អង្គការ NASAបាននិយាយថា ផ្កាយព្រះគ្រោះដ៏គ្រោះថ្នាក់បំផុតមានទំហំធំជាងលីងបាល់ទាត់រហូតដល់ជាង៣ដង នឹងហោះកាត់ផែនដីក្នុងសប្តាហ៍នេះ។
មជ្ឈមណ្ឌលស្រាវជ្រាវវត្ថុជិតផែនដីរបស់អង្គការ NASAបានឲ្យដឹងថា ផ្កាយព្រះគ្រោះ ដែលស្គាល់ឈ្មោះថា 2008 KV2ត្រូវបានគេរំពឹងថា នឹងមកជិតផែនដីរបស់ពួកយើងនៅចម្ងាយ០.០០៤៥ឆ្នាំពន្លឺប៉ុណ្ណោះ ធ្វើឲ្យវាក្លាយជាផ្កាយព្រះគ្រោះដ៏គ្រោះថ្នាក់បំផុត។
មជ្ឈមណ្ឌលមួយនេះ បានចាត់ទុកផ្កាយព្រះគ្រោះមួយនេះ គឺជាអ្វីមួយដែលខិតមកជិតផែនដីក្នុងចម្ងាយ០.០៥ឆ្នាំពន្លឺ។
វាត្រូវបានរកឃើញដំបូងគេដោយក្រុមអ្នកវិទ្យាសាស្ត្រ កាលពីឆ្នាំ២០០៨ ដោយក្រុមអ្នកស្រាវជ្រាវ បានធ្វើការប៉ាន់ស្មានថា ផ្កាយព្រះគ្រោះមួយនេះ ធ្លាប់បានហោះមកក្បែរនឹងផែនដីញឹកញាប់ខ្លាំងចន្លោះឆ្នាំ១៩០០ និងឆ្នាំ២១៩៩។
ពួកគេបានធ្វើការព្យាករណ៍ថា ផ្កាយព្រះគ្រោះ KV2នឹងហោះឆ្លងកាត់ផែនដីម្តងទៀតនៅឆ្នាំ២០២១ និងឆ្នាំ២០២២។
ផ្កាយព្រះគ្រោះដែលមានប្រវែងស្មើនឹងលីញបាល់ទាត់៣ដងនេះ ត្រូវបានគេរំពឹងថានឹងហោះឆ្លងកាត់តំបន់វត្ថុជិតផែនដីរបស់អង្គការ NASAផងដែរ។
សូមបញ្ជក់ថា អង្គការ NASAបានចាត់ទុកវត្ថុជិតផែនដីថាជា ផ្កាយព្រះគ្រោះ ឬផ្កាយដុះកន្ទុយ ដែលស្ថិតនៅចម្ងាយចម្លោះពី៩១លាន ទៅ១២១លានម៉ៃល៍ពីព្រះអាទិត្យ ពោលគឺវានឹងអាចឆ្លងកាត់នៅចម្ងាយ៣០លានម៉ៃល៍ពីគន្លងផែនដី៕
Home ព្រឹត្តិការណ៍ថ្មីៗ ផ្កាយព្រះគ្រោះដ៏គ្រោះថ្នាក់បំផុតទំហំធំជាងលីងបាល់ទាត់៣ដង នឹងហោះកាត់ផែនដីក្នុងសប្តាហ៍នេះ