កងកម្លាំងយោធារុស្ស៊ីនឹងចាត់វិធានការ ដោយនឹងធ្វើការឆ្លើយតបទៅនឹងការដែលសហរដ្ឋអាមេរិក អាចនឹងដាក់ពង្រាយគ្រាប់មីស៊ីលនៅតំបន់អ៊ឺរ៉ុប ខណៈដែលប្រធានាធិបតីសហរដ្ឋអាមេរិកបានគម្រាមដកខ្លួនចេញពីសន្ធិសញ្ញានុយក្លេអ៊ែរ ដែលបានចុះហត្ថលេខាកាលសម័យសង្គ្រាមត្រជាក់មក។
អនុរដ្ឋមន្ត្រីការបរទេសរុស្ស៊ី លោក Sergei Ryabkov បាននិយាយកាលពីថ្ងៃចន្ទថា ប្រទេសរបស់លោក នៅតែមានមន្ទិលអំពីសេចក្តីថ្លែងការណ៍ពីប្រទេសអ៊ឺរ៉ុប ដែលបាននិយាយថា អាវុធនុយក្លេអ៊ែរនឹងមិនត្រូវបានដាក់តម្លើងក៏ដោយ។ លោកបាននិយាយថា ជាលទ្ធផលកងកម្លាំងរុស្ស៊ីបានត្រៀមខ្លួនរួចរាល់ហើយ។
លោក Ryabkov បាននិយាយថា «យើងបានឮអំពីការបដិសេធ ប៉ុន្តែមិនបានឭអីផ្សេងទៀតទេ»។ «គម្រោងនេះត្រូវបានផ្លាស់ប្តូរអស់រយៈពេលជាច្រើនលើកច្រើនសារមកហើយ យើងមិនចង់ឲ្យមានការខកចិត្តម្តងទៀតនោះទេ ជាមួយសមភាគីរបស់យើង ហេតុដូច្នេះហើយទើបយើងកំពុងតែត្រៀមសេនារីយូចំពោះករណីដ៏អាក្រក់នេះ នៅក្នុងផែនការយោធា»។
កាលពីខែតុលា ប្រធានាធិបតីសហរដ្ឋអាមេរិក លោកត្រាំបានប្រកាសអំពីការដកខ្លួនចេញពីសន្ធិសញ្ញានុយក្លេអ៊ែរ ដែលអាមេរិកបានចុះហត្ថលេខាជាមួយសហភាពសូវៀត នៅឆ្នាំ ១៩៨៧។
សម្ព័ន្ធមិត្តអ៊ឺរ៉ុប មានអាល្លឺម៉ង់ និងបារាំងបានសម្តែងក្តីព្រួយបារម្ភអំពីគម្រោងនេះ ដោយប្រធានាធិបតីបារាំង លោកម៉ាក្រូនបាននិយាយថា ទង្វើនេះអាចធ្វើឲ្យខូចដល់សន្តិសុខអ៊ឺរ៉ុប។ លោកម៉ាក្រូនបាននិយាយថា អ៊ឺរ៉ុបគួរតែបង្កើតនូវកងកម្លាំងអ៊ឺរ៉ុប ដើម្បីប្រឆាំងនឹងការគម្រាមកំហែងពីសំណាក់រុស្ស៊ី ចិន សហរដ្ឋអាមេរិក។
លោក Ryabkov បាននិយាយថា «យើងមិនអាចព្រងើយកន្តើយទៅនឹងការដាក់ពង្រាយគ្រាប់មីស៊ីអាមេរិក នៅទីណាដែលគម្រាមកំហែងដល់រុស្ស៊ី និងសម្ព័ន្ធមិត្តរបស់ខ្លួននោះទេ»។ កាលពីខែមុន នៅពេលដែលអាមេរិកបានប្រកាសដកខ្លួនចេញពីសន្ធិសញ្ញានុយក្លេអ៊ែរភ្លាម ប្រធានាធិបតីរុស្ស៊ីបានគម្រាមថា រុស្ស៊ីនឹងបើកការវាយប្រហារទៅលើប្រទេសទាំងឡាយណា ដែលហ៊ានដាក់តម្លើងគ្រាប់មីស៊ីលអាមេរិក នៅក្នុងទឹកដីរបស់ខ្លួន៕
អនុរដ្ឋមន្ត្រីការបរទេសរុស្ស៊ី លោក Sergei Ryabkov បាននិយាយកាលពីថ្ងៃចន្ទថា ប្រទេសរបស់លោក នៅតែមានមន្ទិលអំពីសេចក្តីថ្លែងការណ៍ពីប្រទេសអ៊ឺរ៉ុប ដែលបាននិយាយថា អាវុធនុយក្លេអ៊ែរនឹងមិនត្រូវបានដាក់តម្លើងក៏ដោយ។ លោកបាននិយាយថា ជាលទ្ធផលកងកម្លាំងរុស្ស៊ីបានត្រៀមខ្លួនរួចរាល់ហើយ។
លោក Ryabkov បាននិយាយថា «យើងបានឮអំពីការបដិសេធ ប៉ុន្តែមិនបានឭអីផ្សេងទៀតទេ»។ «គម្រោងនេះត្រូវបានផ្លាស់ប្តូរអស់រយៈពេលជាច្រើនលើកច្រើនសារមកហើយ យើងមិនចង់ឲ្យមានការខកចិត្តម្តងទៀតនោះទេ ជាមួយសមភាគីរបស់យើង ហេតុដូច្នេះហើយទើបយើងកំពុងតែត្រៀមសេនារីយូចំពោះករណីដ៏អាក្រក់នេះ នៅក្នុងផែនការយោធា»។
កាលពីខែតុលា ប្រធានាធិបតីសហរដ្ឋអាមេរិក លោកត្រាំបានប្រកាសអំពីការដកខ្លួនចេញពីសន្ធិសញ្ញានុយក្លេអ៊ែរ ដែលអាមេរិកបានចុះហត្ថលេខាជាមួយសហភាពសូវៀត នៅឆ្នាំ ១៩៨៧។
សម្ព័ន្ធមិត្តអ៊ឺរ៉ុប មានអាល្លឺម៉ង់ និងបារាំងបានសម្តែងក្តីព្រួយបារម្ភអំពីគម្រោងនេះ ដោយប្រធានាធិបតីបារាំង លោកម៉ាក្រូនបាននិយាយថា ទង្វើនេះអាចធ្វើឲ្យខូចដល់សន្តិសុខអ៊ឺរ៉ុប។ លោកម៉ាក្រូនបាននិយាយថា អ៊ឺរ៉ុបគួរតែបង្កើតនូវកងកម្លាំងអ៊ឺរ៉ុប ដើម្បីប្រឆាំងនឹងការគម្រាមកំហែងពីសំណាក់រុស្ស៊ី ចិន សហរដ្ឋអាមេរិក។
លោក Ryabkov បាននិយាយថា «យើងមិនអាចព្រងើយកន្តើយទៅនឹងការដាក់ពង្រាយគ្រាប់មីស៊ីអាមេរិក នៅទីណាដែលគម្រាមកំហែងដល់រុស្ស៊ី និងសម្ព័ន្ធមិត្តរបស់ខ្លួននោះទេ»។ កាលពីខែមុន នៅពេលដែលអាមេរិកបានប្រកាសដកខ្លួនចេញពីសន្ធិសញ្ញានុយក្លេអ៊ែរភ្លាម ប្រធានាធិបតីរុស្ស៊ីបានគម្រាមថា រុស្ស៊ីនឹងបើកការវាយប្រហារទៅលើប្រទេសទាំងឡាយណា ដែលហ៊ានដាក់តម្លើងគ្រាប់មីស៊ីលអាមេរិក នៅក្នុងទឹកដីរបស់ខ្លួន៕
