លោកអនុប្រធានាធិបតីសហរដ្ឋអាមេរិក Mike Pence បាននិយាយកាលពីថ្ងៃព្រហស្បតិ៍នៅក្នុងការថ្លែងសន្ទរកថាមួយទៅកាន់ជំនួបកំពូលអាស៊ាន ដែលអនុវត្តន៍នូវការលុបបំបាត់ឥទ្ធិពលចិនថា អាមេរិចមានការប្តេជ្ញាចិត្តយ៉ាងរឹងមាំ និងយូរអង្វែងដល់តំបន់ឥណ្ឌូ - ប៉ាស៊ីហ្វិក ប៉ុន្តែចង់បាននូវកិច្ចសហប្រតិបត្តិការ មិនមែនការគ្រប់គ្រងនោះទេ។នេះបើយោងតាម សារព័ត៌មាន Fox News បានចេញផ្សាយកាលពីពេលកន្លងទៅនេះ ។
ឈរជំនួសលោកប្រធានាធិបតីដូ ណលត្រាំ នៅក្នុងជំនួបកំពូលប្រជាជាតិអាស៊ីអាគ្នេយ៍ទាំង ១០ នៅសិង្ហបុរី និងក្រោយមកនៅប៉ាពួញូហ្គីណេ លោកផេនបានប្រាប់ដៃគូមេដឹកនាំរបស់លោកថា ចក្រភព និងការឈ្លានពាន គ្មានកន្លែងនៅក្នុងតំបន់នេះនោះទេ។
លោកបាននិយាយថា ការគាំទ្ររបស់សហរដ្ឋអាមេរិករួមមានការងារដើម្បីប្រឆាំងនឹងភេរវកម្ម និងការដាក់សម្ពាធលើកូរ៉េខាងជើងឱ្យបោះបង់អាវុធនុយក្លេអ៊ែររបស់ខ្លួន និងការប្តេជ្ញាចិត្តមួយ ដើម្បីលើកកំពស់សេរីភាពក្នុងតំបន់សមុទ្រ និងថដែនអាកាស ដែលយើងឈរនៅលើស្មាជាមួយអ្នក ដើម្បីសេរីភាពនាវាចរណ៍ និងការប្តេជ្ញាចិត្តរបស់យើង ដើម្បីធានា ថាប្រជាជាតិរបស់អ្នកមានសុវត្ថិភាព នៅក្នុងព្រំដែនអធិបតេយ្យរបស់អ្នក ទាំងនៅលើដីគោក នៅសមុទ្រ និងនៅទូទាំងពិភពលោក។
លោក Pence បានមានប្រសាសន៍ថា «ដូចអ្នកដែរ យើងចង់ឲ្យតំបន់ឥណ្ឌូ - ប៉ាស៊ីហ្វិក ដែលគ្រប់ប្រជាជិតទាំងតូច ទាំងធំអាចរុងរឿង និងមានសន្តិសុខខាងផ្នែកសន្តិសុខអធិបតេយ្យភាព ទំនុកចិត្តនៅក្នុងតម្លៃរបស់យើង និងរីកចម្រើនរឹងមាំជាមួយគ្នា»។
នៅក្នុងកិច្ចប្រជុំអាស៊ាននោះ បានផ្តោតលើការលើកកម្ពស់ពាណិជ្ជកម្ម និងសន្តិសុខនៅក្នុងតំបន់ ដែលមានប្រជាជនជាង ៦៣០លាននាក់។ ជាមួយគ្នានេះដែរ នាយករដ្ឋមន្ត្រីចិន លោកលី កេឈាំងបានស្វែងរកនូវការធានាដល់ប្រទេសជិតខាងរបស់ចិន ជុំវិញការពង្រីករបស់ខ្លួន ទាំងផ្នែកសេដ្ឋកិច្ច និងយោធានៅក្នុងតំបន់។
កាលពីខែតុលា សហរដ្ឋអាមេរិក បានបញ្ជូនយន្តហោះទម្លាក់គ្រាប់បែកទៅហោះរំលងតំបន់សមុទ្រចិនខាងត្បូងជាទៀតទាត់ និងក្រោយមកអាមេរិកក៏បានបញ្ជូននាវាចម្បាំង ទៅធ្វើនាវាចរណ៍ដោយសេរីនៅក្នុងតំបន់នេះផងដែរ ដែលពេលនោះ ទីក្រុងប៉េកាំងបានបញ្ជូននាវាចម្បាំងរបស់ខ្លួនមួយគ្រឿងបើកដេញបុកនាវាចម្បាំងអាមេរិក។ សហរដ្ឋអាមេរិកបានទង្វើនោះថា គ្មានសុវត្ថិភាព និងបង្កគ្រោះថ្នាក់មកលើខ្លួនដោយគ្មានវិជ្ជាជីវៈ៕
Home ព្រឹត្តិការណ៍ថ្មីៗ លោក Mike Pence៖ សហរដ្ឋអាមេរិកប្តេជ្ញាចិត្តមកកាន់តំបន់ឥណ្ឌូប៉ាស៊ីហ្វីក ប៉ុន្តែមិនស្វែងរកនូវការគ្រប់គ្រងនោះទេ