមេរិកក៏បានបញ្ជូនយន្តហោះទម្លាក់គ្រាប់បែកទៅហោះរំលង និងនាវាចម្បាំងទៅធ្វើនាវាចរណ៍ដោយស៊េរីតំបន់នេះដូចគ្នា ដើម្បីបង្ហាញថា នេះគឺជាការធ្វើនាវាចរណ៍ដោយសេរីនៅក្នងតំបន់អន្តរជាតិទេ កុំចង់មកវ៉ាងទី។
បច្ចុប្បន្ននេះ ទីក្រុងប៉េកាំងបាននិងកំពុងតែដាក់តម្លើងមូលដ្ឋានទ័ពជាច្រើននៅលើប្រជុំកោះ ក្នុងតំបន់ដែនទឹកអន្តរជាតិ ដោយចិនអះអាងថា ធ្វើឡើងដើម្បីការពារខ្លួន។ តំបន់សមុទ្រចិនខាងត្បូង ឬជាតំបន់ដែនទឹកអន្តរជាតិដែលចិនកំពុងតែអះអាងវ៉ាងទីនេះ មានសម្បត្តិធនធានធម្មជាតិជាច្រើន។ ម្យ៉ាងទៀតការទឹកប្រាក់ប្រមាណ ៣កោដិលានដុល្លារ គឺជាប្រាក់ចំណូលពីការយកពន្ធលើការធ្វើដំណើរឆ្លងកាត់ទីនោះជារៀងរាល់ឆ្នាំ។ ម្ល៉ោះហើយទើបបានជាចិនប្រឹងអះអាងវ៉ាងទីតែម្នាក់ឯង ដោយគ្មានការអើពើនឹងការទាមទារពីបណ្តាប្រទេសមួយចំនួនដូចជា ហ្វីលីពីន ប្រ៊ុយណេរ ម៉ាឡេស៊ី តៃវ៉ាន់ និងវៀតណាម។ បើតាមច្បាប់អន្តរជាតិ គ្មានប្រទេសណាមួយអាចអះអាងវា់ងទីនៅក្នុងតំបន់ដែនទឹកអន្តរជាតិនោះទេ។ ទង្វើរបស់ចិន គឺផ្ទុយពីបទដ្ឋានអន្តរជាតិ និងខុសច្បាប់ ១០០ភាគរយ៕
Home ព្រឹត្តិការណ៍ថ្មីៗ ជីមម៉ាទីស៖ សហរដ្ឋអាមេរិកអំពាវនាវឲ្យមានការរួបរួមគ្នា ដើម្បីទប់ទល់ទៅនឹងសកម្មភាពវ៉ាងទីរបស់ចិន នៅក្នុងតំបន់ដែនទឹកអន្តរជាតិ