នាពេលខាងមុខនេះ កងយោធពលខេមរភូមិន្ទ និងកងទ័ពរំដោះប្រជាជនចិន រួមគ្នាធ្វើសមយុទ្ធនាគមាសឆ្នាំ២០១៩ ក្រោម អធិបតីភាពនាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ និងឧត្ដមសេនីយ៍ឯក ម៉ៅ សុផាន់ មេបញ្ជាការរងកងទ័ពជើងគោក និងជាមេបញ្ជាការ កងពលតូចថ្មើរជើងលេខ៧០ ដែលប្រព្រឹត្តិទៅនៅទីលានបាញ់គ្រាប់ពិតតេជោសែនជ័យ ស្ថិតនៅក្នុងស្រុកជុំគិរី ខេត្តកំពត។ នេះបើតាមការបញ្ជាក់របស់នាយឧត្តមសេនីយ៍ ឈុំ សុជាត អ្នកនាំពាក្យក្រសួងការពារជាតិ នៅថ្ងៃទី២២ ខែវិច្ឆិកា ឆ្នាំ២០១៨ នេះ។
អ្នកនាំពាក្យក្រសួងការពារជាតិ បានបញ្ជាក់យ៉ាងដូច្នេះថា៖ “ចំពោះការកំណត់ថ្ងៃសមយុទ្ធនាគមាសឆ្នាំ២០១៩ គឺនៅមិនទាន់កំណត់ទេ ប៉ុន្តែធ្វើនៅខែមីនា ឆ្នាំ២០១៩ ខាងមុខនេះ។ ហើយកម្មវិធីលម្អិតនៃការធ្វើសមយុទ្ធនាគមាសនេះ ទាល់ទេអគ្គបញ្ជាការ និងទីចាត់ការហ្វឹកហ្វឺនអគ្គបញ្ជាការធ្វើការជាមួយចិនសិន”។
សម្រាប់សមយុទ្ធនេះនឹង ធ្វើឡើងធំជាងឆ្នាំមុនៗ ដើម្បីលើកកម្ពស់ សមត្ថភាពកងទ័ពកម្ពុជា និងចិនឲ្យកាន់តែខ្លាំងក្លាបន្ថែមទៀត និងក៏ដើម្បីបង្កើនភាពស្និទ្ធស្នាល និងផ្លាស់ប្តូរបទពិសោធន៍ រវាងកងទ័ព ទាំងពីរឲ្យកាន់តែប្រសើរឡើង ផងដែរ។
ប្រភពដដែលបានបន្ថែមទៀតថា សមយុទ្ធនាគមាស ឆ្នាំ២០១៩ខាងមុខនេះនឹងប្រព្រឹត្តទៅក្រោមរបៀបវារៈ ជាច្រើនលើការសង្គ្រោះជនរងគ្រោះ កើតចេញពីគ្រោះធម្មជាតិ ផ្នែកមនុស្សធម៌ និងរបៀបវារៈជាច្រើនទៀត ក្នុងគោលបំណងបង្កើត រូបភាពរួមគ្នានៃកងទ័ពទាំងពីរ(កម្ពុជា-ចិន)។
Home ព្រឹត្តិការណ៍ថ្មីៗ ឆ្នាំ២០១៩ ខាងមុននេះ កងយោធពលខេមរភូមិន្ទ និងកងទ័ពរំដោះប្រជាជនចិន រួមគ្នាធ្វើសមយុទ្ធនាគមាស ធំជាងឆ្នាំមុន ៗ!